![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/32/Flag_of_Jammu_and_Kashmir_%25281936-1953%2529.svg/langml-640px-Flag_of_Jammu_and_Kashmir_%25281936-1953%2529.svg.png&w=640&q=50)
ജമ്മു-കശ്മീർ (നാട്ടുരാജ്യം)
From Wikipedia, the free encyclopedia
1846 മുതൽ 1947 വരെ ബ്രിട്ടീഷ് സാമ്രാജ്യത്തിനു കീഴിൽ മഹാരാജാവിന്റെ ഭരണത്തിലുണ്ടായിരുന്ന ഒരു നാട്ടുരാജ്യമാണ് കശ്മീർ ആൻഡ് ജമ്മു (ജമ്മു-കശ്മീർ).[1] 1846-ൽ ഒന്നാം ആംഗ്ലോ സിഖ് യുദ്ധത്തിലെ വിജയത്തെത്തുടർന്ന് ഈസ്റ്റ് ഇന്ത്യ കമ്പനി കശ്മീർ താഴ്വര പിടിച്ചെടുക്കുകയുണ്ടായി. യുദ്ധച്ചെലവ് തിരിച്ചുപിടിക്കാൻ മുസ്ലീം ഭൂരിപക്ഷപ്രദേശമായ കശ്മീർ താഴ്വര ജമ്മുവിലെ ദോഗ്ര ഭരണാധികാരിയ്ക്ക് അമൃത്സർ ഉടമ്പടി പ്രകാരം വിൽക്കുകയായിരുന്നു. ഇതോടെയാണ് ജമ്മു-കശ്മീർ രാജ്യം നിലവിൽ വന്നത്.
കശ്മീർ ആൻഡ് ജമ്മു | |||||||||||||||||
---|---|---|---|---|---|---|---|---|---|---|---|---|---|---|---|---|---|
നാട്ടുരാജ്യം | |||||||||||||||||
1846–1947 | |||||||||||||||||
പ്രമാണം:NWFP-Kashmir1909-a.jpg Map of Kashmir | |||||||||||||||||
ചരിത്രം | |||||||||||||||||
കാലഘട്ടം | New Imperialism | ||||||||||||||||
• സ്ഥാപിതം | 1846 | ||||||||||||||||
• Disestablished | 1947 | ||||||||||||||||
| |||||||||||||||||
Today part of | ![]() ![]() ![]() |
ഈ കരാറനുസരിച്ച് രാജ്യം "സിന്ധു നദിയ്ക്ക് പടിഞ്ഞാറും രവി നദിക്ക് കിഴക്കുമുള്ള പ്രദേശത്ത്" ആയിരുന്നു. ഇതിന്റെ വിസ്തീർണ്ണം 80900 ചതുരശ്ര കിലോമീറ്റർ ഉണ്ടായിരുന്നു.[2] പിന്നീട് ഹൻസ, നഗാർ, ജിൽജിത് എന്നീ പ്രദേശങ്ങൾ രാജ്യത്തോട് കൂട്ടിച്ചേർക്കപ്പെട്ടു.
ഇന്ത്യാവിഭജനസമയത്ത് മഹാരാജാവ് ഹരിസിങ് ഇന്ത്യയോടും പാകിസ്താനോടും ചേരാതെ ഒറ്റയ്ക്കുനിൽക്കാനാണ് ആഗ്രഹിച്ചത്. സ്വിറ്റ്സർലന്റ് പോലുള്ള ഒരു സ്വതന്ത്ര രാജ്യമായി തന്റെ രാജ്യത്തെ ഇന്ത്യയും പാകിസ്താനും അംഗീകരിക്കണമെന്ന് ഹരിസിങ് ആഗ്രഹിച്ചു.[3]