![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e8/Legionowo%252C_Poliklinika_Wojskowa_-_fotopolska.eu_%2528343207%2529.jpg/640px-Legionowo%252C_Poliklinika_Wojskowa_-_fotopolska.eu_%2528343207%2529.jpg&w=640&q=50)
ക്ലിനിക്ക്
From Wikipedia, the free encyclopedia
സാധാരണ ആശുപത്രികളിൽ നിന്ന് വ്യത്യസ്തമായി, രോഗികളെ അഡ്മിറ്റ് ചെയ്യാതെ ഔട്ട് പേഷ്യൻ്റ് ആയി പ്രാഥമിക പരിചരണവും ചികിത്സയും നൽകുന്ന ആരോഗ്യ കേന്ദ്രങ്ങളാണ് ക്ലിനിക്ക്. ക്ലിനിക്കുകൾ സ്വകാര്യ ഉടമസ്ഥതയിലുള്ളതോ സർക്കാരിനു കീഴിൽ പ്രവർത്തിക്കുന്നതോ ആയിരിക്കാം.
![Thumb image](http://upload.wikimedia.org/wikipedia/commons/thumb/e/e8/Legionowo%2C_Poliklinika_Wojskowa_-_fotopolska.eu_%28343207%29.jpg/640px-Legionowo%2C_Poliklinika_Wojskowa_-_fotopolska.eu_%28343207%29.jpg)
ഒന്നോ അതിലധികമോ ജനറൽ പ്രാക്ടീഷനർമാരുടെ നേതൃത്വത്തിൽ ചെറിയ ചികിത്സകൾ വാഗ്ദാനം ചെയ്യുന്ന കേന്ദ്രങ്ങളാണ് ക്ലിനിക്കുകൾ. എന്നാൽ ഇത് പ്രത്യേക മെഡിക്കൽ സേവനങ്ങൾ നൽകുന്ന സ്പെഷ്യലിസ്റ്റ് ക്ലിനിക്കിനെയും സൂചിപ്പിക്കാം. ആശുപത്രികൾ പോലെ വലിയ സ്ഥാപനങ്ങളായി വളർന്നതിന് ശേഷവും ചില ക്ലിനിക്കുകൾ അവയുടെ പേരിലെ "ക്ലിനിക്ക്" നിലനിർത്തുന്നു.
![Thumb image](http://upload.wikimedia.org/wikipedia/commons/thumb/9/9a/VelikiVrag-Medpunkt-1435.jpg/640px-VelikiVrag-Medpunkt-1435.jpg)
ഒന്നോ അതിലധികമോ ജനറൽ പ്രാക്ടീഷണർമാർ നടത്തുന്ന പൊതു മെഡിക്കൽ പ്രാക്ടീസുമായി ക്ലിനിക്കുകൾ പലപ്പോഴും ബന്ധപ്പെട്ടിരിക്കുന്നു. മറ്റ് തരത്തിലുള്ള ക്ലിനിക്കുകൾ നടത്തുന്നത് ബന്ധപ്പെട്ട സ്പെഷ്യലിസ്റ്റുകളാണ്. ഫിസിയോതെറാപ്പിസ്റ്റുകളുടെ ഫിസിക്കൽ തെറാപ്പി ക്ലിനിക്കുകളും ക്ലിനിക്കൽ സൈക്കോളജിസ്റ്റുകളുടെ സൈക്കോളജി ക്ലിനിക്കുകളും ഉദാഹരണങ്ങളാണ്. (മെഡിക്കൽ മേഖലയ്ക്ക് പുറത്തുള്ള ചില സേവനങ്ങൾക്കും ഈ പേര് ഉപയുക്തമാകുന്നു: ഉദാഹരണത്തിന്, നിയമ ക്ലിനിക്കുകൾ നടത്തുന്നത് അഭിഭാഷകരാണ്.)
ചില ക്ലിനിക്കുകൾ തൊഴിലുടമകൾ, സർക്കാർ സ്ഥാപനങ്ങൾ അല്ലെങ്കിൽ ആശുപത്രികൾ എന്നിവയുടെ നേതൃത്വത്തിൽ നടത്തുന്നു. മറ്റു ചിലത് ക്ലിനിക്കൽ സേവനങ്ങൾ ആരോഗ്യ സേവനങ്ങൾ നൽകുന്നതിൽ ശ്രദ്ധ കേന്ദ്രീകരിക്കുന്ന സ്വകാര്യ കോർപ്പറേഷനുകൾക്ക് പുറംകരാർ നൽകുന്നു. ഉദാഹരണത്തിന്, ചൈനയിൽ അത്തരം ക്ലിനിക്കുകളുടെ ഉടമകൾക്ക് ഔപചാരിക മെഡിക്കൽ വിദ്യാഭ്യാസം ഇല്ല. 2011 ൽ ചൈനയിൽ 6,59,596 വില്ലേജ് ക്ലിനിക്കുകൾ ഉണ്ടായിരുന്നു.[1]
ഇന്ത്യ, ചൈന, റഷ്യ, ആഫ്രിക്ക എന്നിങ്ങനെയുള്ള വലിയ രാജ്യങ്ങളിലും വികസ്വര രാജ്യങ്ങളിലും ഗ്രാമപ്രദേശങ്ങളിലെ ആരോഗ്യ പരിരക്ഷ മൊബൈൽ ഹെൽത്ത് ക്ലിനിക്കുകൾ അല്ലെങ്കിൽ റോഡരികിലെ ഡിസ്പെൻസറികൾ മുഖേന നൽകുന്നു, അവയിൽ ചിലത് പരമ്പരാഗത വൈദ്യശാസ്ത്രത്തെ സമന്വയിപ്പിക്കുന്നുണ്ട്. ഇന്ത്യയിൽ ഈ പരമ്പരാഗത ക്ലിനിക്കുകൾ ആയുർവേദ മരുന്നും യുനാനി ഹെർബൽ മെഡിക്കൽ പ്രാക്ടീസും നൽകുന്നു. ഈ രാജ്യങ്ങളിൽ പരമ്പരാഗത വൈദ്യശാസ്ത്രം ഇപ്പോഴും പരിശീലിച്ചുവരുന്ന സമ്പ്രദായമാണ്.