ഇന്ത്യൻ അസോസിയേഷൻ ഫോർ ദി കൾട്ടിവേഷൻ ഓഫ് സയൻസ്
From Wikipedia, the free encyclopedia
ശാസ്ത്രത്തിൻറെ അത്യാധുനിക മേഖലകളിൽ ഉയർന്ന നിലവാരത്തിലുളള മൌലിക ഗവേഷണപഠനങ്ങൾക്ക് പ്രചോദനമാകാൻ 1876-ൽ കൊൽക്കത്തയിൽ സ്ഥാപിതമായ ഈ സ്ഥാപനം,ഐ.എ.സി.എസ്, കൾട്ടിവേഷൻ എന്നീ ചുരുക്കപ്പേരുകളിലും അറിയപ്പെടുന്നു. പരോപകാര തത്പരനായിരുന്ന മഹേന്ദ്ര ലാൽ സർക്കാറിൻറെയും സെൻറ് സേവിയേഴ്സ് കോളേജിലെ റെക്റ്ററും ശാസ്ത്രാധ്യാപകനുമായിരുന്ന ഫാ. യുജീൻ ലാഫോണ്ടിൻറെയും ശ്രമഫലമാണ് ഇന്ത്യൻ അസോസിയേഷൻ ഫോർ ദി കൾട്ടിവേഷൻ ഓഫ് സയൻസ്[1]. ഇതാണ് ഇന്ത്യയിലെ ആദ്യത്തെ ശാസ്ത്ര ഗവേഷണകേന്ദ്രം.ബാംഗ്ലൂരിലെ ഇന്ത്യൻ ഇൻസ്ററിട്ട്യൂട്ട് ഓഫ് സയൻസ് 1909 ലാണ് രൂപം കൊണ്ടത്. ഇവിടെ ഭൌതികശാസ്ത്രത്തിൽ ഗവേഷണം നടത്തവെയാണ് സി.വി. രാമൻ രാമൻ പ്രഭാവം (Raman Effect) കണ്ടുപിടിച്ച് നോബൽ പുരസ്കാരം നേടിയെടുത്തത്. ദക്ഷിണ കൊൽക്കത്തയിൽ ജാദബ്പൂർ യൂണിവേഴ്സിററിക്കു സമീപമായിട്ടാണ് 9.5 ഏക്കറുളള ഐ.എ.സി.എസ് കാംപസ്സ്. ഇന്ന് ഈ സ്ഥാപനം ശാസ്ത്ര സാങ്കേതിക വകുപ്പിൻറെ കീഴിലുളള സ്വയംഭരണസ്ഥാപനങ്ങളിലൊന്നാണ്.
![]() | |
തരം | ഗവേഷണ സ്ഥാപനം |
---|---|
സ്ഥാപിതം | 1876 |
ഡയറക്ടർ | പ്രൊഫ. കങ്കൺ ഭട്ടാചാര്യ |
സ്ഥലം | കോൽക്കത്ത, ഇന്ത്യ |
ക്യാമ്പസ് | നാഗരികം |
വെബ്സൈറ്റ് | www.iacs.res.in |