ഇളയരാജ (മലയാള ചലച്ചിത്രം)

മാധവ് രാംദാസൻ കഥയെഴുതി സംവിധാനം ചെയ്ത് 2019ൽ റിലീസ് ചെയ്ത മലയാള ചലച്ചിത്രമാണ് ഇളയരാജ. സുദീപ് ടി ജോർജ്ജ് ആണ് തിരക്കഥ. മേൽവിലാസം, അപ്പോത്തിക്കരി എന്നീ ചിത്രങ്ങൾക്കുശേഷം മാധവ് രാംദാസൻ സംവിധാനം ചെയ്ത ചിത്രം കൂടിയാണ് ഇത്. ഗിന്നസ് പക്രു, ഹരിശ്രീ അശോകൻ, ഗോകുൽ സുരേഷ്, ദീപക് പറമ്പോൾ,ബേബി ആർദ്ര, മാസ്റ്റർ ആദിത്യൻ എന്നിവർ പ്രധാനകഥാപാത്രങ്ങളെ അവതരിപ്പിക്കുന്നു. ^[1]

ഈ ലേഖനം 2019ൽ റിലീസ് ചെയ്ത മലയാളചലച്ചിത്രത്തെ പറ്റിയുള്ളതാണ്. പ്രശസ്ത ഇന്ത്യൻ ചലച്ചിത്ര സംഗീത സംവിധായകനെ കുറിച്ചറിയാൻ ഇളയരാജ എന്ന താൾ കാണുക.

ഇളയരാജ
സംവിധാനം	മാധവ് രാംദാസൻ
നിർമ്മാണം	ജയരാജ് ടി കൃഷ്ണൻ *സുജിത്ത് കൃഷ്ണ *ബിനീഷ് ബാബു
രചന	മാധവ് രാംദാസൻ
തിരക്കഥ	സുദീപ് ടി ജോർജ്
സംഭാഷണം	സുദീപ് ടി ജോർജ്
അഭിനേതാക്കൾ	ഗിന്നസ് പക്രു ഹരിശ്രീ അശോകൻ ഗോകുൽ സുരേഷ് ദീപക് പറമ്പോൾ ബേബി ആർദ്ര മാസ്റ്റർ ആദിത്യൻ
സംഗീതം	രതീഷ് വേഗ
ഗാനരചന	സന്തോഷ് വർമ്മ *ഏങ്ങണ്ടിയൂർ ചന്ദ്രശേഖരൻ *ബി കെ ഹരിനാരായണൻ *ജ്യോതിഷ് ടി കാശി *മാധവ് രാംദാസൻ
ഛായാഗ്രഹണം	പാപ്പിനു
ചിത്രസംയോജനം	ശ്രീനിവാസ് കൃഷ്ണ
റിലീസിങ് തീയതി	22 മാർച്ച് 2019 (2019-03-22)
രാജ്യം	ഇന്ത്യ
ഭാഷ	മലയാളം
സമയദൈർഘ്യം	142 minutes

കഥാസാരം

തൃശ്ശൂർ നഗരത്തിൽ കപ്പലണ്ടി കച്ചവടം ചെയ്ത് കുടുംബം പുലർത്തുന്ന വനജന്റെ (ഗിന്നസ് പക്രു) മകൻ സുബ്രു ചെസ്സിൽ അസാമാന്യ പ്രതിഭയാണ്. അവന്റെ വൈദഗ്ധ്യം അവനെ ടൗണിലെ ഹീറോയാക്കി മാറ്റുന്നു. സുബ്രുവിന്റെ പ്രാഗൽഭ്യം കണ്ട് ഇഷ്ടപ്പെട്ട ഒരു അദ്ധ്യാപകൻ അവനെ സർക്കാർ സ്‌കൂളിൽ നിന്നും പബ്ലിക് സ്‌കൂളിലേക്ക് കൊണ്ട് വരുന്നു. ഇതോടെ സുബ്രുവിന്റെ ജീവിതം മാറിമറിയുന്നു.^[2]

അഭിനേതാക്കൾ

• ഗിന്നസ് പക്രു - വനജൻ
• ഹരിശ്രീ അശോകൻ - ഗണപതി
• ഗോകുൽ സുരേഷ്
• തമ്പി ആന്റണി - പോളേട്ടൻ
• ജയരാജ് വാര്യർ - ജോണേട്ടൻ
• ദീപക് പറമ്പോൽ
• അനിൽ നെടുമങ്ങാട് - മത്തായി
• അരുൺ - തിരുമേനി
• ആൽഫി പഞ്ഞിക്കാരൻ - ഡോ നീന
• കവിത നായർ
• കലേഷ്‌ കണ്ണാട്ട്
• ബേബി ആർദ്ര
• മാസ്റ്റർ ആദിത്യൻ - സുബ്രു
• ഇന്ദ്രൻസ് - അതിഥി വേഷം
• ടി എസ് പട്ടാഭിരാമൻ
• വി പി ഗംഗാധരൻ

ഈ ചിത്രത്തിലെ ഗാനങ്ങൾ

ഗാനം	ഗായകർ	വരികൾ	സംഗീതം
കപ്പലണ്ടി	ജയസൂര്യ	സന്തോഷ് വർമ്മ	രതീഷ് വേഗ
ഓരോ വെയിലിൽ	നരേഷ് അയ്യർ	ബി കെ ഹരിനാരായണൻ	രതീഷ് വേഗ
ഇരവും പകലും	ബിജു നാരായണൻ	ബി കെ ഹരിനാരായണൻ	രതീഷ് വേഗ
എന്നാലും ജീവിതമാകെ	പി ജയചന്ദ്രൻ, കോറസ്,	ഏങ്ങണ്ടിയൂർ ചന്ദ്രശേഖരൻ	രതീഷ് വേഗ
ചെറു ചെറു	സുരേഷ് ഗോപി	സന്തോഷ് വർമ്മ	രതീഷ് വേഗ
സ്പെല്ലിങ് ബീ	ആൻ ആമി	ബി കെ ഹരിനാരായണൻ	രതീഷ് വേഗ
ചെമ്മാനച്ചേലോടെ	രേഷ്മ	ജ്യോതിഷ് ടി കാശി	രതീഷ് വേഗ
ഊതിയാൽ അണയില്ല	നിഖിൽ മാത്യു	മാധവ് രാംദാസൻ	രതീഷ് വേഗ