കേരളത്തിൽ സ്ഥിതിചെയ്യുന്ന തീവണ്ടി നിലയം From Wikipedia, the free encyclopedia
വലിപ്പത്തിന്റെ അടിസ്ഥാനത്തിൽ കേരളത്തിലെ ഏറ്റവും വലിയ രണ്ടാമത്തെ തീവണ്ടി നിലയമാണ് കൊല്ലം ജംഗ്ഷൻ. കേരളത്തിലെ തന്നെ ആദ്യ തീവണ്ടി നിലയങ്ങളിലൊന്നാണ് കൊല്ലം. കൊല്ലം നഗരത്തിലെ 4 നിലയങ്ങളിൽ ഏറ്റവും വലുതും പ്രധാനപ്പെട്ടതുമാണ് കൊല്ലം ജംഗ്ഷൻ. തിരുവനന്തപുരം-എറണാകുളം റൂട്ടിൽ കൊല്ലം - തിരുവനന്തപുരം പാതയിലാണ് ഈ തീവണ്ടി നിലയം സ്ഥിതിചെയ്യുന്നത്. കൊല്ലം - ചെങ്കോട്ട തീവണ്ടിപ്പാത ഇവിടെ നിന്ന് ആരംഭിക്കുന്നു. [1] തിരുവിതാംകൂറിൽ തീവണ്ടി സർവ്വീസ് ആരംഭിച്ചപ്പോൾ കൊല്ലം-മദ്രാസ് മീറ്റർ ഗേജ് പാത മാത്രമേ ഉണ്ടായിരുന്നുള്ളൂ. 1902-ലാണ് കൊല്ലത്ത് നിന്ന് പരീക്ഷണാടിസ്ഥാനത്തിൽ ആദ്യത്തെ ചരക്ക് തീവണ്ടി ഓടിയത്. ആദ്യത്തെ യാത്രാതീവണ്ടി രണ്ടു കൊല്ലത്തിനു ശേഷം 1904 ജൂൺ ഒന്നിന് ഓടി. 1904 നവംബർ 26ന് കൊല്ലം - ചെങ്കോട്ട റെയിൽപാത ഔദ്യോഗികമായി ഉദ്ഘാടനം ചെയ്തു. എന്നാൽ ശക്തമായ മഴയിൽ തുരങ്കങ്ങളുടെ ചുവരുകൾ തകർന്നതിനാൽ ഉദ്ഘാടനദിവസം തീവണ്ടി ഓടിയത് പുനലൂർ വരെ മാത്രമാണ്. കൊല്ലത്തെ സ്റ്റേഷൻ മാസ്റ്ററായിരുന്ന രാമയ്യയാണ് വണ്ടിയെ പതാക വീശി യാത്രയാക്കിയത്. തീവണ്ടി പുറപ്പെടുമ്പോൾ 21 ആചാരവെടികൾ മുഴങ്ങിയിരുന്നു. ആദ്യത്തെ ട്രെയിനിന് 'ധൂമശകടാസുരൻ' എന്നാണ് തദ്ദേശവാസികൾ പേര് നൽകിയത്.
കൊല്ലം ജംഗ്ഷൻ ക്വയിലോൺ ജംഗ്ഷൻ | |
---|---|
ഇന്ത്യൻ റയിൽവേ ജംഗ്ഷൻ | |
![]() കൊല്ലം തീവണ്ടി നിലയം | |
General information | |
Location | ചിന്നക്കട, കൊല്ലം, കേരളം![]() |
Coordinates | 8.8860°N 76.5951°E |
Line(s) | തിരുവനന്തപുരം |
Platforms | 6 (1A, 1, 2, 3, 4, 5) |
Tracks | 17 (2 എണ്ണം കൊല്ലം മെമു ഷെഡിലേയ്ക്ക്) |
Connections | സബർബൻ മെമു തീവണ്ടി, ബസ്സ്, ഓട്ടോറിക്ഷ, ടാക്സി |
Construction | |
Structure type | ഭൂതല നിർമ്മിതി |
Parking | ലഭ്യമാണ് |
Other information | |
Status | സജീവം |
Station code | QLN |
Zone(s) | ദക്ഷിണ റെയിൽവേ |
Division(s) | തിരുവനന്തപുരം |
History | |
Opened | 1904 |
Rebuilt | നടന്നുകൊണ്ടിരിക്കുന്നു |
Electrified | അതെ |
Previous names | Quilon Junction |
Passengers | |
2018–19 | 23,479 (പ്രതിദിനം) |
Rank | 4 (കേരളത്തിൽ) |
തീവണ്ടിയുടെ ഭാഗങ്ങൾ തൂത്തുക്കുടിയിൽ നിന്ന് പത്തേമാരിയിൽ കൊച്ചുപിലാമൂട് തുറമുഖത്ത് എത്തിച്ച് അവിടെ നിന്നും കാളവണ്ടിയിലും മറ്റും കൊല്ലത്തെത്തിച്ച് കൂട്ടിയോജിപ്പിച്ചാണ് ട്രയിൻ ഓടിച്ചത്. തീവണ്ടി എന്നാൽ എന്തെന്ന് അന്ന് സാധാരണക്കാർക്ക് അറിയില്ലായിരുന്നു. ആദ്യവണ്ടിയുടെ ചൂളം വിളികേട്ട് പലയിടത്തും നാട്ടുകാർ ഭയന്ന് ഓടിയിരുന്നു. 1918ൽ കൊല്ലത്ത് നിന്നും ചാക്കയിലേക്ക് തീവണ്ടി സേവനം ആരംഭിച്ചു. പിന്നീട് ഇത് തിരുവനന്തപുരത്തേക്ക് നീട്ടി.
ആറു പ്ലാറ്റ്ഫോമുകളുള്ള കൊല്ലത്ത് 17 ട്രാക്കുകളാണുള്ളത്. ഇവയിൽ 2 ട്രാക്കുകൾ മെമ്മു ഷെഡിലേക്കാണ് പോകുന്നത്. 75 പ്രതിദിന തീവണ്ടികളും മറ്റ് പ്രതിവാര തീവണ്ടികളും ഉൾപ്പെടെ ആഴ്ചയിൽ 140 ട്രയിനുകൾ കൊല്ലത്തുകൂടി സർവീസ് നടത്തുന്നുണ്ട്. ദിവസേന ശരാശരി 23,479 ആളുകൾ സ്റ്റേഷനിലെത്തുന്നു. തിരക്കിന്റെ കാര്യത്തിൽ കേരളത്തിൽ മൂന്നാം സ്ഥാനമുണ്ട് കൊല്ലത്തിന്. കൊല്ലത്തുനിന്ന് തിരുവനന്തപുരം ചാക്കയിലേക്ക് പരവൂർ വഴിയുള്ള പാത തുറന്നത് 1918 ജനുവരി നാലിനാണ്. ആദ്യപാതയായ കൊല്ലം-പുനലൂരിന്റെ ഗേജ്മാറ്റം 2010 മേയ് 12നു പൂർത്തിയായി [2] കൊല്ലം സ്റ്റേഷനിൽ തെക്ക്, വടക്ക് ഭാഗങ്ങളിലായി 2 പ്രവേശന കവാടങ്ങളാണ് ഉള്ളത്.
1, 1A പ്ലാറ്റ്ഫോമുകൾ ചേർത്താൽ ഏതാണ്ട് 1,330.5 മീറ്റർ വലിപ്പം വരും. ഇത് ഇന്ത്യയിലെ ഏറ്റവും നീളമുള്ള രണ്ടാമത്തെ പ്ലാറ്റ്ഫോമാണ്.[2] [3] കൊല്ലത്തെ ഒന്നാം നമ്പർ പ്ലാറ്റ്ഫോമിലെ വൺ, വൺ (എ) ട്രാക്കുകളിൽനിന്നായി രണ്ടുവശത്തേക്കും ഒരേസമയം 24 കോച്ചുകൾ വരെയുള്ള ഓരോ ട്രയിനുകൾക്കു പുറപ്പെടാം ഇതിനു പുറമെ 55 കോച്ചുകൾ വരെയുള്ള ട്രയിൻ ഒരുസമയം ഒന്നാം നമ്പർ പ്ലാറ്റ്ഫോമിൽ നിർത്തിയിടാം എന്ന പ്രത്യേകതയും ഉണ്ട്.[2] 1976 സെപ്റ്റംബർ 14-ന് അന്നത്തെ റെയിൽവേ മന്ത്രിയായിരുന്ന കമലാപതി ത്രിപാഠിയാണ് പുതിയ റെയിൽവേ മന്ദിരം ഉദ്ഘാടനം ചെയ്തത്.
തിരുവനന്തപുരം - കായംകുളം തീവണ്ടി പാത | ||||||||||||||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
കൊല്ലം റെയിൽവേ സെക്ഷൻ | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.