From Wikipedia, the free encyclopedia
ഒരു ഇന്ത്യൻ ഫോട്ടോഗ്രാഫറാണ് കെ.ആർ. സുനിൽ (ജനനം: 1975).
കെ.ആർ. സുനിൽ | |
---|---|
ജനനം | 29 ജൂൺ, 1975 |
ദേശീയത | ഇന്ത്യൻ |
തൊഴിൽ | ഫോട്ടോഗ്രാഫർ |
പുരസ്കാരങ്ങൾ | കേരള ലളിത കലാ അക്കാദമി പുരസ്കാരം (1997) |
1975 മെയ് 29ന് കൊടുങ്ങല്ലൂരിൽ ജനിച്ചു.[1] തൃശൂർ ഫൈൻ ആർട്സ് കോളേജിൽ നിന്നും ബിരുദം കരസ്ഥമാക്കി. 1997ൽ കേരള ലളിത കലാ അക്കാദമി പുരസ്കാരം ലഭിച്ചു. ഇന്ത്യയിലും പുറത്തുമായി നിരവധി പ്രദർശനങ്ങൾ നടത്തിയിട്ടുണ്ട്. 2011ലെ ഗോൾഡൻ റോൾ ഫോട്ടോഗ്രഫി മത്സരത്തിലേക്ക് തെരഞ്ഞെടുക്കപ്പെട്ടിരുന്നു.
കെ.ആർ. സുനിലിന്റെ 'റെഡ് ഡിവോഷൻ' എന്ന ഫോട്ടോ പ്രദർശനം തൃശ്ശൂരിലും കൊച്ചിയിലും പ്രദർശിപ്പിക്കുകയുണ്ടായി. നിരവധി അന്താരാഷ്ട്ര പത്രമാസികകളിൽ കെ.ആർ. സുനിലിന്റെ ചിത്രങ്ങൾ പ്രസിദ്ധീകരിച്ചിട്ടുണ്ട്. 'ജലം' എന്ന വിഷയത്തെ ആധാരമാക്കിയെടുത്ത ചിത്രങ്ങൾക്കാണ് 2016ലെ ഹാബിറ്റാറ്റ് ഇന്ത്യയുടെ ഫോട്ടോസ്ഫിയർ പുരസ്കാരം ലഭിച്ചത്. കേരള ലളിത കലാ അക്കാദമിയുടെയും ഗുജറാത്ത് ലളിത കലാ അക്കാദമിയുടെയും വാർഷിക പ്രദർശനങ്ങളിൽ കെ.ആർ. സുനിലിന്റെ ചിത്രങ്ങൾ പ്രദർശിപ്പിച്ചിട്ടുണ്ട്.
കേരളത്തിലെ തുറമുഖ നഗരമായ പൊന്നാനിയിലെ ജനങ്ങളുടെ സാമൂഹ്യപരവും വ്യാപാര സംബന്ധിയുമായ ജീവിതം അവതരിപ്പിക്കുന്ന ഫോട്ടോഗ്രാഫി പരമ്പരയാണ് 2016ലെ കൊച്ചി-മുസിരിസ് ബിനാലെയിൽ പ്രദർശിപ്പിച്ചിരിക്കുന്ന കെ.ആർ. സുനിലിന്റെ 'വാനിഷിംഗ് ലൈഫ് വേൾഡ്സ്'.[2] പ്രധാനവേദിയായ ഫോർട്ട് കൊച്ചിയിലെ ആസ്പിൻവാൾ ഹൗസിലാണ് ഈ ചിത്രങ്ങൾ പ്രദർശിപ്പിച്ചിരിക്കുന്നത്. പൊന്നാനിയുടെ ചരിത്രവും അവിടുത്തെ ജനജീവിതവുമാണ് ഈ ചിത്രങ്ങളുടെ ഉള്ളടക്കം.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.