ലെബണിലെ ബെയ്റൂട്ടിൽ നടന്ന അമോണിയം നൈട്രേറ്റ് സ്ഫോടന അപകടം From Wikipedia, the free encyclopedia
2020 ഓഗസ്റ്റ് 4 ന് ലെബനന്റെ തലസ്ഥാനമായ ബെയ്റൂത്ത് നഗരത്തിൽ ഒന്നിലധികം സ്ഫോടനങ്ങൾ നടന്നു. [1] [2] ബെയ്റൂത്ത് തുറമുഖത്ത് ഉണ്ടായ സ്ഫോടനത്തിൽ 207 പേർ മരിക്കുകയും, 6,500 ത്തിലധികം പേർക്ക് പരിക്കേൽക്കുകയും, കൂടാതെ നിരവധി പേരെ കാണാതാവുകയും ചെയ്തു. [3] [4] കഴിഞ്ഞ ആറ് വർഷമായി സർക്കാർ കണ്ടുകെട്ടുകയും തുറമുഖത്ത് സൂക്ഷിക്കുകയും ചെയ്ത ഏകദേശം 2,750 ടൺ വരുന്ന അമോണിയം നൈട്രേറ്റുമായി ബന്ധപ്പെട്ടാണ് സ്ഫോടനമെന്ന് ലെബനൻ ജനറൽ സെക്യൂരിറ്റി ഡയറക്ടർ ജനറൽ അറിയിച്ചു. [5] സ്ഫോടനം നൂറുകണക്കിന് ടൺ ടിഎൻടിയ്ക്ക് തുല്യമായ ഫലങ്ങൾ ഉളവാക്കിയതായി കരുതപ്പെടുന്നു.[6] ഇരുന്നൂറ് കിലോമീറ്റർ അകലെ സൈപ്രസിൽ വരെ ഇതിൻ്റെ പ്രതിധ്വനി ഉണ്ടായി.
![]() സ്ഫോടനത്തിന് ശേഷം
| ||
തിയതി | 4 ഓഗസ്റ്റ് 2020 | |
---|---|---|
സമയം | 18:08:18 EEST (15:08:18 UTC) (second explosion) | |
വേദി | Port of Beirut | |
സ്ഥലം | ബെയ്റൂത്ത്, ലെബനോൻ | |
നിർദ്ദേശാങ്കങ്ങൾ | 33.901°N 35.519°E | |
തരം | സ്ഫോടനം | |
മരണങ്ങൾ | 207+ | |
Non-fatal injuries | 6,500+ |
ആദ്യത്തേതും ചെറുതുമായ സ്ഫോടനത്തിൽ തീയുടെ മുകളിൽ ഒരു പുക മേഘം രൂപപ്പെടുകയും പടക്കങ്ങളോട് സാമ്യമുള്ള മിന്നുന്ന പ്രകാശം അവയുടെ ഉള്ളിൽ കാണപ്പെടുകയും ചെയ്തു. രണ്ടാമത്തെ സ്ഫോടനം പ്രാദേശിക സമയം 18:08:18 നാണ് സംഭവിച്ചത്. [7] ഇത് ബെയ്റൂട്ട് നഗരത്തെ പിടിച്ചുകുലുക്കി. ചുവന്ന നിറത്തിലുള്ള പൊടിപടലങ്ങൾ വായുവിലേക്ക് ഉയരുകയും ചെയ്തു. [8] രണ്ടാമത്തെ സ്ഫോടനം വടക്കൻ ഇസ്രായേലിലും 240 kilometres (150 miles) അകലെയുള്ള സൈപ്രസിലും അനുഭവപ്പെട്ടു. സ്ഫോടനത്തിൽ 3.3 തീവ്രത രേഖപ്പെടുത്തിയ ഭൂചലനമുണ്ടായെന്ന് യുണൈറ്റഡ് സ്റ്റേറ്റ്സ് ജിയോളജിക്കൽ സർവീസ് റിപ്പോർട്ട് ചെയ്തു.
സ്ഫോടനത്തിന്റെ കാരണം ഉടനടി നിർണ്ണയിക്കപ്പെട്ടിട്ടില്ല. [9] സ്ഫോടനം നടന്നത് ഒരു സ്ഫോടന സാമഗ്രികളുടെ വെയർഹൗസിലാണ്. എന്നാൽ മാധ്യമങ്ങൾ റിപ്പോർട്ട് ചെയ്യുന്നത് പ്രകാരം എണ്ണ സംഭരണ കേന്ദ്രത്തിലോ രാസവസ്തുക്കളുടെ സംഭരണ കേന്ദ്രത്തിലോ ആകാമെന്നാണ്. [1] [10] [11] നൈട്രേറ്റുകൾ, സ്ഫോടകവസ്തുക്കളും രാസവസ്തുക്കളും സംഭരിക്കുന്നഗോഡൗണുകൾ തുറമുഖത്തുണ്ടായിരുന്നു. [12] അമോണിയം നൈട്രേറ്റ് കണ്ടുകെട്ടുകയും വർഷങ്ങളോളം സൂക്ഷിക്കുകയും ചെയ്തതാണ് സ്ഫോടനത്തിന് കാരണമെന്ന് പബ്ലിക് സെക്യൂരിറ്റി ഡയറക്ടർ ജനറൽ അറിയിച്ചു. [13] അമോണിയം നൈട്രേറ്റ് മോൾഡോവ - ഫ്ലാഗുചെയ്ത ചരക്ക് കപ്പലായ എംവി റോസസുമായി ബന്ധപ്പെട്ടിരുന്നു, ഇത് എഞ്ചിൻ പ്രശ്നങ്ങളുമായി 2014 ൽ ബെയ്റൂട്ടിൽ എത്തിയതാണ്. [14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.