![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/84/%25D0%2592%25D0%25B5%25D0%25B6%25D0%25B0_%25D0%25B2%25D0%25B7%25D0%25B8%25D0%25BC%25D0%25BA%25D1%2583.jpg/640px-%25D0%2592%25D0%25B5%25D0%25B6%25D0%25B0_%25D0%25B2%25D0%25B7%25D0%25B8%25D0%25BC%25D0%25BA%25D1%2583.jpg&w=640&q=50)
മരിയുപോൾ
From Wikipedia, the free encyclopedia
മരിയുപോൾ (UK: /ˌmæriˈuːpɒl/, US: /ˌmɑːriˈuːpəl/ ⓘ; Ukrainian: Маріу́поль [mɐr⁽ʲ⁾iˈupolʲ] ⓘ; Russian: Мариу́поль റഷ്യൻ ഉച്ചാരണം: [mərʲɪˈupəlʲ] ) ഉക്രെയ്നിലെ പ്രിയസോവിയ മേഖലയിലെ കൽമിയസ് നദീ മുഖത്ത്, അസോവ് കടലിന്റെ വടക്കൻ തീരത്ത് സ്ഥിതിചെയ്യുന്ന ഒരു നഗരമാണ്. 2022-ലെ റഷ്യൻ അധിനിവേശത്തിൽ പിടിച്ചടക്കപ്പെടുന്നതിന് മുമ്പ്, 2021-ലെ സെൻസസ് പ്രകാരം, 431,859 ജനസംഖ്യയുള്ള ഉക്രെയ്നിലെ പത്താമത്തെ വലിയ നഗരവും ഡൊനെറ്റ്സ്ക് ഒബ്ലാസ്റ്റിലെ രണ്ടാമത്തെ വലിയ നഗരവുമായിരുന്നു ഇത്. റഷ്യയുടെ അധീനതയിലായ ശേഷമുള്ള ഇപ്പോഴത്തെ, ജനസംഖ്യ, ഉക്രേനിയൻ അധികാരികളിൽനിന്നുള്ള കണക്കുകൾ പ്രകാരം, 100,000-ൽ താഴെയാണ്.[3]
മരിയുപോൾ | |||||||
---|---|---|---|---|---|---|---|
City | |||||||
മുകളിൽ നിന്ന് താഴേക്കും ഇടത്തുനിന്ന് വലത്തോട്ടും:
| |||||||
| |||||||
Coordinates: 47°5′45″N 37°32′58″E | |||||||
Country | ![]() | ||||||
Oblast | ![]() | ||||||
Raion | Mariupol Raion | ||||||
Hromada | Mariupol urban hromada | ||||||
Founded | 1778 | ||||||
• Mayor | Vadym Boychenko[1] (Vadym Boychenko Bloc[1]) | ||||||
• ആകെ | 244 ച.കി.മീ.(94 ച മൈ) | ||||||
(2022) | |||||||
• ആകെ | <100,000 (per Ukraine) | ||||||
(after 2022 Russian siege and attacks) before this, the 2021 estimate was 431,859[2] | |||||||
Postal code | 87500—87590 | ||||||
ഏരിയ കോഡ് | +380 629 | ||||||
Climate | Hot summer subtype | ||||||
വെബ്സൈറ്റ് | mariupolrada | ||||||
City government website maintained in exile |
മരിയുപോൾ ഒരു വ്യാപാര, നിർമ്മാണകേന്ദ്രമെന്നതിലുപരി, ഉന്നത വിദ്യാഭ്യാസത്തിന്റെയും മറ്റ് വിവിധ വ്യവസായങ്ങളുടെ വികസനത്തിലും അതുപോലെതന്നെ കരിങ്കടൽ തീരത്തെ ഒരു റിസോർട്ട് ഏരിയ എന്ന നിലയിലും സുപ്രധാന പങ്ക് വഹിക്കുന്ന നഗരമാണ്. 1948 മുതൽ 1989 വരെയുള്ള കാലഘട്ടത്തിൽ, കമ്മ്യൂണിസ്റ്റ് നേതാക്കളുടെ പേരിൽ നഗരങ്ങളുടെ പേരുകൾ മാറ്റുന്ന സമ്പ്രദായത്തിൻറെ ഭാഗമായി, സോവിയറ്റ് പ്രവർത്തകനായ ആൻഡ്രി ഷ്ദനോവിന്റെ പേരിൽ നഗരം ഷ്ദാനോവ് എന്ന് പേരുമാറ്റം നടത്തി.[4] കാൽമിയസ്[5] എന്നറിയപ്പെടുന്ന ഒരു മുൻകാല കോസാക്ക് പാളയത്തിൻറെ സ്ഥലത്ത് സ്ഥാപിക്കപ്പെട്ട മരിയുപോളിന് 1778-ൽ നഗരമെന്ന സ്ഥാനം അനുവദിച്ചു. ഉക്രെയ്നിന്റെ വ്യവസായവൽക്കരണത്തിൽ ഈ നഗരം ഒരു സുപ്രധാന പങ്കുവഹിച്ചു. ധാന്യ വ്യാപാരത്തിൻറേയും ലോഹസംസ്കരണം, ഹെവി എഞ്ചിനീയറിംഗ് എന്നിവയുടേയും കേന്ദ്രമായിരുന്ന നഗരത്തിൽ ഇല്ലിച്ച് സ്റ്റീൽ & അയൺ വർക്ക്സ്, അസോവ്സ്റ്റൽ അയേൺ ആൻഡ് സ്റ്റീൽ വർക്ക്സ് എന്നിവയും സ്ഥിതിചെയ്യുന്നു.
2022 ൽ റഷ്യൻ, റഷ്യൻ അനുകൂല പ്രോക്സി സേനകൾ നഗരം ഉപരോധിക്കുകയും വലിയ തോതിൽ നശിപ്പിക്കുകയും ചെയ്തു. കനത്ത ചെറുത്തുനിൽപ്പ് നടത്തിയ നഗരത്തിന് ഉക്രെയ്നിലെ ഹീറോ സിറ്റി എന്ന പദവി ലഭിച്ചു.[6] 2022 മെയ് 16 ന്, റഷ്യ നഗരത്തിന്റെ പൂർണ്ണ നിയന്ത്രണം നേടിയതോടെ അസോവ്സ്റ്റൽ സ്റ്റീൽ പ്ലാന്റിൽ ശേഷിച്ച അവസാനത്തെ ഉക്രേനിയൻ സൈന്യവും കീഴടങ്ങി.[7]