ഫോട്ടോഗ്രാഫ് 51 (നാടകം)
From Wikipedia, the free encyclopedia
നിരവധി പുരസ്കാരങ്ങൾ നേടിയ അന്ന സീഗ്ലറുടെ നാടകമാണ് ഫോട്ടോഗ്രാഫ് 51. 1952 മെയ് മാസത്തിൽ റോസലിൻഡ് ഫ്രാങ്ക്ളിന്റെ മേൽനോട്ടത്തിൽ റെയ്മണ്ട് ഗോസ്ലിംഗ് എടുത്ത എക്സ്-റേ ഡിഫ്രാക്ഷൻ ചിത്രത്തിന് നൽകിയ പേരായ ഫോട്ടോ 51 ൽ നിന്നാണ് നാടകത്തിന് തലക്കെട്ട് നൽകിയിരിക്കുന്നനത്.[1] ഡിഎൻഎയുടെ ഇരട്ട ഹെലിക്സ് ഘടന കണ്ടെത്തിയതിൽ കിംഗ്സ് കോളേജ് ലണ്ടനിൽ ജോലിചെയ്തിരുന്ന എക്സ്-റേ ക്രിസ്റ്റലോഗ്രാഫർ റോസലിൻഡ് ഫ്രാങ്ക്ലിന്റെ ശ്രദ്ധിക്കപ്പെടാതെപോയ പങ്കിലേക്ക് ഈ നാടകം കേന്ദ്രീകരിക്കുന്നു.[2] 2008 ൽ മേരിലാൻഡിലെ ആക്റ്റീവ് കൾച്ചേഴ്സ് തിയേറ്റർ മേരി റെസിംഗിന്റെ സംവിധാനത്തിൽ ഫോട്ടോഗ്രാഫ് 51 കമ്മീഷൻ ചെയ്യുകയും വികസിപ്പിക്കുകയും ലോക പ്രീമിയർ ആയി പ്രദർശിപ്പിക്കുകയും ചെയ്തു. ആ വർഷം, ബെസ്റ്റ് ന്യൂ പ്ലേയ്ക്കുള്ള 2008 ലെ സ്റ്റേജ് (Scientists, Technologists and Artists Generating Exploration) ഇന്റർനാഷണൽ സ്ക്രിപ്റ്റ് മത്സരത്തിലും ഇത് വിജയിച്ചു. മൈക്കൽ ഗ്രാൻഡേജിന്റെ സംവിധാനത്തിൽ വെസ്റ്റ് എന്റ് ലണ്ടനിലെ നോയൽ കവാർഡ് തിയേറ്ററിൽ 2015 സെപ്റ്റംബറിൽ ഈ നാടകം പ്രദർശനമാരംഭിച്ചു.[3] ഈ വൺ-ആക്റ്റ് പ്ലേ 95 മിനിറ്റ് നേരം ഇടവേളകളില്ലാതെ അവതരിപ്പിക്കപ്പെടുന്നു.
- ഈ നാടകവുമായി ബന്ധപ്പെട്ട യഥാർഥ സംഭവങ്ങളെക്കുറിച്ച് അറിയാൻ, ദയവായി ഫോട്ടോ 51 കാണുക.
Photograph 51 | |
---|---|
രചന | Anna Ziegler |
Characters |
|
Genre | Play |
Setting | King's College London London |