സ്വർണ്ണ പേക്കാന്തവള
From Wikipedia, the free encyclopedia
വംശനാശം സംഭവിച്ച ഒരു ജീവിയാണ് സ്വർണ്ണ പേക്കാന്തവള(Golden Toad).[2] 1966-ലാണ് ആദ്യമായി ഈ ജീവിയെ കോസ്റ്റാറിക്കയിലെ കോടവനങ്ങളുടെ ഭാഗമായ ചെറിയൊരു പ്രദേശത്ത് കണ്ടെത്തിയത്. അക്കാലത്ത് മുപ്പതിനായിരത്തോളം സുവർണ തവളകൾ ആ കാട്ടിൽ ഉണ്ടായിരുന്നതായി കണക്കാക്കപ്പെടുന്നു. ഇവ കോസ്റ്റാറിക്കയിലെ റിസർവ ബയോളോജിക്ക മോണ്ടിവേഡേ (Reserva Biológica Monteverde) സംരക്ഷിതവനത്തിൽ 1,500 മുതൽ 1,620 മീറ്റർ വരെ ഉയരമുള്ള പ്രദേശങ്ങളിൽ വസിച്ചിരുന്നു. 1989-ലാണ് ഈ വംശത്തിൽപ്പെട്ട അവസാന തവളയെ കണ്ടതായി രേഖപ്പെടുത്തിയത്. ആഗോളതാപനത്തിന്റെ ഫലമായി അവയുടെ വാസഗേഹമായ വനത്തിലെ ഈർപ്പം കുറവ്, ഉഭയജീവികളെ ബാധിക്കുന്ന ഫംഗസ് രോഗമായ ചൈറ്റ്രിഡിയോമൈകോസിസ് (Chytridiomycosis), വായുമലിനീകരണം എന്നിവ ഇവയുടെ വംശനാശത്തിലേക്ക് വഴിതെളിച്ചതായി കരുതപ്പെടുന്നു. 1987-88 ൽ സംഭവിച്ച എൽനിനോ എന്ന പ്രതിഭാസം അവയുടെ നാശത്തിന് ആക്കംകൂട്ടുകയും ചെയ്തു. 2008-ലാണ് ഐ.യു.സി.എൻ. ഇവയെ വംശനാശം സംഭവിച്ച ജീവികളുടെ പട്ടികയിൽ ഉൾപ്പെടുത്തിയത്.[2]
സ്വർണ്ണത്തവള എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ സ്വർണ്ണത്തവള (വിവക്ഷകൾ) എന്ന താൾ കാണുക. |
സ്വർണ്ണ പേക്കാന്തവള | |
---|---|
Male golden toad | |
ശാസ്ത്രീയ വർഗ്ഗീകരണം | |
കിങ്ഡം: | |
Phylum: | |
Class: | |
Order: | |
Family: | |
Genus: | Bufo |
Species: | B. periglenes |
Binomial name | |
Bufo periglenes Savage, 1966 | |
Synonyms | |
Cranopsis periglenes Frost et al., 2006
|