മേഘനാഥ് സാഹ
From Wikipedia, the free encyclopedia
ജ്യോതിർഭൗതികത്തിന് (Astrophysics) നിസ്തുലമായ സംഭാവനകൾ നൽകിയ ഭാരതീയ ശാസ്ത്രജ്ഞനായിരുന്നു മേഘനാഥ് സാഹ (ഒക്ടോബർ 6, 1893 - ഫെബ്രുവരി 16, 1956). 'സാഹയുടെ താപ അയണീകരണ സമവാക്യം' (Saha's Thermo-lonisation equation) എന്നറിയപ്പെടുന്ന കണ്ടുപിടിത്തം ജ്യോതിർഭൗതികത്തിലെ ഒരു പ്രധാന സംഭാവനയായി കരുതുന്നു. ഒരു പദാർത്ഥം വളരെ ഉയർന്ന താപനിലയിലേക്കെത്തുമ്പോൾ, ഇതിന്റെ ഇലക്ട്രോണുകൾക്ക് ആറ്റത്തിന്റെ പുറത്തുകടക്കാനുള്ള ഊർജ്ജം ലഭിക്കും (അയണീകൃതമാകും). ഇങ്ങനെയുള്ള പ്രവർത്തനമാണ് താപഅയണീകരണം എന്നറിയപ്പെടുന്നത്. സൂര്യനുൾപ്പെടെയുള്ള നക്ഷത്രങ്ങളെക്കുറിച്ചുള്ള പഠനത്തിന് ഇത് പുതിയ ദിശാബോധം നൽകി. സാഹ സമവാക്യം ഉപയോഗിച്ച് നക്ഷത്രങ്ങളുടെ വർണരാജി അപഗ്രഥിച്ചാൽ അതിൻറെ താപനില അറിയാൽ സാധിക്കുമെന്നത് അസ്ട്രോഫിസിക്സിന്റെ വളർച്ചയുടെ നാഴികകല്ലായി.
വസ്തുതകൾ മേഘനാഥ് സാഹ, ജനനം ...
മേഘനാഥ് സാഹ | |
---|---|
ജനനം | (1893-10-06)6 ഒക്ടോബർ 1893 |
മരണം | 16 ഫെബ്രുവരി 1956(1956-02-16) (പ്രായം 62) |
ദേശീയത | ഇന്ത്യൻ |
കലാലയം | ധാക്ക കോളേജ് കൽക്കട്ട യൂനിവേഴ്സിറ്റി |
അറിയപ്പെടുന്നത് | താപീയ അയൊണീകരണം സാഹാ അയൊണീകരണ സൂത്രവാക്യം |
ശാസ്ത്രീയ ജീവിതം | |
പ്രവർത്തനതലം | ഭൗതികശാസ്ത്രം , ഗണിതം |
സ്ഥാപനങ്ങൾ | അലഹബാദ് സർവകലാശാല കൽക്കട്ട സർവകലാശാല ഇമ്പീരിയൽ കോളേജ് ലണ്ടൻ Indian Association for the Cultivation of Science |
അടയ്ക്കുക