സ്നോ-വൈറ്റ് ആൻഡ് റോസ്-റെഡ്
ഒരു ജർമ്മൻ യക്ഷിക്കഥ / From Wikipedia, the free encyclopedia
ഒരു ജർമ്മൻ യക്ഷിക്കഥയാണ് "സ്നോ-വൈറ്റ് ആൻഡ് റോസ്-റെഡ്" (ജർമ്മൻ: Schneeweißchen und Rosenrot). ബ്രദേഴ്സ് ഗ്രിം (KHM 161) ശേഖരിച്ച പതിപ്പാണ് ഏറ്റവും അറിയപ്പെടുന്ന പതിപ്പ്.[1] "ദ അൺഗ്രേറ്റ്ഫുൾ ഡ്വാർഫ്" എന്ന പഴയതും ചെറുതുമായ ഒരു പതിപ്പ് എഴുതിയത് കരോലിൻ സ്റ്റാൾ (1776–1837) ആണ്. തീർച്ചയായും, അത് ഏറ്റവും പഴയ വകഭേദമായി കാണപ്പെടുന്നു. 1818-ൽ പ്രസിദ്ധീകരിക്കപ്പെട്ടതിനു ശേഷം പലതും ശേഖരിച്ചിട്ടുണ്ടെങ്കിലും, മുമ്പത്തെ വാമൊഴിയാലുള്ള പതിപ്പുകളൊന്നും അറിയില്ല.[2] വാമൊഴിയിലുള്ള പതിപ്പുകൾ പ്രാദേശികമായിത്തന്നെ വളരെ പരിമിതമാണ്.[3] നാടോടി-യക്ഷിക്കഥകളെ ഇനം തിരിക്കുന്ന ആർനെ-തോംസൺ സൂചികയനുസരിച്ച് ഈ കഥ ("രണ്ട് പെൺകുട്ടികൾ, കരടി, കുള്ളൻ") ടൈപ്പ് 426 വകുപ്പിൽ പെടുന്നു.[1]
സ്നോ-വൈറ്റ് ആൻഡ് റോസ്-റെഡ് | |
---|---|
Folk tale | |
Name | സ്നോ-വൈറ്റ് ആൻഡ് റോസ്-റെഡ് |
Data | |
Aarne-Thompson grouping | ATU 426 (The Two Girls, the Bear and the Dwarf) |
Region | ജർമ്മനി |
Published in | Kinder- und Hausmärchen, by the Brothers Grimm |
1937-ലെ വാൾട്ട് ഡിസ്നി ആനിമേറ്റഡ് ചിത്രമായ സ്നോ വൈറ്റ് ആൻഡ് സെവൻ ഡ്വാർഫ്സിന് അടിസ്ഥാനം നൽകിയ ബ്രദേഴ്സ് ഗ്രിം ഫെയറി കഥയായ "സ്നോ വൈറ്റ്" എന്ന കഥയുമായി ഈ കഥയ്ക്ക് യാതൊരു ബന്ധവുമില്ല. ആ നായികയുടെ ആധുനിക ജർമ്മൻ നാമം Schneeweißchen എന്നതിലുപരി Schneewittchen എന്നാണ്. ഈ കഥയ്ക്ക് പൊതുവായി ഒന്നുമില്ലെങ്കിലും പക്ഷേ അതിന്റെ സുന്ദരിയായ പെൺകുട്ടിയുടെ സമാനമായ പേര് മാത്രമേ ഉള്ളൂ. "സ്നോ-വൈറ്റ് ആൻഡ് റോസ്-റെഡ്" ഒരു കുള്ളനുമായുള്ള കൂടിക്കാഴ്ചയെ പ്രത്യേകം എടുത്തുകാട്ടുന്നു.