![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c1/Mohamed_Salah%252C_Liverpool_FC_gegen_1._FSV_Mainz_05_%2528Testspiel_23._Juli_2021%2529_26.jpg/640px-Mohamed_Salah%252C_Liverpool_FC_gegen_1._FSV_Mainz_05_%2528Testspiel_23._Juli_2021%2529_26.jpg&w=640&q=50)
മുഹമ്മദ് സലാ
ഈജിപ്ഷ്യൻ പ്രൊഫഷണൽ ഫുട്ബോൾ കളിക്കാരൻ / From Wikipedia, the free encyclopedia
പ്രീമിയർ ലീഗ് ക്ലബ്ബായ ലിവർപൂളിനും ഈജിപ്റ്റ് ദേശീയ ടീമിനും വേണ്ടി മുന്നേറ്റനിരയിൽ കളിക്കുന്ന ഒരു ഫുട്ബോൾ കളിക്കാരനാണ് മുഹമ്മദ് സലാ ഹമീദ് മഹ്രൂസ് ഗാലി (ഈജിപ്ഷ്യൻ അറബിക്: [mæˈħam.mæd sˤɑˈlɑːħ ˈɣæːli]; ജനനം: 15 ജൂൺ 1992). ലോകത്തിലെ ഏറ്റവും മികച്ച കളിക്കാരിലൊരാളായി കണക്കാക്കപ്പെടുന്ന അദ്ദേഹം[6][7][8] തന്റെ ഫിനിഷിംഗ്, ഡ്രിബ്ലിംഗ്, വേഗത എന്നിവയ്ക്ക് പ്രശസ്തനാണ്. [9][10]
![]() 2021ൽ മുഹമ്മദ് സലാ ലിവർപൂൾ എഫ്.സി | |||||||||||||||||||
Personal information | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
Full name | മുഹമ്മദ് സലാ ഹമീദ് മഹ്രൂസ് ഗാലി[1] | ||||||||||||||||||
Date of birth | (1992-06-15) 15 ജൂൺ 1992 (32 വയസ്സ്)[2] | ||||||||||||||||||
Place of birth | Nagrig, Basyoun, Egypt[3] | ||||||||||||||||||
Height | 1.75 m (5 ft 9 in)[4] | ||||||||||||||||||
Position(s) | Forward | ||||||||||||||||||
Club information | |||||||||||||||||||
Current team | Liverpool | ||||||||||||||||||
Number | 11 | ||||||||||||||||||
Youth career | |||||||||||||||||||
2004–2005 | Ittihad Basyoun[5] | ||||||||||||||||||
2005–2006 | Othmason Tanta[5] | ||||||||||||||||||
2006–2010 | Al Mokawloon | ||||||||||||||||||
Senior career* | |||||||||||||||||||
Years | Team | Apps | (Gls) | ||||||||||||||||
2010–2012 | Al Mokawloon | 38 | (11) | ||||||||||||||||
2012–2014 | Basel | 47 | (9) | ||||||||||||||||
2014–2016 | Chelsea | 13 | (2) | ||||||||||||||||
2015 | → Fiorentina (loan) | 16 | (6) | ||||||||||||||||
2015–2016 | → Roma (loan) | 34 | (14) | ||||||||||||||||
2016–2017 | Roma | 31 | (15) | ||||||||||||||||
2017– | Liverpool | 85 | (60) | ||||||||||||||||
National team‡ | |||||||||||||||||||
2010–2011 | Egypt U20 | 11 | (3) | ||||||||||||||||
2011–2012 | Egypt U23 | 11 | (4) | ||||||||||||||||
2011– | Egypt | 67 | (41) | ||||||||||||||||
Honours
| |||||||||||||||||||
*Club domestic league appearances and goals, correct as of 13:27, 10 November 2019 (UTC) ‡ National team caps and goals, correct as of 20:57, 6 July 2019 (UTC) |
2010 ൽ കെയ്റോയിലെ എൽ മൊകാവ്ലൂണിനൊപ്പം ഈജിപ്ഷ്യൻ പ്രീമിയർ ലീഗിൽ മുഹമ്മദ് സലാ തന്റെ കരിയർ ആരംഭിച്ചു.[11] അധികം താമസിക്കാതെ തന്നെ അദ്ദേഹം സ്വിറ്റ്സർലൻഡിലെ ബേസൽ ടീമിനൊപ്പം ചേർന്നു. ആദ്യ സീസണിൽ തന്നെ ലീഗ് കിരീടം നേടാൻ സഹായിക്കുകയും സാഫ് ഗോൾഡൻ പ്ലെയർ അവാർഡ് നേടുകയും ചെയ്തു. സലയുടെ പ്രകടനങ്ങൾ പിന്നീട് പ്രീമിയർ ലീഗ് ടീമായ ചെൽസിയെ ആകർഷിച്ചു, 2014 ൽ അദ്ദേഹം 11 ദശലക്ഷം പൗണ്ട് ഫീസിന് ക്ലബിൽ ചേർന്നു. എന്നാൽ, ആദ്യ സീസണിൽ സലയുടെ സേവനം അവർ പ്രയോജനപ്പെടുത്തിയില്ല എന്ന് മാത്രമല്ല, ഇറ്റാലിയൻ സീരി അ ക്ലബ്ബുകളായ ഫിയോറെന്റീന, റോമ എന്നിവർക്ക് വായ്പയെടുക്കാൻ അനുവദിക്കുകയും ചെയ്തു. ഒടുവിൽ റോമ 15 ദശലക്ഷം യൂറോയ്ക്ക് സലയുമായി കരാർ ഒപ്പിട്ടു.
മുഹമ്മദ് സലായുടെ സ്ഥിരതയുള്ള പ്രകടനം റോമയെ 2017 ൽ പോയിന്റ് നിലയിൽ രണ്ടാമതെത്തിച്ചു. ലിവർപൂളുമായി അന്നത്തെ റെക്കോർഡ് ട്രാൻസ്ഫർ തുകയായ 36.9 ദശലക്ഷം പൗണ്ട് കരാറിനെത്തുടർന്ന് സലാ പ്രീമിയർ ലീഗിൽ തിരിച്ചെത്തി. ഇംഗ്ലണ്ടിലേക്കുള്ള രണ്ടാംവരവിൽ അദ്ദേഹം ഒരു വിങ്ങർ എന്ന സ്ഥാനത്തു നിന്ന് ഒരു പൂർണ ഫോർവേഡ് എന്നനിലയിലേക്ക് മാറുകയും, വളരെ പെട്ടെന്ന് തന്നെ ടീമിന്റെ കേന്ദ്രബിന്ദുവായി തീരുകയും ചെയ്തു. 36 ലീഗ് മത്സരങ്ങളിൽ നിന്ന് 32 ഗോളുകൾ നേടി പ്രീമിയർ ലീഗ് ഗോൾഡൻ ബൂട്ട് പുരസ്കാരം സലാ നേടി. പിഎഫ്എ പ്ലേയേഴ്സ് പ്ലെയർ ഓഫ് ദ ഇയർ ഉൾപ്പെടെ നിരവധി വ്യക്തിഗത അംഗീകാരങ്ങൾ സലയുടെ പ്രകടനങ്ങൾക്ക് ലഭിച്ചു. 2018 ലെ മികച്ച ഫിഫ മെൻസ് പ്ലെയർ അവാർഡിലും അദ്ദേഹം മൂന്നാം സ്ഥാനത്തെത്തി. അടുത്ത സീസണിൽ, പ്രീമിയർ ലീഗിന്റെ ജോയിന്റ് ടോപ്പ് സ്കോറർ സ്ഥാനം നേടിയ അദ്ദേഹം യുവേഫ ചാമ്പ്യൻസ് ലീഗ് നേടാൻ ക്ലബ്ബിനെ സഹായിച്ചു.
അന്താരാഷ്ട്ര തലത്തിൽ, ഈജിപ്തിനെ യുവതലത്തിൽ പ്രതിനിധീകരിച്ച സലാ, ആഫ്രിക്ക അണ്ടർ 20 കപ്പ് ഓഫ് നേഷൻസ് ടൂർണമെന്റിൽ വെങ്കലമെഡൽ നേടാൻ ടീമിനെ സഹായിച്ചു. 2011ൽ ഫിഫ അണ്ടർ 20 ലോകകപ്പിൽ അദ്ദേഹം പങ്കെടുത്തു, അതേ വർഷം തന്നെ സീനിയർ ടീമിൽ അരങ്ങേറ്റം കുറിച്ചു. 2012 സമ്മർ ഒളിമ്പിക്സിലെ അദ്ദേഹത്തിന്റെ പ്രകടനത്തെ തുടർന്ന്. സിഎഎഫ് മോസ്റ്റ് പ്രോമിസിംഗ് ആഫ്രിക്കൻ ടാലന്റ് ഓഫ് ദ ഇയർ ആയി മുഹമ്മദ് സലാ തിരഞ്ഞെടുക്കപ്പെട്ടു.[12] അതിനുശേഷം, 2017 ൽ ആഫ്രിക്ക കപ്പ് ഓഫ് നേഷൻസിന്റെ ഫൈനലിൽ എത്താൻ ഈജിപ്തിനെ അദ്ദേഹം സഹായിച്ചു. കൂടാതെ 2018 ഫിഫ ലോകകപ്പിന് ടീമിനെ യോഗ്യത നേടാൻ നിർണായക പങ്കു വഹിക്കുകയും യോഗ്യതാറൗണ്ടിൽ ടോപ് സ്കോറർ ആവുകയും ചെയ്തു. സിഎഎഫ് ആഫ്രിക്കൻ ഫുട്ബോൾ ഓഫ് ദ ഇയർ, ബിബിസി ആഫ്രിക്കൻ ഫുട്ബോളർ ഓഫ് ദ ഇയർ എന്നീ നേട്ടങ്ങൾ കൈവരിച്ചിട്ടുള്ള സലാ[13][14] സിഎഎഫ് ടീം ഓഫ് ദി ഇയർ, ആഫ്രിക്ക കപ്പ് ഓഫ് നേഷൻസ് ടീം ഓഫ് ടൂർണമെന്റ് എന്നീ പട്ടികകളിലും ഇടം നേടി.[15][16]
മധ്യപൂർവ ഏഷ്യയിലെ സ്ത്രീ സമത്വത്തിന്റെ വക്താവ് കൂടിയായ മുഹമ്മദ് സലായെ ടൈം വാരിക ലോകത്തിലെ ഏറ്റവും സ്വാധീനമുള്ള 100 ആളുകളിൽ ഒരാളായി നാമകരണം ചെയ്തു.[17]