From Wikipedia, the free encyclopedia
അഫ്ഗാനിസ്താനിൽ സോവിയറ്റ് സേനക്കെതിരെ പോരാടിയ പ്രമുഖ മുജാഹിദീൻ സേനാനായകനും, ഇന്ന് രാജ്യത്തെ ഊർജ്ജമന്ത്രിയുമാണ് ഇസ്മയിൽ ഖാൻ. 1946-ൽ ജനിച്ച ഇദ്ദേഹം പടിഞ്ഞാറൻ അഫ്ഗാനിസ്താനിലെ ഹെറാത്തിൽ നിന്നുള്ള ഒരു താജിക് വംശജനാണ്.[1][2] കമ്മ്യൂണിസ്റ്റ് ഭരണത്തിന്റെ തകർച്ചക്കു ശേഷം അധികാരത്തിൽ വന്ന മുജാഹിദീൻ സർക്കാറീനു കീഴിൽ ഹെറാത്തിലെ ഗവർണറായി ഭരണം നടത്തിയ ഇസ്മായിൽ ഖാൻ, താലിബാൻ ഭരണകാലത്ത്, അവർക്കെതിരെ പോരാടിയ വടക്കൻ സഖ്യത്തിലെ പ്രമുഖ നേതാവുമായിരുന്നു.
ഇസ്മയിൽ ഖാൻ | |
---|---|
ജനനം 1946 | |
അപരനാമം | ഹെറാത്ത് സിംഹം |
ജനനസ്ഥലം | ഹെറാത്ത്, അഫ്ഗാനിസ്താൻ |
പദവി | ജനറൽ |
യുദ്ധങ്ങൾ | അഫ്ഗാനിസ്താനിലെ സോവിയറ്റ് യുദ്ധം, അഫ്ഗാൻ ആഭ്യന്തരയുദ്ധം, ഓപ്പറേഷൻ എൻഡ്യൂറിങ് ഫ്രീഡം |
പിൽക്കാല പ്രവർത്തനങ്ങൾ |
ഹെറാത്ത് പ്രവിശ്യയുടെ ഗവർണർ അഫ്ഗാനിസ്താനിലെ ഊർജ്ജ-ജല മന്ത്രി |
സോവിയറ്റ് യുദ്ധകാലത്ത് റബ്ബാനിയുടെ ജാമിയത്ത്-ഇ ഇസ്ലാമി കക്ഷിയിൽ പ്രവർത്തിച്ച ഇസ്മായിൽ ഖാൻ, ഇന്ന് റബ്ബാനിയുടെ നേതൃത്വത്തിൽത്തന്നെയുള്ള പുതിയ കക്ഷിയായ യുണൈറ്റഡ് നാഷണൽ ഫ്രണ്ടിന്റെ പ്രമുഖനേതാവുമാണ്.
യുദ്ധകാലത്ത് വിവിധ പ്രതിരോധകക്ഷികളുടെ ഏകോപനത്തിൽ മുഖ്യ പങ്കുവഹിച്ച[ക] ഇദ്ദേഹം, യുദ്ധാനന്തരം ഹെറാത്തിന്റെ ഗവർണർ ആയിരുന്ന കാലത്ത് അവിടെ മികച്ച ഭരണം കാഴ്ചവച്ചു. 1992-ൽ കാബൂളടക്കമുള്ള അഫ്ഗാനിസ്താനിലെ മറ്റു പ്രദേശങ്ങൾ മുജാഹിദീൻ കക്ഷികൾ തമ്മിലുള്ള പോരാട്ടം മൂലം അശാന്തിയിലായിരുന്നെങ്കിൽ ഇസ്മയിൽ ഖാന്റെ നിയന്ത്രണത്തിലായിരുന്ന പടിഞ്ഞാറൻ അഫ്ഗാനിസ്താനിലെ സ്ഥിതി തികച്ചും ശാന്തമായിരുന്നു.
1995-ൽ ഹെറാത്തിന്റെ ഗവർണർ ആയിരിക്കേ, കന്ദഹാർ പിടിച്ചെടുക്കാൻ ഇസ്മയിൽ ഖാൻ ഒരു ശ്രമം നടത്തി. കന്ദഹാർ ഈ സമയത്ത് താലിബാന്റെ നിയന്ത്രണത്തിലായിരുന്നു. 1995 ഓഗസ്റ്റിൽ കന്ദഹാറിന് സമീപം വരെ ഇസ്മയിൽ ഖാന് എത്താൻ സാധിച്ചെങ്കിലും തിരിച്ചടിച്ച താലിബാൻ, 1995 സെപ്റ്റംബർ 3-ന് ഷിൻഡൻഡീലെ വ്യോമകേന്ദ്രവും സെപ്റ്റംബർ 5-ന് ഹെറാത്തും പിടിച്ചടക്കി. ഇതോടെ ഇസ്മാഈൽ ഖാൻ ഇറാനിലേക്ക് പലായനം ചെയ്തു.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.