സപ്തഗ്രാം
From Wikipedia, the free encyclopedia
തെക്കൻ ബംഗാളിന്റെ തലസ്ഥാനമായി ഒരു കാലത്ത് അറിയപ്പെട്ടിരുന്നതും പ്രാചീന കാലത്തെയും മദ്ധ്യകാലത്തെയും ഒരു പ്രധാന തുറമുഖവും, പ്രധാന പട്ടണവുമായിരുന്നു സപ്തഗ്രാം (പ്രാദേശികമായി സത് ഗാവോൺ എന്നു വിളിക്കുന്നു). പശ്ചിമ ബംഗാൾ സംസ്ഥാനത്തിലെ ഹൂഗ്ലിജില്ലയിലാണ് ഈ സ്ഥലം ഉൾപ്പെട്ടിരിക്കുന്നത്. ബന്ദേൽ എന്ന ഒരു പ്രധാന റെയിൽ ജംഗ്ഷനിൽനിന്നും ഏകദേശം 4 കി. മീ. അകലെയായി ഈ പ്രദേശം സ്ഥിതിചെയ്യുന്നു. ഇരുപതാം നൂറ്റാണ്ടിന്റെ തുടക്കത്തിൽ ഈ പ്രദേശം ചെറിയ കുടിലുകൾമാത്രമുള്ള ഒരു പ്രദേശമായിരുന്നു.[1] സരസ്വതി നദി വറ്റി വരണ്ട് മണ്ണടിഞ്ഞുകിടന്നതിന്റെ ഫലമായി തുറമുഖം ആഴമില്ലാതെ ഉണങ്ങിക്കിടന്നിരുന്നതിനാൽ ഈ തുറമുഖം ഉപേക്ഷിക്കേണ്ടിവന്നു. കൊൽക്കത്തയുടെ തുടർന്നുള്ള വികസനത്തിനും വളർച്ചയ്ക്കും ഈ പ്രദേശം വളരെയധികം സ്വാധീനിച്ചിരുന്നു. എച്ച് ഇ എ കട്ടൺ എഴുതുന്നു, "ഇവിടം കൽക്കട്ട നഗരത്തിന്റെ ഭാവിയുടെ കേന്ദ്രഭാഗമായി ഈ നഗരത്തെ സങ്കല്പിക്കാവുന്നതാണ്..." [1]