![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cf/Gray896.png/640px-Gray896.png&w=640&q=50)
ലാക്രിമൽ ഗ്രന്ഥി
From Wikipedia, the free encyclopedia
മിക്ക ഭൗമ കശേരുക്കളിലും ചില സമുദ്ര സസ്തനികളിലും കാണപ്പെടുന്ന ഒരു ജോടി (ഓരോ കണ്ണിലും ഒന്ന്) എക്സോക്രൈൻ ഗ്രന്ഥികളാണ് ലാക്രിമൽ ഗ്രന്ഥികൾ. കണ്ണുനീരിലെ ജലീയ ഭാഗം സ്രവിക്കുന്നത് ലാക്രിമൽ ഗ്രന്ഥിയിൽ നിന്നാണ്. [1] മനുഷ്യരിൽ, അവ തലയോട്ടിയിലെ ഓർബിറ്റിന്റെ മുകളിലെ ലാറ്ററൽ മേഖലയിൽ, ഫ്രോണ്ടൽ അസ്ഥിയാൽ രൂപംകൊണ്ട ഓർബിറ്റിന്റെ ലാക്രിമൽ ഫോസയിൽ സ്ഥിതിചെയ്യുന്നു. [2] ലാക്രിമൽ ഗ്രന്ഥികളുടെ വീക്കം ഡാക്രിയോഅഡെനൈറ്റിസ് എന്ന് വിളിക്കുന്നു. ലാക്രിമൽ ഗ്രന്ഥി ലാക്രിമൽ നാളങ്ങളാൽ സ്രവിക്കുന്ന കണ്ണുനീരിനെ ഉത്പാദിപ്പിക്കുകയും, ആ കണ്ണുനീർ കണ്ണിന്റെ ഉപരിതലത്തിലൂടെ ഒഴുകി തുടർന്ന് ലാക്രിമൽ സാക്കുമായി ബന്ധിപ്പിക്കുന്ന കനാലുകളിലേക്ക് ഒഴുകുകയും ചെയ്യുന്നു. സാക്കിൽ നിന്ന് കണ്ണുനീർ ലാക്രിമൽ നാളത്തിലൂടെ മൂക്കിലേക്ക് ഒഴുകുന്നു.
ലാക്രിമൽ ഗ്രന്ഥി | |
---|---|
![]() Lacrimal apparatus of the right eye. The lacrimal gland is to the upper left. The right side of the picture is towards the nose. | |
![]() Tear system. a = lacrimal gland b = superior lacrimal punctum c = superior lacrimal canal d = lacrimal sac e = inferior lacrimal punctum f = inferior lacrimal canal g = nasolacrimal canal | |
Details | |
Artery | lacrimal artery |
Vein | superior ophthalmic vein |
Nerve | lacrimal nerve |
Identifiers | |
Latin | glandula lacrimalis |
TA | A15.2.07.057 |
FMA | 59101 |
Anatomical terminology |
ശരീരശാസ്ത്രജ്ഞർ ഗ്രന്ഥിയെ, പാൽപെബ്രൽ ലോബ്, ഓർബിറ്റൽ ലോബ് എന്നിങ്ങനെ രണ്ട് ഭാഗങ്ങളായി വിഭജിക്കുന്നു. [3] ചെറിയ പാൽപെബ്രൽ ലോബ് കണ്ണിനോട് ചേർന്ന്, കണ്പോളയുടെ ആന്തരിക ഉപരിതലത്തിൽ സ്ഥിതിചെയ്യുന്നു; മുകളിലെ കൺപോളയുടെ ഉൾവശത്ത് പാൽപെബ്രൽ ഭാഗം കാണാൻ കഴിയും.
ഗ്രന്ഥിയുടെ ഓർബിറ്റൽ ലോബിൽ, ഓർബിറ്റൽ ലോബിനെയും പാൽപെബ്രൽ ലോബിനെയും ബന്ധിപ്പിക്കുന്ന ഇന്റർലോബുലാർ ഡക്റ്റുകൾ അടങ്ങിയിരിക്കുന്നു. [4] അഞ്ചിനും ഏഴിനും ഇടയ്ക്ക് ഡക്റ്റുകൾ ഒരുമിച്ച് ചേർന്ന് മൂന്നു മുതൽ അഞ്ച് വരെ പ്രധാന ഡക്റ്റുകളായി മാറുന്ന ഇവ, കണ്ണിന്റെ ഉപരിതലത്തിലേക്ക് കണ്ണുനീർ സ്രവിക്കുന്നു. സ്രവിക്കുന്ന കണ്ണുനീർ മുകളിലെ കൺപോളയിലെ ഫോർനിക്സ് കൺജങ്റ്റൈവയിൽ ശേഖരിക്കുകയും കണ്ണിന്റെ ഉപരിതലത്തിലൂടെ കൺപോളകളുടെ ആന്തരിക മൂലയിൽ കാണപ്പെടുന്ന ചെറിയ ദ്വാരങ്ങൾളായ ലാക്രിമൽ പൻക്റ്റയിലേക്ക് ഒഴുകുകയും ചെയ്യുന്നു. പങ്റ്റത്തിനുള്ളിലൂടെ കടക്കുന്ന കണ്ണുനീർ ലാക്രിമൽ കനാലിക്കുലൈയിലൂടെ ലാക്രിമൽ സഞ്ചിയിലേക്കും അവിടുന്ന് നാസോലാക്രിമൽ ഡക്റ്റ് വഴി മൂക്കിലേക്കും എത്തുന്നു. [5]
കുതിരകൾ പോലുള്ള മറ്റ് സസ്തനികളിലും ലാക്രിമൽ ഗ്രന്ഥികൾ കാണപ്പെടുന്നു.