വിക്കിപീഡിയ:നാമമേഖല
From Wikipedia, the free encyclopedia
മീഡിയവിക്കി സോഫ്റ്റെയറിനു തിരിച്ചറിയുവാൻ പറ്റുന്ന തരത്തിൽ ഒരു നിശ്ചിത പൂർവ്വപ്രത്യയത്തോടു കൂടിയ ഒരു പറ്റം താളുകളെ വിക്കിപീഡിയയിൽ നാമമേഖല എന്ന് വിളിക്കുന്നു, എന്നാൽ ‘പ്രധാന നാമമേഖലയിൽ‘ പൂർവ്വപ്രത്യയം ചേർക്കാറില്ല. താളിന്റെ പേരും അതിനു മുൻപ് ചേർക്കുന്ന പൂർവ്വപ്രത്യയവും ഒരു ഭിത്തിക ഉപയോഗിച്ചാണ് വേർതിരിക്കുന്നത്. ഉദാഹരണത്തിന് വിക്കിപീഡിയയിൽ ഉള്ള ഓരോ ഉപയോക്താക്കൾക്കും അനുവദിക്കപ്പെട്ട താളുകൾ എല്ലാം തന്നെ ആരംഭിക്കുന്നത് "ഉപയോക്താവ്:" എന്നാണ്, എന്നാൽ വിജ്ഞാനകോശ ലേഖനങ്ങൾ പ്രധാന നാമമേഖലയിൽ യാതൊരു പൂർവ്വപ്രത്യയവും കൂടാതെയാണ് തുടങ്ങുന്നത്.
വിക്കിപീഡിയയിലെ നാമമേഖലകൾ | |||
---|---|---|---|
അടിസ്ഥാന നാമമേഖലകൾ | സംവാദ നാമമേഖലകൾ | ||
0 | പ്രധാനം | സംവാദം | 1 |
2 | ഉപയോക്താവ് | ഉപയോക്താവിന്റെ സംവാദം | 3 |
4 | വിക്കിപീഡിയ | വിക്കിപീഡിയ സംവാദം | 5 |
6 | പ്രമാണം | പ്രമാണത്തിന്റെ സംവാദം | 7 |
8 | മീഡിയവിക്കി | മീഡിയവിക്കി സംവാദം | 9 |
10 | ഫലകം | ഫലകത്തിന്റെ സംവാദം | 11 |
12 | സഹായം | സഹായത്തിന്റെ സംവാദം | 13 |
14 | വർഗ്ഗം | വർഗ്ഗത്തിന്റെ സംവാദം | 15 |
100 | കവാടം | കവാടത്തിന്റെ സംവാദം | 101 |
സാങ്കൽപ്പിക നാമമേഖലകൾ | |||
-1 | പ്രത്യേകം | ||
-2 | മീഡിയ |
മലയാളം വിക്കിപീഡിയയിൽ ഇരുപത് നാമമേഖലകൾ നിലവിലുണ്ട്. ഒൻപത് അടിസ്ഥാന നാമമേഖലകളും അവയുടെ അനുബന്ധ സംവാദത്താളുകളും; കൂടാതെ രണ്ട് സാങ്കല്പിക നാമമേഖലകളും. നാമമേഖലക്കൾക്ക് പകരം അവയുടെ നാമാന്തരമായ ചുരുക്കരൂപം ഉപയോഗിക്കാവുന്നതാണ്. ഉദാഹരണത്തിന് "ഉപയോക്താവ്:" എന്നതിനു പകരം അതിന്റെ സംക്ഷിപ്ത രൂപമായ "ഉ:" ഉപയോഗിക്കാവുന്നതാണ്.