യൊഹാൻ ക്രൈഫ്
From Wikipedia, the free encyclopedia
നിലവിലെ കറ്റാലൻ ദേശീയ ഫുട്ബോൾ ടീം പരിശീലകനും ഒരു മുൻ ഡച്ച് ഫുട്ബോൾ കളിക്കാരനുമാണ് യൊഹാൻ ക്രൈഫ് എന്ന ഹെൻഡ്രിക്ക് യൊഹാന്നസ് ക്രൈയിഫ് (ജനനം: 1947 ഏപ്രിൽ 25 ആംസ്റ്റർഡാമിൽ). അദ്ദേഹം 1971, 1973, 1974 വർഷങ്ങളിലായി മൂന്ന് തവണ ബാലൺ ഡി ഓർ പുരസ്കാരം നേടിയിട്ടുണ്ട്. ഏറ്റവും കൂടുതൽ തവണ ബാലൺ ഡി ഓർ നേടിയ കളിക്കാരിൽ ഒരാളാണ് ക്രൈഫ്. ലയണൽ മെസ്സി, മാർകോ വാൻ ബാസ്റ്റൺ, മിഷേൽ പ്ലാറ്റീനി എന്നിവരാണ് മറ്റുള്ളവർ. റൈനസ് മിക്കൽസ് അവതരിപ്പിച്ച ടോട്ടൽ ഫുട്ബോളിന്റെ ഏറ്റവും മികച്ച ഉപയോക്താക്കളിൽ ഒരാളാണ് യൊഹാൻ ക്രൈഫ്. ഫുട്ബോളിലെ എക്കാലത്തേയും മികച്ച കളിക്കാരിൽ ഒരാളായി യൊഹാൻ ക്രൈഫിനെ പരിഗണിക്കുന്നു.
Personal information | |||
---|---|---|---|
Full name | ഹെൻഡ്രിക്ക് യൊഹാന്നസ് ക്രൈയിഫ് | ||
Height | 1.80 m (5 ft 11 in) | ||
Position(s) | ആക്രമണ മധ്യനിര / മുന്നേറ്റനിര | ||
Youth career | |||
1957–1964 | എഎഫ്സി അയാക്സ് | ||
Senior career* | |||
Years | Team | Apps | (Gls) |
1964–1973 | എഎഫ്സി അയാക്സ് | 240 | (190) |
1973–1978 | എഫ്. സി. ബാഴ്സലോണ | 143 | (48) |
1979–1980 | ലോസ് ആഞ്ചലസ് ആസ്ടക്സ് | 27 | (14) |
1980–1981 | വാഷിംഗ്ടൺ ഡിപ്ലോമാറ്റ്സ് | 32 | (12) |
1981 | ലെവന്റെ | 10 | (2) |
1981–1983 | എഎഫ്സി അയാക്സ് | 36 | (14) |
1983–1984 | ഫയനൂർഡ് | 33 | (11) |
Total | 520 | (291) | |
National team | |||
1966–1977 | നെതർലൻഡ്സ് | 48 | (33) |
Teams managed | |||
1985–1988 | എഎഫ്സി അയാക്സ് | ||
1988–1996 | എഫ്. സി. ബാഴ്സലോണ | ||
2009– | കാറ്റലോണിയ | ||
*Club domestic league appearances and goals |
1984ൽ കളിയിൽ നിന്ന വിരമിച്ച ശേഷം ക്രൈഫ് അയാക്സിന്റേയും പിന്നീട് ബാഴ്സലോണയുടേയും മികച്ച പരിശീലകനായി മാറി. ക്രൈഫ് ഇപ്പോഴും ഈ രണ്ട് ക്ലബ്ബിന്റേയും ഉപദേശകനായിത്തുടരുന്നു. ക്രൈഫിന്റെ മകനായ യോർഡി ക്രൈഫും ഫുട്ബോൾ കളിക്കാരനാണ്.
1999-ൽ ഐഎഫ്എഫ്എച്ച്എസ് സംഘടിപ്പിച്ച സർവ്വേയിൽ നൂറ്റാണ്ടിലെ മികച്ച യൂറോപ്യൻ കളിക്കാരനായും നൂറ്റാണ്ടിലെ രണ്ടാമത്തെ ലോകഫുട്ബോൾ താരവുമായി തെരഞ്ഞെടുക്കപ്പെടുകയും ചെയ്തു.[1] ഫ്രഞ്ച് ഫുട്ബോൾ മാഗസിനായ ഫ്രാൻസ് ഫുട്ബോൾ സംഘടിപ്പിച്ച സർവ്വേയിൽ നൂറ്റാണ്ടിലെ കളിക്കാരനുള്ള മത്സരത്തിൽ ക്രൈഫ് മൂന്നാം സ്ഥാനം നേടി.[2]