പാട്യം ഗ്രാമപഞ്ചായത്ത്

കണ്ണൂർ ജില്ലയിൽ തലശ്ശേരി താലൂക്കിലെ കൂത്തുപറമ്പ് ബ്ലോക്കിൽ സ്ഥിതിചെയ്യുന്ന ഗ്രാമപഞ്ചായത്താണ് പാട്യം ഗ്രാമപഞ്ചായത്ത്^[1].2006-ൽ പെരിങ്ങളം നിയോജകമണ്ഡലത്തിൽ ഉൾപ്പെട്ടിരുന്ന ഈ ഗ്രാമപഞ്ചായത്ത്, 2011 മുതൽ കൂത്തുപറമ്പ് നിയോജകമണ്ഡലത്തിലാണ്‌ ഉൾപ്പെടുന്നത്.^[2]

പാട്യം ഗ്രാമപഞ്ചായത്ത്
മനുഷ്യവാസ പ്രദേശം, ഗ്രാമപഞ്ചായത്ത്
,
രാജ്യം	ഇന്ത്യ
സംസ്ഥാനം	കേരളം
ജില്ല	കണ്ണൂർ ജില്ല
വാർഡുകൾ	ഓട്ടച്ചീമാക്കൂൽ, സൌത്ത് പാട്യം, കോങ്ങാറ്റ നോർത്ത്, പൂക്കോട്, പുതിയതെരു, മുതിയങ്ങ, മൂഴിവയൽ, കൂറ്റേരിപ്പൊയിൽ, ചീരാറ്റ, കാര്യാട്ടുപുറം, പൂവ്വത്തൂർ, കണ്ണവം കോളനി, ചെറുവാഞ്ചേരി, പത്തായക്കുന്ന്, കൊങ്കച്ചി, കൊട്ടയോടി, കിഴക്കേ കതിരൂർ, കോങ്ങാറ്റ
ജനസംഖ്യ
ജനസംഖ്യ	27,589 (2001)
പുരുഷന്മാർ	• 13,221 (2001)
സ്ത്രീകൾ	• 14,368 (2001)
സാക്ഷരത നിരക്ക്	92.41 ശതമാനം (2001)
കോഡുകൾ
തപാൽ	•
LGD	• 221213
LSG	• G130905
SEC	• G13057

ഗ്രാമ പഞ്ചായത്ത് വാർഡുകൾ

വി.കെ.ജലജയാണ് ഗ്രാമപഞ്ചായത്ത് പ്രസിഡന്റ്. ഈ ഗ്രാമപഞ്ചായത്തിൽ 17 വാർഡുകളാണുള്ളത്.^[3]

1. കോങ്ങാറ്റ നോർത്ത്
2. പൂക്കോട്
3. ഓട്ടച്ചിമാക്കൂൽ
4. മൂഴിവയൽ
5. പുതിയതെരു
6. മുതിയങ്ങ
7. കാര്യാട്ടുപുറം
8. കുറ്റ്യേരിപൊയിൽ
9. ചീരാറ്റ
10. പൂവത്തൂർ
11. കണ്ണവം കോളനി
12. ചെറുവാഞ്ചേരി
13. പത്തായക്കുന്ന്
14. കൊട്ടയോടി
15. കൊങ്കച്ചി
16. ഈസ്റ്റ് കതിരൂർ
17. കോങ്ങാറ്റ

ഭൂമിശാസ്ത്രം

^[4]

അതിരുകൾ

• വടക്ക്: കോട്ടയം, കൂത്തുപറമ്പ്, ചിറ്റാരിപ്പറമ്പ്
• കിഴക്ക്: ചിറ്റാരിപ്പറമ്പ്, കുന്നോത്ത് പറമ്പ്, വയനാട് ജില്ലയിലെ തൊണ്ടർനാട് ഗ്രാമപഞ്ചായത്ത്
• തെക്ക്: മൊകേരി, കോഴിക്കോട് ജില്ലയിലെ വാണിമേൽ ഗ്രാമപഞ്ചായത്ത്
• പടിഞ്ഞാറ്: കതിരൂർ, കോട്ടയം

ഭൂപ്രകൃതി

പാട്യം പഞ്ചായത്തിന്റെ പശ്ചിമമേഖല ഇടനാടൻ ഭൂപ്രകൃതിയുള്ളതും പൂർവ്വമേഖല മലനാടൻ ഭൂപ്രകൃതിയുള്ളതുമാണ്‌. പഞ്ചായത്തിന്റെ കിഴക്കുഭാഗം കണ്ണവം റിസർവ് ഫോറസ്റ്റാണ്‌. ഭൂപ്രകൃതിയനുസരിച്ച് പഞ്ചായത്തിനെ ഉയർന്ന സമതലം, ചരിഞ്ഞ പ്രദേശം, ചെറുചെരിവ്, സമതലം എന്നിങ്ങനെ നാലായി തിരിക്കാം. ഈ പഞ്ചായത്തിന്റെ വിസ്തൃതിയുടെ 5% വനപ്രദേശമാണ്‌.

ജലപ്രകൃതി

പാട്യം പഞ്ചായത്തിലെ ഇളമാങ്കൽകുന്നിൽനിന്നും ഉത്ഭവിക്കുന്ന പാത്തിപ്പുഴ(തലശ്ശേരിപ്പുഴ) പഞ്ചായത്തിലൂടെയും പഞ്ചായത്തിന്റെ അതിർത്തിയിൽക്കൂടെയും ഒഴുകുന്നു.പഴശ്ശി ജലസേചനപദ്ധതിയുടെ കനാലുകൾ ഈ പഞ്ചായത്തിന്റെ പടിഞ്ഞാറ് ഭാഗത്തുകൂടി കടന്നുപോകുന്നുണ്ട്.

ഗതാഗതം

തലശ്ശേരി-കൂർഗ് റോഡ് പഞ്ചായത്തിന്റെ അതിർത്തിയിലൂടെയാണ്‌ കടന്നുപോകുന്നത്. ^[5]

രൂപവത്കരണം

1961 ഡിസംബർ 28-നാണ്‌ പാട്യം ഗ്രാമപഞ്ചായത്ത് നിലവിൽവന്നത്. ^[5]

ഇതും കാണുക

കേരളത്തിലെ ഗ്രാമപഞ്ചായത്തുകളുടെ പട്ടിക