From Wikipedia, the free encyclopedia
ഭാരത സർക്കാരിന്റെ ഉടമസ്ഥതയിൽ, വളവും രാസവസ്തുക്കളും നിർമ്മിച്ച് വിപണനം ചെയ്യുന്ന കേരളത്തിലെ ഒരു പൊതുമേഖലാ സ്ഥാപനമാണ് ഫാക്ട് എന്ന ചുരുക്കപ്പേരിലറിയപ്പെടുന്ന ദി ഫെർട്ടിലൈസേഴ്സ് ആന്റ് കെമിക്കൽസ് ട്രാവൻകൂർ ലിമിറ്റഡ്.(FACT)[1] രണ്ടാം ലോകമഹായുദ്ധത്തോടെ ഭക്ഷ്യധാന്യങ്ങളുടെ ഇറക്കുമതി ചുരുങ്ങിയതോടെ രാജ്യത്തിന്റെ പല ഭാഗങ്ങളിലും ക്ഷാമവും അതുവഴിയുണ്ടായ പ്രശ്നങ്ങളും പരിഹരിക്കുന്നതിനായി അന്നത്തെ തിരുവിതാംകൂർ ഭരണാധികാരിയായിരുന്ന ഡോ. സി. പി. രാമസ്വാമി അയ്യരുടെ നിർദ്ദേശാനുസരണമാണ് ഫാക്ടിനു രൂപം കൊടുത്തത്. വ്യവസായപ്രമുഖരായിരുന്ന ശേഷസായി സഹോദരന്മാരുടെ ഉടമസ്ഥതയിൽ എറണാകുളം ജില്ലയിൽ പെരിയാർ നദിയുടെ തീരത്ത് ആലുവയ്ക്കടുത്ത് ഏലൂരിൽ 1943ൽ[2] കമ്പനി ഇൻകോർപ്പറേറ്റ് ചെയ്തു. 1960ൽ ഫാക്ട് ഗവർണ്മെന്റ് ഉടമസ്ഥതയിലുള്ള സ്ഥാപനമായി. 1962ഓടെ കേന്ദ്രസർക്കാർ പ്രധാന ഓഹരിയുടമയായുള്ള ഒരു പൊതുമേഖലാസ്ഥാപനമായി ഫാക്ട് മാറി.
Public Sector Undertaking | |
വ്യവസായം | Fertiliser and Chemical manufacturing |
സ്ഥാപിതം | 1943 |
സ്ഥാപകൻ | Sree Chithira Thirunal Balarama Varma |
ആസ്ഥാനം | , |
സേവന മേഖല(കൾ) | India |
പ്രധാന വ്യക്തി | Kishor Rungta (CMD) |
ഉത്പന്നങ്ങൾ | Ammonia, Sulphuric Acid, Ammonium Phosphate-Sulphate (FACTAMFOS), Ammonium Sulphate, Zincated Ammonium Phosphate, Caprolactam |
ഉടമസ്ഥൻ | Govt. of India |
ഡിവിഷനുകൾ | Udyogamandal Complex (UC) Cochin Division (CD) |
വെബ്സൈറ്റ് | www |
നിലവിൽ കമ്പനിയ്ക്ക് വളം നിർമ്മിക്കുന്നതിന് ഉദ്യോഗമണ്ഡലിലും (1947) അമ്പലമേടിലും (1973), നൈലോൺ നിർമ്മിക്കുന്നതിനാവശ്യമായ കാപ്രോലാക്ടം ഉൽപാദിപ്പിക്കാനായി ഉദ്യോഗമണ്ഡലിലും (1990) ആയി 3 ഉത്പാദനകേന്ദ്രങ്ങളുണ്ട്. 1965ൽ സ്ഥാപിതമായ ഫെഡോ (ഫാക്ട് എഞ്ചിനിയറിംഗ് ആന്റ് ഡിസൈൻ ഓർഗനൈസേഷൻ), ഉദ്യോഗമണ്ഡൽ, 1966ൽ സ്ഥാപിതമായ ഫ്യു (ഫാക്ട് എഞ്ചിനിയറിംഗ് വർക്സ്), പള്ളുരുത്തി എന്നിവ ഫാക്ടിന്റെ മറ്റു ഡിവിഷനുകളാണ്.
ഉദ്യോഗമണ്ഡലിലെ ഫാക്ടറിയിൽ പ്രതിവർഷം 50,000 ടൺ അമ്മോണിയം സൾഫേറ്റ് നിർമ്മിക്കാനാവും. ഇതുകൂടാതെ കമ്പനിയുടെ ഗവേഷണ വികസന വിഭാഗത്തിന്റെ മേൽനോട്ടത്തിൽ വർഷത്തിൽ 150 ടൺ ജൈവ വളവും ഉത്പാദിപ്പിക്കുന്നുണ്ട്. ഉത്പന്ന വിപണനത്തിനായി കേരളം, തമിഴ്നാട്, കർണ്ണാടകം, ആന്ധ്രാപ്രദേശ് എന്നീ സംസ്ഥാനങ്ങളിലായി വിപുലമായ വിപണന ശൃംഖലയും ഫാക്ടിനുണ്ട്.
നൈലോൺ-6 ഉൽപാദിപ്പിക്കുന്നതിനു വേണ്ടിയുള്ള പ്രധാന അസംസ്കൃത വസ്തുവാണ് കാപ്രോലാക്ടം. ഫാക്ടിൽ ഉൽപാദിപ്പിക്കുന്ന കാപ്രോലാക്ടം വളരേയെറെ പേരുകേട്ടതാണ്. കാപ്രോലാക്ടത്തിന്റെ ഉൽപ്പാദനവേളയിൽ നൈട്രിക് ആസിഡും, സോഡാ ആഷും, ഉപോൽപ്പനങ്ങളായി ലഭിക്കുന്നു. ഇത് വളരെ കുറഞ്ഞ അളവിലാണ് ഉൽപ്പാദിപ്പിക്കപ്പെടുന്നതെങ്കിലും, വിപണനസാധ്യതയുള്ള ഉൽപ്പന്നങ്ങൾ തന്നെയാണ്.[4]
ഫാക്ടിലെ ഗവേഷണ വികസനവിഭാഗം, വളരെ മേന്മയേറിയ ജൈവവളങ്ങൾ വികസിപ്പിച്ചെടുത്തിട്ടുണ്ട്. റിസോബിയം, ആസോസ്പിരിലിയം തുടങ്ങിയവ ഫാക്ടി ഗവേഷണ വികസനവിഭാഗം വികസിപ്പിച്ചെടുത്ത ജൈവവളങ്ങളാണ്.
2009-10 | 2008-2009 | ഏപ്രിൽ-ഡിസം. 2010 | |
---|---|---|---|
ഉത്പാദനം (ടൺ) | |||
ഫാക്ടംഫോസ് 20:20 | 7,53,744 | 6,05,047 | 4,81,457 |
അമ്മോണിയം സൾഫേറ്റ് | 1,79,546 | 1,28,845 | 1,45,554 |
കാപ്രോലാക്ടം | 42,006 | 13,548 | 32,070 |
വില്പന (ലക്ഷം ടൺ) | |||
വളം | 10.45 | 8.33 | 7.18 |
കാപ്രോലാക്ടം | 0.38 | 0.12 | 0.32 |
സാമ്പത്തികസ്ഥിതി (ലക്ഷം രൂപയിൽ) | |||
ലാഭം/നഷ്ടം(-) | (-)10370.34 | (-)4311.44 | 1409 |
എൻജിനീയറിംഗ് രംഗത്ത് ഫാക്ടിന്റെ വർദ്ധിച്ചുവരുന്ന ആവശ്യകത കണക്കെടുത്ത് രൂപം കൊടുത്ത ഫാക്ടിന്റെ സഹോദരസ്ഥാപനമാണ് ഫെഡോ (ഫാക്ടി എൻജിനീയറിംഗ് ആന്റ് ഡിസൈൻ ഓർഗനൈസേഷൻ). 1965 ജൂലൈ 24 നാണ് ഫെഡോ രൂപം കൊള്ളുന്നത്.[5]
വളം ഉത്പാദനശാലകൾക്കുള്ള യന്ത്രങ്ങൾ നിർമ്മിക്കാനും, അവ സ്ഥാപിക്കുവാനും വേണ്ടി രൂപംകൊടുത്ത മറ്റൊരു വിഭാഗമാണ് ഫ്യൂ അഥവാ ഫാക്ട് എൻജീനയറിംഗ് വർക്സ്. 1966 ഏപ്രിൽ 16 നാണ് ഫ്യൂ രൂപംകൊണ്ടത്. [6]
തുടക്കത്തിൽ ഏറെ ലാഭമുണ്ടാക്കിയ ഒരു പൊതുമേഖലാ സ്ഥാപനമായിരുന്നു ഫാക്ടെങ്കിലും, ഉദാരവൽക്കരണത്തിന്റേയും, ആഗോളവൽക്കരണത്തിന്റേയും പുതിയ നയങ്ങളിൽപ്പെട്ട് അത് ഇപ്പോൾ ഒരു കനത്ത പ്രതിസന്ധിയെ നേരിട്ടുകൊണ്ടിരിക്കുകയാണ്. രാസ വള നിർമ്മാണത്തിലെ പ്രധാന അസംസ്കൃത വസ്തുവായ നാഫ്തയുടെ വില കുത്തനെ ഉയർന്നതാണ് ഈ പ്രതിസന്ധി രൂക്ഷമാകാൻ കാരണം. നാഫ്തക്കു പകരം ദ്രവീകൃത പ്രകൃതി വാതകം ഉപയോഗിക്കാൻ ഫാക്ട് തീരുമാനിച്ചുവെങ്കിലും, പ്രശ്നം കൂടുതൽ സങ്കീർണ്ണമാവുകയായിരുന്നു. ദ്രവീകൃത വാതകം ഉപയോഗിച്ചു തുടങ്ങിയതോടെ, കേന്ദ്രസർക്കാർ നാഫ്ത ഇന്ധനത്തിനു നൽകിയിരുന്ന സബ്സിഡി നിർത്തലാക്കി.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.