അരയാഞ്ഞിലി

ഇന്ത്യ, ആഫ്രിക്ക, മലയ, ശ്രീലങ്ക തുടങ്ങിയിടങ്ങളിൽ കാണപ്പെടുന്ന 50 മീറ്ററോളം ഉയരം വയ്ക്കുന്ന ഒരു മരമാണ് അരയാഞ്ഞിലി(Upas Tree).(ശാസ്ത്രീയനാമം: Antiaris toxicaria).^[1] ഇന്ത്യയിൽ സഹ്യപർവ്വതപ്രദേശം ഉൾപ്പെടുന്ന ദക്ഷിണഭാരതത്തിലാണ് ഇത് കൂടുതലായി കണ്ടുവരുന്നത്. ആരാന്തൽ, ആരാഞ്ഞിലി, നെട്ടാവിൽ, ചിലപ്പേട്ടമരം, കാരാഞ്ഞിലി, മരവുരി, അരയന്നാലി എന്നെല്ലാം പേരുകളുണ്ട്.ഇത് ഏകദേശം എൺപതു മീറ്റർ വരെ ഉയരത്തിൽ വളരുന്നു.ഇന്ത്യയിൽ സഹ്യപർവ്വത പ്രദേശം ഉൾപ്പെടെയുള്ള ദക്ഷിണ ഭാരതത്തിലാണ് കൂടുതലായും ഈ മരം ഉള്ളത്.

അരയാഞ്ഞിലി
അരയാഞ്ഞിലിയുടെ ഇലകൾ
Scientific classification
കിങ്ഡം:	Plantae
(unranked):	Angiosperms
(unranked):	Eudicots
(unranked):	Rosids
Order:	Rosales
Family:	Moraceae
Tribe:	Castilleae
Genus:	Antiaris
Species:	A. toxicaria
Binomial name
Antiaris toxicaria Lesch.
Synonyms
Antiaris dubia Span. ex Hook. Antiaris innoxia Blume Antiaris rufa Miq. Antiaris saccidora Dalzell Antiaris zeylanica Seem. Cestrum toxicarium J.F.Gmel. Ficus challa Schweinf. Ipo saccidora (Dalzell) A.Lyons Unresolved Ipo toxicaria Pers. Unresolved Lepurandra saccidora Nimmo Unresolved Toxicaria macassariensis Aepnel. ex Steud. Unresolved

ദീർഘവൃത്താകൃതിയിലുള്ള ഇലകൾക്ക് 15 സെന്റിമീറ്ററോളം നീളവും 6 സെന്റിമീറ്ററോളം വീതിയുമുണ്ട്. അവ തണ്ടിൽ ഒന്നിടവിട്ട് രണ്ടുനിരകളിലായി കാണുന്നു. സെപ്റ്റംബർ, ഒക്ടോബർ മാസങ്ങളിലാണ് ഇവ പൂക്കുന്നത്. കായക്ക് ചുവപ്പുനിറമാണ്. വലിയ പൊക്കമുള്ള അരയാഞ്ഞിലിയുടെ മരത്തൊലി കട്ടിക്കൂടിയതാണ്. പരുപരുത്ത ഇതിന്റെ മരത്തൊലിക്ക് 2 സെന്റിമീറ്ററോളം കനമുണ്ട്. തടിയിലെ വെള്ളക്കറയിൽ 'ആന്റിയാരിൻ' എന്ന വിഷമുണ്ട്. മുൻകാലങ്ങളിൽ മലയന്മാർ അമ്പിൽ പുരട്ടുന്ന വിഷമായി അരയാഞ്ഞിലിക്കറ ഉപയോഗിച്ചിരുന്നു^{[അവലംബം ആവശ്യമാണ്]}. വെള്ളനിറമുള്ള തടിയ്ക്ക് ഈടും ഉറപ്പും കുറവാണ്.

അരയാഞ്ഞിലിയുടെ രേഖാചിത്രം