മലയാള ചലച്ചിത്രം From Wikipedia, the free encyclopedia
1981 ൽ പുറത്തിറങ്ങിയ ഒരു മലയാള ചലച്ചിത്രം ആണ് വിട പറയും മുൻപെ. ജോൺപോളിന്റെ കഥക്ക് തിരക്കഥ, സംഭാഷണം സംവിധാനം എന്നിവ നിർവഹിച്ചത് മോഹൻ ആണ്. ഇന്നസന്റാണ് ചിത്രം നിർമ്മിച്ചത്.[1] [2] [3] പ്രേം നസീർ പ്രധാന കഥാപാത്രമാകുന്ന ഈ സിനിമയിൽ നെടുമുടി വേണു, ലക്ഷ്മി എന്നിവർ അഭിനയിക്കുന്നു.[1] [4] ഈ സിനിമയിലെ അഭിനയത്തിന് നസീറിന് ആ വർഷത്തെ സ്പെഷൽ ജൂറി പരാമർശം ലഭിച്ചിരുന്നു.[5] നെടുമുടിവേണുവാണ് ഈ സിനിമയിൽ നായകനായി അഭിനയിച്ചിരിക്കുന്നത്.
വിടപറയും മുമ്പേ | |
---|---|
സംവിധാനം | മോഹൻ |
നിർമ്മാണം | ഇന്നസെന്റ് ഡേവിഡ് കാച്ചപ്പള്ളി |
രചന | ജോൺപോൾ മോഹൻ (സംഭാഷണം) |
തിരക്കഥ | മോഹൻ |
അഭിനേതാക്കൾ | പ്രേം നസീർ നെടുമുടി വേണു ലക്ഷ്മി ഇന്നസെന്റ് |
സംഗീതം | എം. ബി. ശ്രീനിവാസൻ |
ഛായാഗ്രഹണം | യു രാജഗോപാൽ |
ചിത്രസംയോജനം | ജി. വെങ്കിട്ടരാമൻ |
സ്റ്റുഡിയോ | ശത്രു ഫിലിംസ് |
വിതരണം | ശത്രു ഫിലിംസ് |
റിലീസിങ് തീയതി |
|
രാജ്യം | India |
ഭാഷ | Malayalam |
അനുദിനം മരണത്തോടടുത്തു കൊണ്ടിരിക്കുന്ന മാരകരോഗിയായ സേവ്യറിന്റെ കഥയാണ് സിനിമ പറയുന്നത്. മരണം ഇങ്ങടുത്തു എന്നറിഞ്ഞിട്ടും സന്തോഷവാനും തന്റെ സങ്കൽപത്തിലുള്ള, എന്നാൽ തനിക്കു ലഭിക്കാത്ത ജീവിതത്തെ കുറിച്ച് കൊച്ചു നുണകൾ പറയുകയാണ് സേവ്യർ. അവ നുണകൾ ആണെന്ന് പ്രേക്ഷകർ അറിയുന്നത് അയാളുടെ മരണ ദിനത്തിലാണെന്ന് മാത്രം .
സേവിയർ ഒരു ഒഫീസിലെ സ്റ്റനോ ആണ്. മാനേജർ പല തവണ മുന്നറിയിപ്പു നൽകിയിട്ടും അയാൾ ഒരു ഉത്തരവാദിത്തവുമില്ലാതെ പെരുമാറുന്നു. ഒരു തിരക്കുള്ള ദിവസം ആഫീസിൽ വരാതിരുന്ന അയാളെ മാനേജർ ബീച്ചിൽ കുട്ടികളോടൊപ്പം കളിക്കുന്നത് കണ്ട് ജോലിയിൽ നിന്നും പുറത്താക്കുന്നു. പിറ്റേന്ന് അയാൾ കാൻസർ രോഗിയാണെന്ന് തിരിച്ചറിയുന്നു.[6]
നെടുമുടി വേണു വിന്റെ അഭിനയ ജീവിതത്തിലെ ഒരു മികച്ച കഥാപാത്രം ആണ് ഈ സിനിമയിലെ സേവ്യർ .
കാവാലം എഴുതിയ ഗാനങ്ങൾക്ക് എം. ബി. ശ്രീനിവാസൻ ഈണം നൽകിയിരിക്കുന്നു.
നമ്പർ. | പാട്ട് | പാട്ടുകാർ | വരികൾ | ഈണം |
1 | അനന്തസ്നേഹത്തിൻ | കെ. ജെ. യേശുദാസ്& സംഘം | കാവാലം നാരായണപ്പണിക്കർ | എം. ബി. ശ്രീനിവാസൻ |
2 | ഉല്ലാള ചില്ലാല | കെ. ജെ. യേശുദാസ് | കാവാലം നാരായണപ്പണിക്കർ | എം. ബി. ശ്രീനിവാസൻ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.