വടക്കേ അമേരിക്കൻ ഭൂഖണ്ഡത്തിലെ ഒരു രാജ്യമാണ് കാനഡ From Wikipedia, the free encyclopedia
വടക്കേ അമേരിക്കൻ ഭൂഖണ്ഡത്തിലെ ഒരു രാജ്യമാണ് കാനഡ. വികസിത പശ്ചാത്യ രാജ്യമാണ്. ലോകത്തിലെ ഏറ്റവും കൂടുതൽ ഭൂപ്രദേശമുള്ള രണ്ടാമത്തെ രാജ്യവും ഏറ്റവും കൂടുതൽ കടൽത്തീരമുള്ള രാജ്യവുമാണ് കാനഡ. വലിപ്പത്തിൽ മുന്നിലാണെങ്കിലും സമീപമുള്ള അമേരിക്കയെ അപേക്ഷിച്ച് കാനഡയിൽ ജനവാസം കുറവാ‍ണ്. ആർട്ടിക് പ്രദേശത്തോട് ചേർന്നു കിടക്കുന്നതിനാൽ മിക്ക സ്ഥലങ്ങളും മഞ്ഞുമൂടി തണുത്ത് ജനവാസ യോഗ്യമല്ലാത്തതിനാലാണിത്. ഭൂരിപക്ഷം ജനങ്ങളും ഇംഗ്ലീഷ്-യൂറോപ്യൻ വംശജരാണ്. തദ്ദേശ വംശജരായ ഇന്ത്യൻസും മറ്റ് രാജ്യങ്ങളിൽ നിന്നും കുടിയേറ്റക്കാരുമുള്ള ഒരു രാജ്യം ആണ് കാനഡ.
കാനഡ | |
|---|---|
 Flag
 Coat of arms
| |
.svg) | |
| തലസ്ഥാനം | ഒട്ടവ |
| വലിയ നഗരം | ടൊറന്റോ |
| ഔദ്യോഗിക ഭാഷകൾ | ഇംഗ്ലീഷ്, ഫ്രഞ്ച് |
| ഭരണസമ്പ്രദായം | പാർലമെന്ററി ജനാധിപത്യം (നാമമാത്ര രാജഭരണം) |
• രാജഭരണം | എലിസബത്ത് രാജ്ഞി II |
• ഗവർണ്ണർ ജനറൽ | ഡേവിഡ് ജോൺസ്റ്റൻ |
• പ്രധാനമന്ത്രി | ജസ്റ്റിൻ ട്രൂഡോ |
| ഭരണകൂടം | |
• ബ്രിട്ടീഷ് നോർത്ത് അമേരിക്ക ആക്ട് | ജൂലൈ 1 1867 |
• വെസ്റ്റ്മിനിസ്റ്റർ ഉത്തരവ് | ഡിസംബർ 11 1931 |
• കാനഡ ആക്ട് | ഏപ്രിൽ 17 1982 |
• ജലം (%) | 8.92 (891,163 ച.കി.മീ) |
• 2024 estimate | 3,86,28,500 (36-ആം) |
• 2011 census | 3,34,76,688 |
| ജി.ഡി.പി. (PPP) | 2006 estimate |
• ആകെ | $$1.165 ട്രില്ല്യൺ (11-ആം) |
• പ്രതിശീർഷം | $35,200 (7-ആം) |
| ജി.ഡി.പി. (നോമിനൽ) | 2006 estimate |
• ആകെ | $1.089 ട്രില്ല്യൺ (8-ആം) |
• Per capita | $32,614 (16-ആം) |
| എച്ച്.ഡി.ഐ. (2006) |  0.950Error: Invalid HDI value · 6-ആം |
| നാണയവ്യവസ്ഥ | കനേഡിയൻ ഡോളർ ($) (CAD) |
| സമയമേഖല | UTC-3.5 മുതൽ -8 വരെ |
| UTC-2.5 മുതൽ -7 വരെ | |
| കോളിംഗ് കോഡ് | +1 |
| ഇൻ്റർനെറ്റ് ഡൊമൈൻ | .ca |
ഇന്ത്യ ഉൾപ്പടെയുള്ള രാജ്യങ്ങളിൽ നിന്നും ധാരാളം ആളുകൾ കുടിയേറി പാർക്കുന്ന ഒരു രാജ്യമാണ് കാനഡ. കാനഡയിൽ താമസിക്കുന്നവർക്ക് കുറഞ്ഞ ചിലവിലുള്ള വിദ്യാഭ്യാസം, സൗജന്യ ആരോഗ്യ പരിരക്ഷ, ക്ഷേമ ആനുകൂല്യങ്ങൾ, റിട്ടയർമെൻ്റ് സുരക്ഷ, പൊതു സുരക്ഷ, മെച്ചപ്പെട്ട പൊതു അടിസ്ഥാന സൗകര്യങ്ങളും, പൊതുപയോഗത്തിന് യോഗ്യമായ രീതിയിൽ പരിപാലിക്കപ്പെടുന്നതും, ചിട്ടയോടുകൂടി നിയന്ത്രിക്കുന്ന, സുരക്ഷിതവുമായ കായിക-വിനോദ കേന്ദ്രങ്ങൾ എന്നിവ അവിടെ നികുതി അടക്കുന്നതിലൂടെ ലഭ്യമാണ്. മാത്രമല്ല സബ്‌സിഡി മുഘേനെയുള്ള സൗകര്യങ്ങളും ഇതിനാൽ ലഭ്യമാണ്, ഉദാഹരണത്തിന് ശിശുപരിപാലനം, ആവശ്യമായ മരുന്നുകൾ തുടങ്ങിയവ. വിദ്യാഭ്യാസത്തിനും ജോലിക്കും അങ്ങോട്ടേക്ക് പോകുന്നവരും അനേകമുണ്ട്. കാനഡയിൽ പഠിക്കുന്നവർക്ക് ആ രാജ്യത്ത് ജോലി ലഭിക്കാനും പിന്നീട് സ്ഥിരതാമസത്തിനും വ്യവസ്ഥകൾ അവിടെ ഉണ്ട്. ഇന്ത്യയിൽ നിന്നും കുടിയേറിയ അനേകരെ കാനഡയിൽ കാണാൻ സാധിക്കും. ഇതിൽ ഭൂരിപക്ഷവും പഞ്ചാബിൽ നിന്നുള്ളവരാണ്.
കാനഡയിൽ ക്യാപിറ്റലിസ്റ്റ് സമ്പദ് വ്യവസ്ഥയാണ് നിലവിലുള്ളത്. യൂറോപ്യൻ രാജ്യങ്ങളെപ്പോലെ വ്യക്തിസ്വാതന്ത്ര്യം, ജനാധിപത്യം, പൗരാവകാശം, ജൻഡർ തുല്യത, സ്ത്രീ ശാക്തീകരണം തുടങ്ങിയ മൂല്യങ്ങൾക്ക് പ്രത്യേക പരിഗണന ലഭ്യമായ ഒരു രാജ്യമാണ് കാനഡ. കനേഡിയൻമാർ അവരുടെ വ്യക്തിപരമായ സാമൂഹിക ക്ഷേമവും ആനുകൂല്യങ്ങളും സാമൂഹിക പ്രവർത്തനവും ഉറപ്പാക്കുകയും മെച്ചപ്പെടുത്തുകയും ചെയ്യുന്ന ഘടകങ്ങളെ വളരെയധികം വിലമതിക്കുന്നു. എന്നിരുന്നാലും, ഭൂരിഭാഗം ജനങ്ങളും കർക്കശ മനോഭാവത്തോടെ വംശീയമായി ദാർഷ്ട്യം അതിന്റെ കാഠിന്യത്തിൽ പ്രകടിപ്പിക്കുന്നവരാണ് (racial arrogance with austerity), കുടിയേറ്റ സമൂഹത്തോട് തങ്ങളുടെ വംശീയ ആധിപത്യം സ്ഥാപിക്കുവാൻ ഒട്ടും മടിക്കുന്നവരുമല്ല. പ്രധാന ഭാഷകൾ ഇംഗ്ലീഷും ഫ്രഞ്ചും ആണ്. എന്നാൽ ഇവ അറിയേണ്ടതായിട്ടില്ല, പക്ഷെ നിയമപരമായ കുടിയേറ്റത്തിനു ഈ ഭാഷാകളിലെ പ്രാവീണ്യം അനിവാര്യമാണ്. ഇംഗ്ലീഷ് കമ്മ്യൂണിറ്റിയിൽ നിന്ന് വ്യത്യസ്തമായ ഒരു പ്രത്യേക സാമൂഹിക-രാഷ്ട്രീയ ഗ്രൂപ്പായി ഫ്രഞ്ച് കമ്മ്യൂണിറ്റി നിലകൊള്ളുന്നു. ഫ്രഞ്ച് സംസാരിക്കുന്നവർ കൂടുതലായി തിങ്ങിപ്പാർക്കുന്ന സ്ഥലങ്ങൾ ഇംഗ്ലീഷ് ഭാഷ ഉപയോഗിക്കുന്നവരെ ഇഷ്ടപ്പെടില്ല, മാത്രമല്ല അത് സംസാരിക്കുന്നവരെ അവർ കഠിനമായി വിമർശിക്കുകയും ചെയ്യുന്നു. അവരുടെ ജോലിസ്ഥലങ്ങളിലും അവർ ഇംഗ്ലീഷ് സംസാരിക്കുന്നവരെയും ദൈനംദിന ആവശ്യങ്ങൾക്ക് അടിസ്ഥാന ഫ്രഞ്ച് മാത്രം അറിയാവുന്നവരെയും നിയമിക്കുന്നത് ഒഴിവാക്കുന്നു. അവരുടെ സ്കൂളുകളിൽ പോലും ഫ്രഞ്ച് ഭാഷയ്ക്ക് ഏറ്റവും പ്രാധാന്യം നൽകുന്നു, ഇവിടങ്ങളിൽ വിദ്യാർത്ഥികൾക്ക് ഇംഗ്ലീഷ് ഭാഷാ പ്രാവീണ്യം സജീവമായി നിലനിർത്തേണ്ട ആവശ്യമില്ല. പ്രബലമായ ഫ്രഞ്ച് സംസാരിക്കുന്ന കമ്മ്യൂണിറ്റികളിൽ വംശീയ സമാനതകളും, അസമത്വങ്ങളും നോക്കാതെ തന്നെ അവർ തങ്ങളുടെ ഭാഷാധിഷ്ഠിത ഗ്രൂപ്പ് ആധിപത്യത്തിന് മുൻതൂക്കം നൽകുന്നു. പഞ്ചാബിയും, ചൈനീസ് ഭാഷയും സംസാരിക്കുന്ന ഗ്രൂപ്പുകളും ചില പ്രദേശങ്ങളിൽ ഈ പ്രവണത പിന്തുടരുന്നു. ഇതേ പ്രവണത പിന്തുടരുന്ന വളർന്നുവരുന്ന ഗ്രൂപ്പാണ് അറബിക് ഭാഷ സംസാരിക്കുന്ന ഗ്രൂപ്പ്. ഭൂരിഭാഗം ജനങ്ങളും അവരുടെ മാതൃഭാഷയായി തിരിച്ചറിയുന്ന അടിസ്ഥാന ഭാഷ ഇംഗ്ലീഷ് ഭാഷയാണെങ്കിലും, വിവേചനം കുറയ്ക്കുന്നതിന് എല്ലായിടത്തും ഉപയോഗിക്കാവുന്ന പൊതുവായ ഭാഷയായി കാനഡയിൽ ഇംഗ്ലീഷ് ഭാഷയ്ക്ക് പരിഗണന നൽകുന്നില്ല. തദ്ദേശ വംശജർക്കും കാനഡയിൽ അവരുടേതായ ഭാഷയുണ്ട്, എന്നാൽ ചില വിഭാഗങ്ങൾ ഒഴികെ അവർ പൊതുസമൂഹത്തിൻ്റെ സാമ്പത്തിക, രാഷ്ട്രീയ, സാമൂഹിക ജീവിതത്തെ ബാധിക്കുന്ന തരത്തിൽ സമൂഹത്തിൽ ഭാഷാധിഷ്ഠിത ഗ്രൂപ്പ് ആധിപത്യം സ്ഥാപിക്കുന്നില്ല.
10 സംസ്ഥാനങ്ങളും മൂന്നു കേന്ദ്രഭരണ പ്രദേശങ്ങളും ചേരുന്നതാണ് കാനഡ. ആൽബെർട്ട, ബ്രിട്ടീഷ് കൊളംബിയ, മാനിറ്റോബ, ന്യൂ ബ്രൺസ്വിക്, ന്യൂഫൌണ്ട്‌ലാൻഡ് ആൻഡ് ലബ്രാഡൊർ, നോവാ സ്കോഷ്യ, ഒന്റാറിയോ, പ്രിൻസ് എഡ്വേഡ് ഐലൻഡ്, ക്യുബെക്, സസ്കാച്വാൻ എന്നിവയാണു സംസ്ഥാനങ്ങൾ. നൂനവുട്, വടക്കു പടിഞ്ഞാറൻ പ്രദേശങ്ങൾ, യുകോൺ എന്നിവ കേന്ദ്രഭരണ പ്രദേശങ്ങളും. സംസ്ഥാനങ്ങൾക്ക് കേന്ദ്രഭരണ പ്രദേശങ്ങളെ അപേക്ഷിച്ച് കൂടുതൽ സ്വയംഭരണാധികാരങ്ങളുണ്ട്.
ആരോഗ്യം, വിദ്യാഭ്യാസം, സമൂഹക്ഷേമം തുടങ്ങിയ സുപ്രധാന മേഖലകൾ സംസ്ഥാനങ്ങളുടെ ചുമതലയിലാണ്. സംസ്ഥാനങ്ങളുടെ മൊത്തം വരുമാനം കേന്ദ്രത്തിന്റെ വരുമാനത്തേക്കാൾ കൂടുതലാണ്. ലോകത്ത് മറ്റൊരു രാജ്യത്തുമില്ലാത്ത സ്ഥിതിവിശേഷമാണിത്. കേന്ദ്ര സർക്കാരിന് പ്രത്യേക നിയമ നിർമ്മാണത്തിലൂടെ സംസ്ഥാനങ്ങളുടെ കാര്യത്തിൽ ഇടപെടാവുന്നതാണ്. എന്നാൽ ഇത്തരം കേന്ദ്രനിയമങ്ങൾ തള്ളിക്കളയാനും സംസ്ഥാനങ്ങൾക്ക് അവകാശമുണ്ട്. അപൂർവമായേ അപ്രകാരം സംഭവിക്കുന്നുള്ളൂ എന്നുമാത്രം.
എല്ലാ സംസ്ഥാനങ്ങൾക്കും ഏകമണ്ഡല നിയമസഭയാണുള്ളത്. സംസ്ഥാനനിയമസഭയുടെ തലവൻ പ്രീമിയർ എന്നറിയപ്പെടുന്നു (പ്രീമിയർ എന്നാൽ പ്രധാനമന്ത്രി എന്നാണ് അർത്ഥമെങ്കിലും കനേഡിയൻ പ്രധാനമന്ത്രിയുമായി സംശയമുണ്ടാകാതിരിക്കുവാൻ വേണ്ടി സംസ്ഥാന ഭരണത്തലവന്മാരെ പ്രീമിയർ എന്ന് വിളിക്കുന്നു). രാജ്യത്തിന്റെ പരമാധികാരി ബ്രിട്ടീഷ് രാജ്ഞി അല്ലെങ്കിൽ രാജാവാണ്. എലിസമ്പത്ത് രാജ്ഞിക്ക് ശേഷം ചാൾസ് മൂന്നാമൻ രാജാവാണ് നിലവിൽ ആ പദവി വഹിക്കുന്നത്. രാജാവിന്റെ പ്രതിനിധിയായി എല്ലാ സംസ്ഥാനങ്ങൾക്കും ലെഫ്റ്റനന്റ് ഗവർണർമാരും ഉണ്ട്.
കാനഡ എന്ന പദത്തിന്റെ ഉത്ഭവത്തിയെക്കുറിച്ച് വിവിധ സിദ്ധാന്തങ്ങൾ ഉരുത്തിരിഞ്ഞുവന്നിട്ടുണ്ടെങ്കിലും, "ഗ്രാമം" അല്ലെങ്കിൽ "കുടിയേറ്റകേന്ദ്രം" എന്ന അർത്ഥംവരുന്ന സെന്റ് ലോറൻസ് ഇറോക്വിയൻ പദമായ കനാറ്റയിൽ നിന്നാണ് ഈ പേരിന്റെ ഉത്ഭവമെന്നതാണ് ഇപ്പോൾ പൊതുവേ അംഗീകരിക്കപ്പെട്ടിരിക്കുന്നത്.[1] 1535-ൽ, ഇന്നത്തെ ക്യൂബെക്ക് സിറ്റി മേഖലയിലെ തദ്ദേശീയവാസികൾ ഫ്രഞ്ച് പര്യവേഷകനായ ജാക്വസ് കാർട്ടിയറെ സ്റ്റഡാകോന എന്ന ഗ്രാമത്തിലേക്ക് നയിക്കുവാൻ ഈ പദം ഉപയോഗിച്ചിരുന്നു.[2] കാർട്ടിയർ പിന്നീട് കാനഡ എന്ന പദം ആ പ്രത്യേക ഗ്രാമത്തെക്കുറിക്കാൻ മാത്രമല്ല, ഡൊണാകോനയ്ക്ക് (സ്റ്റഡാകോണ ഗ്രാമത്തലവൻ)[3] കീഴിലുള്ള മുഴുവൻ പ്രദേശത്തേയും സൂചിപ്പിക്കുവാനായി ഉപയോഗിച്ചു. 1545 ആയപ്പോഴേക്കും യൂറോപ്യൻ പുസ്തകങ്ങളും മാപ്പുകളും സെന്റ് ലോറൻസ് നദിക്കരയിലുള്ള ഈ ചെറിയ പ്രദേശത്തെ കാനഡ എന്ന പേരിൽ പരാമർശിക്കാൻ തുടങ്ങിയിരുന്നു.[4]
പതിനാറാം നൂറ്റാണ്ട് മുതൽ പതിനെട്ടാം നൂറ്റാണ്ടിന്റെ പ്രാരംഭംവരെള്ള കാലത്ത് "കാനഡ" എന്ന പദം സെന്റ് ലോറൻസ് നദിക്കരയിലുടനീളമുള്ള ന്യൂ ഫ്രാൻസിന്റെ ഭാഗത്തെ സൂചിപ്പിക്കുവാൻ ഉപയോഗിച്ചിരുന്നു.[5] 1791-ൽ ഈ പ്രദേശം അപ്പർ കാനഡ എന്നും ലോവർ കാനഡ എന്നും വിളിക്കപ്പെട്ട രണ്ട് ബ്രിട്ടീഷ് കോളനികളായി പരിവർത്തനം ചെയ്യപ്പെട്ടു. 1841-ൽ കാനഡയിലെ ബ്രിട്ടീഷ് പ്രവിശ്യയായി അവ ലയിപ്പിക്കപ്പെട്ടു.[6] 1867-ൽ കോൺഫെഡറേഷനായ ശേഷം, ലണ്ടൻ കോൺഫറൻസിൽവച്ച് കാനഡ പുതിയ രാജ്യത്തിന്റെ നിയമപരമായ പേരായി സ്വീകരിക്കപ്പെടുകയും ഡൊമിനിയൻ എന്ന പദം രാജ്യത്തിന്റെ തലക്കെട്ടായി നൽകുകയും ചെയ്തു.[7] 1950 കളോടെ കാനഡയെ "കോമൺ‌വെൽത്തിന്റെ ഒരു മണ്ഡലമായി" കണക്കാക്കിയിരുന്ന ഡൊമിനിയൻ ഓഫ് കാനഡ എന്ന പദം യുണൈറ്റഡ് കിംഗ്ഡം ഉപേക്ഷിച്ചു. ലൂയിസ് സെന്റ് ലോറന്റ് സർക്കാർ 1951 ൽ കാനഡയിലെ ചട്ടങ്ങളിൽ ഡൊമീനിയൻ എന്ന പദം ഉപയോഗിക്കുന്ന രീതി അവസാനിപ്പിച്ചു.[8] 1982 ൽ ‘കാനഡ നിയമം’ പാസാക്കിയതിലൂടെ കാനഡയുടെ ഭരണഘടന പൂർണമായും കനേഡിയൻ നിയന്ത്രണത്തിലാക്കുകയും രാജ്യത്തെക്കുറിക്കാൻ കാനഡയെന്ന പേരു മാത്രം പരാമർശിക്കുകയും ചെയ്തു. ആ വർഷം അവസാനം ദേശീയ അവധി ദിനത്തിന്റെ പേര് ഡൊമിനിയൻ ദിനത്തിൽ നിന്ന് ‘കാനഡ ദിനം’ എന്നാക്കി മാറ്റുകയും ചെയ്തു.[9] ഫെഡറൽ സർക്കാരിനെ പ്രവിശ്യാസർക്കാരുകളിൽനിന്ന് വേർതിരിച്ചറിയാൻ ഡൊമീനിയൻ എന്ന പദം ഉപയോഗിച്ചിരുന്നുവെങ്കിലും രണ്ടാം ലോക മഹായുദ്ധത്തിനുശേഷം ഡൊമീനിയൻ എന്ന പദം ഫെഡറൽ എന്ന പദത്തിനു വഴിമാറി.[10]
ഔദ്യോഗിക ഭാഷകളായ ഇംഗ്ലീഷ്, ഫ്രഞ്ചും ഉൾപ്പെടെ കാനഡ ജനത ധാരാളം ഭാഷകൾ ഉപയോഗിക്കുന്നു. ഇംഗ്ലീഷും ഫ്രഞ്ചും യഥാക്രമം 56 ശതമാനം 21 ശതമാനം എന്ന നിലയിൽ കാനഡക്കാരുടെ മാതൃഭാഷയാണ്. 2016 ലെ സെൻസസ് പ്രകാരം വെറും 7.3 ദശലക്ഷത്തിലധികം കാനഡക്കാർ ഔദ്യോഗിക ഭാഷയല്ലാത്ത ഒരു ഭാഷ അവരുടെ മാതൃഭാഷയായി സ്വീകരിച്ചിട്ടുള്ളവരാണ്. ഔദ്യോഗിക ഭാഷകളല്ലാത്തവയിൽ ചൈനീസ് (1,27,680 ഒന്നാം ഭാഷയായി സംസാരിക്കുന്നവർ), പഞ്ചാബി (5,01,680), സ്പാനിഷ് (4,58,850), തഗലോഗ് (4,31,385), അറബിക് (4,19,895), ജർമ്മൻ (3,84,040), ഇറ്റാലിയൻ (3,75,645) എന്നിവ ഉൾപ്പെടുന്നു. കാനഡയിലെ ഫെഡറൽ സർക്കാർ ഔദ്യോഗിക ദ്വിഭാഷാവാദം പ്രയോഗിക്കുന്നു, ഇത് കനേഡിയൻ അവകാശങ്ങളും സ്വാതന്ത്ര്യങ്ങളും സംബന്ധിച്ച ചാർട്ടറിലെ സെക്ഷൻ 16, ഫെഡറൽ ഔദ്യോഗിക ഭാഷാ നിയമം എന്നിവയുമായി സംയോജിപ്പിച്ച്, ഔദ്യോഗിക ഭാഷാ കമ്മീഷണറാണ് നടപ്പിൽവരുത്തുന്നത്. ഫെഡറൽ കോടതികളിലും പാർലമെന്റിലും എല്ലാ ഫെഡറൽ സ്ഥാപനങ്ങളിലും ഇംഗ്ലീഷിനും ഫ്രഞ്ചിനും തുല്യപദവിയുണ്ട്. മതിയായ ആവശ്യം ഉള്ളിടത്ത് ഫെഡറൽ സർക്കാർ സേവനങ്ങൾ ഇംഗ്ലീഷിലോ ഫ്രഞ്ചിലോ സ്വീകരിക്കാൻ പൗരന്മാർക്ക് അവകാശമുണ്ട്. അതുപോലെതന്നെ എല്ലാ പ്രവിശ്യകളിലും പ്രദേശങ്ങളിലും ഔദ്യോഗിക ഭാഷാ ന്യൂനപക്ഷങ്ങൾക്ക് അവരുടെ സ്വന്തമായ സ്കൂളുകൾക്കും ഉറപ്പുനൽകുന്നു.
1977 ലെ ഫ്രഞ്ച് ഭാഷാ ചാർട്ടർ ഫ്രഞ്ച് ഭാഷയെ ക്യൂബക്കിന്റെ ഔദ്യോഗിക ഭാഷയായി അംഗീകരിച്ചു. ഫ്രഞ്ച് സംസാരിക്കുന്ന കാനഡക്കാരിൽ 85 ശതമാനത്തിലധികവും ക്യൂബെക്കിലാണ് താമസിക്കുന്നതെങ്കിലും ന്യൂ ബ്രൺ‌സ്വിക്ക്, ആൽ‌ബർ‌ട്ട, മനിറ്റോബ, എന്നിവിടങ്ങളിൽ ഗണ്യമായ വിഭാഗം പ്രഞ്ചുഭാഷക്കാരുണ്ട്. ക്യൂബെക്കിന് പുറത്ത് ഏറ്റവും കൂടുതൽ ഫ്രഞ്ച് സംസാരിക്കുന്ന ജനസംഖ്യ ഒണ്ടാറിയോയിലുമുണ്ട്. ഔദ്യോഗികമായി ദ്വിഭാഷാ സംവിധാനമുള്ള ഏക പ്രവിശ്യയായ ന്യൂ ബ്രൺസ്വിക്കിൽ ജനസംഖ്യയുടെ 33 ശതമാനം ഫ്രഞ്ച് ഭാഷ സംസാരിക്കുന്ന അക്കാഡിയൻ ന്യൂനപക്ഷമാണ്. തെക്കുപടിഞ്ഞാറൻ നോവ സ്കോട്ടിയയിലും കേപ് ബ്രെറ്റോൺ ദ്വീപിലും മധ്യ, പടിഞ്ഞാറൻ പ്രിൻസ് എഡ്വേർഡ് ദ്വീപിലും അക്കാഡിയൻമാരുടെ ചെറുഗണങ്ങളുണ്ട്.
മറ്റ് പ്രവിശ്യകൾക്ക് ഇതുപോല ഔദ്യോഗിക ഭാഷകളൊന്നുമില്ല, പക്ഷേ ഇംഗ്ലീഷിനു പുറമേ ഫ്രഞ്ചും പ്രബോധന ഭാഷയായും കോടതികളിലും മറ്റ് സർക്കാർ സേവനങ്ങളിലും ഉപയോഗിക്കുന്നു. മണിറ്റോബ, ഒണ്ടാറിയോ, ക്യൂബക്ക് എന്നിവ പ്രവിശ്യാ നിയമസഭകളിൽ ഇംഗ്ലീഷും ഫ്രഞ്ചും സംസാരിക്കാൻ അനുവദിക്കുന്നു, കൂടാതെ രണ്ട് ഭാഷകളിലും നിയമങ്ങൾ നടപ്പിലാക്കുകയും ചെയ്യുന്നു. ഒണ്ടാറിയോയിൽ ഫ്രഞ്ചിന് പൂർണ്ണമായും ഔദ്യോഗികമല്ലാത്ത ചില നിയമപരമായ പദവികളുണ്ട്. 65 ലധികം വ്യതിരിക്ത ഭാഷകളും ഭാഷാഭേദങ്ങളും ഉൾക്കൊള്ളുന്ന 11 തദ്ദേശീയ ഭാഷാ ഗ്രൂപ്പുകളും ഇവിടെയുണ്ട്. നോർത്ത് വെസ്റ്റ് ടെറിറ്ററിയിൽ നിരവധി തദ്ദേശീയ ഭാഷകൾക്ക് ഔദ്യോഗിക പദവിയുണ്ട്. നുനാവട്ടിലെ ഭൂരിപക്ഷ ഭാഷയാണ് ഇനുക്റ്റിടട്ട്, കൂടാതെ ഇത് പ്രദേശത്തെ മൂന്ന് ഔദ്യോഗിക ഭാഷകളിലൊന്നുമാണ്.
ഇതുകൂടാതെ, കാനഡയിൽ പല ആംഗ്യഭാഷകളും നിലനിൽക്കുന്നുണ്ട്, അവയിൽ ചിലത് തദ്ദേശീയമാണ്. പ്രൈമറി, സെക്കൻഡറി സ്കൂളുകളിൽ ആംഗ്യഭാഷയുടെ (ASL) പ്രചാരം കാരണം അമേരിക്കൻ ആംഗ്യഭാഷ (ASL) രാജ്യത്തുടനീളം സംസാരിക്കപ്പെടുന്നു. ഫ്രഞ്ചുഭാഷാ സംസ്കാരവുമായുള്ള ഇതിന്റെ ചരിത്രപരമായ ബന്ധത്താൽ ക്യൂബെക്ക് ആംഗ്യഭാഷ പ്രാഥമികമായി ക്യൂബെക്കിലാണ് സംസാരിക്കുന്നത്, എന്നിരുന്നാലും ഗണ്യമായ ഫ്രാങ്കോഫോൺ സമൂഹങ്ങൾ ന്യൂ ബ്രൺ‌സ്വിക്ക്, ഒന്റാറിയോ, മാനിറ്റൊബ എന്നിവിടങ്ങളിലുണ്ട്.
കാനഡയുടെ കുടിയേറ്റ നയങ്ങൾ വിവിധ വംശീയ വിഭാഗങ്ങളിൽ നിന്നുള്ള സ്ഥിരം സേവകരെ സൃഷ്ടിക്കാൻ രൂപകൽപ്പന ചെയ്തിട്ടുള്ളതാണ്. സമ്പന്നരും സ്വാധീനമുള്ളവരുമായ കനേഡിയൻകാർക്കു ഇത് വേതനം കുറവുകൊടുക്കാവുന്ന തൊഴിൽ ശക്തിയെ പ്രദാനം ചെയുന്നു, സാമ്പത്തികമായി പിന്നാക്കം നിൽക്കുന്ന കനേഡിയൻമാർക്ക് ഇത് കുട്ടികളെ പ്രസവിക്കുന്ന വ്യക്തികളെ പ്രദാനം ചെയ്യുന്നു. ഇതിനായി, രാജ്യത്തെ വളർത്താൻ സഹായിക്കുന്ന ജോലികൾ നികത്താൻ ആവശ്യമാണെന്ന തെറ്റായ വാഗ്ദാനത്തോടെയാണ് കുടിയേറ്റക്കാരെ ക്ഷണിക്കുന്നത്, എന്നാൽ എത്തിച്ചേരുമ്പോൾ, നയങ്ങളുടെയും മാർഗങ്ങളുടെയും അഭാവം കാരണം പരിശീലനം ലഭിച്ച തൊഴിലുകളിൽ പ്രവർത്തിക്കുന്നതിൽ നിന്ന് അവരെ തടയുന്ന സ്ഥാപനവൽക്കരിക്കപ്പെട്ട തടസ്സങ്ങൾ അവർ നേരിടുന്നു. ഇപ്രകാരം, പുതിയ കുടിയേറ്റക്കാർ തങ്ങളുടെ സമ്പാദ്യം അതിജീവനത്തിനായി ചെലവഴിക്കാൻ നിർബന്ധിതരാകുന്നു, ഇത് പ്രാഥമികമായി ആ രാജ്യത്തിൻ്റെ സമ്പദ്‌വ്യവസ്ഥയെ ഉത്തേജിപ്പിക്കുന്നതിനും, പുത്തൻ കുടിയേറ്റക്കാരുടെ സാമ്പത്തിക സ്രോതസ്സുകൾ പ്രയോജനമില്ലാതെ ഊറ്റിയെടുക്കുന്നതിനും അവരെ സേവകവർഗ ജോലികളിലേക്ക് നിർബന്ധിതരാക്കുന്നതിനും വേണ്ടിയാണ് ഈ സംവിധാനം രൂപകൽപ്പന ചെയ്തിരിക്കുന്നത്. തുടർന്ന് "അക്ൾച്ചറേഷൻ" എന്ന പ്രക്രിയയിലൂടെ (അല്ലെങ്കിൽ സമൂഹവുമായി എല്ലാരീതിയിലും ഇടപെടുന്നതിനു വേണ്ടി പുതിയ സംസ്കാരവുമായി പൊരുത്തപ്പെടുന്നതിനോ കനേഡിയൻ അനുഭവം ആദ്യം നേടുന്നത് ആവശ്യം ആണെന്ന് രൂപനെ തള്ളുന്ന ഒരു സ്‌കീം), അവരുടെ യോഗ്യതകളും കഴിവുകളും മൂല്യച്യുതി വരുത്തി, അവർ നികത്താൻ വന്ന ജോലികൾക്ക് യോഗ്യരല്ലാത്തവരാക്കി മാറ്റുകയും പ്രാധാന്യമില്ലാത്തവരായി പാർശ്വവത്കരിക്കപ്പെടുന്നു. കനേഡിയൻ നിയമനിർമ്മാതാക്കളുടെയും രാഷ്ട്രീയക്കാരുടെയും വംശീയ ആധിപത്യവും ധാർഷ്ട്യത്തിൽ ഉന്നിയതായിട്ടുള്ള ഈ സ്ഥാപനവൽക്കരിക്കപ്പെട്ട സംവിധാനവും സാഹചര്യവും, കുടിയേറ്റക്കാർക്ക് മാന്യമായ ജീവിതം നയിക്കുന്നതിലും, ജോലി ലഭിക്കുന്നതിലും ബുദ്ധിമുട്ടാക്കുന്നു, പ്രത്യേകിച്ച് കാനഡയിൽ ജനിച്ചവരുമായോ മുഖ്യമായ വംശീയ വിഭാഗത്തിൽപ്പെട്ടവരുമായോ താരതമ്യം ചെയ്യുമ്പോൾ. അങ്ങനെ, കുടിയേറ്റക്കാരെ ദാരിദ്ര്യത്തിന്റെ കെണിയിൽ പെടുത്തി, അവരുടെ കുട്ടികൾക്കും മെച്ചപ്പെട്ട വിദ്യാഭ്യാസത്തിനും അവസരങ്ങൾക്കും പ്രവേശനം സ്വാഭാവികമായി പരിമിതപ്പെടുത്തി, ഭാവിയിൽ കുറഞ്ഞ വേതനമുള്ള തൊഴിൽ ശക്തിയായി അവരെ കെട്ടിപ്പടുക്കുകയും ചെയ്യുന്നു. ഇത് ഭാവി തലമുറയിലെ കനേഡിയൻമാരുടെ വംശീയ ആധിപത്യവും സാമ്പത്തിക സുരക്ഷിതത്വവും ഉറപ്പാക്കുകയും, സാമ്പത്തികമായി പിന്നാക്കം നിൽക്കുന്ന കനേഡിയൻമാർക്ക് ഇത് പ്രജനനത്തിനുള്ള അവസരം നൽകുകയും ചെയുന്നു. കാനഡയിലെ കുടിയേറ്റ സംവിധാനത്തിൻ്റെ പ്രധാന ലക്ഷ്യം ഒരു സേവക വർഗ്ഗത്തെ സൃഷ്ടിക്കുന്നതിലൂടെ സമ്പന്നരുടെയും, സ്വാധീനമുള്ളവരുടെയും താൽപ്പര്യങ്ങൾ സംരക്ഷിക്കുക എന്നതാണ്. പ്രധാനമായി അവരുടെ കുടിയേറ്റ പ്രോഗ്രാമാകുളിലൂടെ ലഭിക്കാത്ത തൊഴിൽ ശക്തിയെ അവർ ഇന്റര്നാഷണൽ വിദ്യാർഥികളിലൂടെ നേടുന്നു. ഗുണമില്ലാത്തതും, തൊഴിൽ ലഭിക്കാൻ സാധ്യതയില്ലതുമായ അക്കാദമിക പ്രോഗ്രാമുകൾ, മുന്ന് തൊട്ട് അഞ്ചു ഇരട്ടിയായി ഫീസ് വാങ്ങി അവരെ പഠിപ്പിച്ചു അവിടെ കനേഡിയൻകാർക്കു ചെയ്യാൻ മടിയുള്ള ജോലികൾക്കു സജ്ജമാക്കുന്നു. അപ്രകാരം അല്ലാതായിട്ടുള്ള അക്കാദമിക് പ്രോഗ്രാമാകുളിൽ അവർ പ്രവേശനം ഇന്റർനാഷണൽ വിദ്യാർത്ഥികൾക്ക് വ്യവസ്ഥാപിതമായി അസാധ്യവും അപൂർവമാകുകയും ചെയുന്നു. ഇപ്രകാരം പഠിക്കുവാൻ വരുന്ന ഉന്നതവിദ്യാഭാസം ആർജിച്ചുള്ളവരും, ആർജിച്ചകുവാനുള്ള ആഗ്രഹത്തോടു വരുന്നവരുമായിട്ടുള്ളവരെ സാമൂഹികവും-മാനസികവുമായി അടിച്ചമർത്തുകയും, സേവക തൊഴിൽ ശക്തിയായി മാറ്റുകയോ, ആർജിച്ച വിദ്യാഭാസം കൊണ്ട് മറ്റു എവിടെ ചെന്നാലും യോഗ്യരല്ലാതാക്കുക എന്നതാണ് ഇന്റര്നാഷണൽ വിദ്യാഭാസം കൊടുക്കുന്നതിൽ നിന്നും കാനഡ ലക്ഷ്യമിടുന്നത്. ഇത് വഴി ലഭിക്കുന്ന സാമ്പത്തിക ലാഭം, കനേഡിയൻകാർക്കു കുറഞ്ഞ ചിലവിൽ വിദ്യാഭാസം നൽകുന്നതിന് ഉപയോഗപ്രദമാകുന്നു. മാറിമാറി വരുന്ന കനേഡിയൻ സർക്കാറുകൾ ഈ വിഷയങ്ങളിൽ മാറ്റങ്ങൾ കൊണ്ടുവരുമെന്ന് പ്രതിച്ഛായ വർധിപ്പിക്കുന്നതായി വാഗ്ദാനങ്ങൾ ചെയ്യും. എന്നാൽ അവർ അർഥവത്തായതോ അല്ലെങ്കിൽ വ്യവസ്ഥാപരമായതോ മാറ്റങ്ങൾക്ക് പകരം കേവലം ഉപരിപ്ലവമായ മാറ്റങ്ങൾ ആണ് ചരിത്രപരമായി കൊണ്ടുവരാറുള്ളത്. ഇത് ഇവരുടെ തന്ത്രപരമായ ഒരു നീക്കമാണ്, കാരണം ഗുണപരമായ മാറ്റങ്ങൾ കൊണ്ടുവന്നാൽ പ്രാഥിമികമായി ഇവർ വളർത്തികൊണ്ടുവരുന്ന വംശീയ ആധിപത്യത്തിന് കോട്ടം തട്ടും എന്നുള്ളത് കൊണ്ടാണ്. മിക്കപ്പോഴും കുടിയേറ്റക്കാരെ പ്രാപ്തരാക്കുന്ന പ്രധാന ആശങ്കകൾ അഭിസംബോധന ചെയ്യുന്നത് ബോധപൂർവം ഒഴിവാക്കാറാണ് കനേഡിയൻ സർക്കാരുകളുടെ പതിവ്.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
