കടപ്പാക്കട

കേരളത്തിൽ കൊല്ലം ജില്ലയിലുള്ള ഒരു ജംഗ്ഷനാണ് കടപ്പാക്കട. കൊല്ലം - തിരുമംഗലം ദേശീയപാത 744 ഉം ആശ്രാമം ലിങ്ക് റോഡും സന്ധിക്കുന്നത് കടപ്പാക്കടയിൽ വച്ചാണ്. ദേശീയപാതകളിലൂടെയുള്ള ഗതാഗത തിരക്ക് കുറയ്ക്കുവാനായി കടപ്പാക്കട വഴി വാഹനങ്ങൾ തിരിച്ചുവിടാറുണ്ട്.^[1] ഉളിയക്കോവിൽ, ആശ്രാമം, അമ്മൻനട, പോളയത്തോട് എന്നിവയാണ് കടപ്പാക്കടയ്ക്കു സമീപമുള്ള പ്രദേശങ്ങൾ. ഏകദേശം 2.2 കിലോമീറ്റർ അകലെയായി കൊല്ലം ജംഗ്ഷൻ തീവണ്ടിനിലയവുമുണ്ട്.

കടപ്പാക്കട Kadappakkada
പട്ടണം
കടപ്പാക്കട ജംഗ്ഷൻ, കൊല്ലം
കടപ്പാക്കട Location in Kollam, India
Coordinates: 8.892283°N 76.603591°E / 8.892283; 76.603591
രാജ്യം	ഇന്ത്യ
സംസ്ഥാനം	കേരളം
ജില്ല	കൊല്ലം
ഭരണസമ്പ്രദായം
• ഭരണസമിതി	കൊല്ലം കോർപ്പറേഷൻ
ഭാഷകൾ
• ഔദ്യോഗിക ഭാഷകൾ	മലയാളം, ഇംഗ്ലീഷ്
സമയമേഖല	UTC+5:30 (IST)
പിൻകോഡ്	691008
വാഹന റെജിസ്ട്രേഷൻ	KL-02
ലോക്സഭ മണ്ഡലം	കൊല്ലം
ഭരണച്ചുമതല	കൊല്ലം കോർപ്പറേഷൻ
ഉഷ്ണകാല താപനില	34 °C (93 °F)
ശൈത്യകാല താപനില	22 °C (72 °F)
വെബ്സൈറ്റ്	http://www.kollam.nic.in

പദ്ധതികൾ

കടപ്പാക്കട ജംഗ്ഷനിൽ അടിപ്പാത നിർമ്മിക്കുന്നതു സംബന്ധിച്ച് നാഷണൽ ട്രാൻസ്പോർട്ടേഷൻ പ്ലാനിംഗ് ആൻഡ് റിസർച്ച് സെന്റർ (NATPAC) ഒരു സർവ്വേ നടത്തിയിട്ടുണ്ട്.^[2] 2014 ഫെബ്രുവരിയിൽ കൊച്ചിയിൽ നടന്ന 'പാട്നർ കേരള' എന്ന നിക്ഷേപക സംഗമത്തിൽ കടപ്പാക്കട ജംഗ്ഷന്റെ വികസനം സംബന്ധിച്ച് കൊല്ലം ഡെവലപ്മെന്റ് അതോറിറ്റി ഒരു പദ്ധതി അവതരിപ്പിച്ചിരുന്നു.^[3] കേന്ദ്രസർക്കാരിന്റെ 'അർബൻ 2020' പ്രോജക്ടിന്റെ ഭാഗമായി കടപ്പാക്കടയിൽ 14 മീറ്റർ വീതിയുള്ള ഒരു മേൽപ്പാലം നിർമ്മിക്കുവാൻ തീരുമാനിച്ചിട്ടുണ്ട്. 100 കോടി രൂപയാണ് ചെലവു പ്രതീക്ഷിക്കുന്നത്.^[4]

പ്രധാന സ്ഥാപനങ്ങൾ

• എസ്.ബി.ടി. സോണൽ ഓഫീസ്
• ഹോട്ടൽ സീ പേൾ
• നന്ദിലത്ത് ജി - മാർട്ട്
• ധന്യ, രമ്യ തീയറ്ററുകൾ
• ശങ്കേഴ്സ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്
• നായേഴ്സ് ഹോസ്പിറ്റൽ
• മലയാള മനോരമ ഓഫീസ്
• കടപ്പാക്കട സ്പോർട്സ് ക്ലബ്ബ്
• ജനയുഗം പ്രസ്
• ഉപാസന ഹോസ്പിറ്റൽ

ചിത്രശാല

• 
  കടപ്പാക്കടയ്ക്കു സമീപമുള്ള വോക്സ്വാഗൺ സർവീസ് സെന്റർ
• 
  ആശ്രാമം മൈതാനം
• 
  ആശ്രാമം ബ്രിട്ടീഷ് റെസിഡൻസി
• 
  കടപ്പാക്കട ജംഗ്ഷൻ

അവലംബം

1. It's traffic nightmare in Kollam as underpass work resumes
2. Natpac to hold feasibility study
3. Archived 2018-11-06 at the Wayback Machine. Partner Kerala Meet
4. "Approval for Kadappakada flyover - The Hindu". Retrieved 24 February 2015.

പുറംകണ്ണികൾ