കുര്യൻ ജോൺ മേളാംപറമ്പിൽ

കേരളത്തിലെ ഒരു വ്യാപാരിയും സാമൂഹികസേവകനുമാണ്‌ കുര്യൻ ജോൺ മേളാംപറമ്പിൽ‍. കറിപ്പൗഡർ രംഗത്തെ പ്രമുഖരായ മേളം ഗ്രൂപ്പ് ഓഫ് കമ്പനീസിന്റെ സ്ഥാപകനും മേധാവിയുമാണ്‌ അദ്ദേഹം.^[1] 2010 ലെ പത്മശ്രീ പുരസ്കാരത്തിന്‌ അർഹനായിട്ടുണ്ട്.^[2]

കുര്യൻ ജോൺ മേളാംപറമ്പിൽ
കുര്യൻ ജോൺ മേളാംപറമ്പിൽ
ജനനം	(1954-05-14) മേയ് 14, 1954  (70 വയസ്സ്) തിരുവല്ല, കേരളം
ദേശീയത	ഇന്ത്യ
തൊഴിൽ	വ്യവസായി
ജീവിതപങ്കാളി	സുജാത
കുട്ടികൾ	ദിവ്യ, ധന്യ
മാതാപിതാക്കൾ	വർഗ്ഗീസ് ജോൺ ലീലാമ്മ
അവാർഡുകൾ	പത്മശ്രീ
വെബ്സൈറ്റ്	melamfoundation.org

ജീവിതരേഖ

1954 മെയ് 14 ന് തിരുവല്ലയിൽ എം.വി ജോണിന്റെയും ലീലാമ്മയുടേയും മകനായി ഒരു പരമ്പരാഗത ബിസിനസ്സ് കുടുംബത്തിൽ ജനനം.^[3]. എം.ജി.എം ഹൈസ്കൂൾ തിരുവല്ല, തിരുവല്ല മാർത്തോമ കോളേജ്, തിരുവന്തപുരം മാർ ഇവോനിയസ് കോളേജ് എന്നിവിടങ്ങളിലായി പഠനം. സാമ്പത്തിക ശാസ്ത്രത്തിൽ ബിരുദവും ഇൻഡോർ സ്കൂൾ ഓഫ് സോഷ്യൽ സയൻസിൽ നിന്ന് സാമുഹിക സേവനത്തിൽ ബിരുദാനന്തര ബിരുദവും നേടി.^[4] രോഗികളേയും അശരണരേയും സഹായിക്കുന്നതിനായി 1986 ൽ മേളം ചാരിറ്റീസിന് തുടക്കമിട്ടു. ഈ സംരംഭത്തിലേക്കാവശ്യമായ പണം കണ്ടെത്തുന്നതിനായിട്ടാണ് പിന്നീടദ്ദേഹം മേളം ഗ്രൂപ്പ് ഓഫ് കമ്പനീസ് ആരംഭിക്കുന്നത്.