![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6f/Blausen_0470_HeartWall.png/640px-Blausen_0470_HeartWall.png&w=640&q=50)
പെരികാർഡിയം
From Wikipedia, the free encyclopedia
ഹൃദയത്തെ പൊതിഞ്ഞ് കാണപ്പെടുന്ന ഇരട്ടപാളികളുള്ള സ്തരമാണ് പെരികാർഡിയം. പെരികാർഡിയൽ സാക് (സഞ്ചി) എന്നും ഇതറിയപ്പെടുന്നു. വീനക്കാവകൾ (venecavas) (ഊർധ്വമഹാസിര, അധോമഹാസിര), ശ്വാസകോശധമനി, ശ്വാസകോശസിര, മഹാധമനി എന്നീ രക്തക്കുഴലുകളുടെ ചുവടുഭാഗങ്ങളേയും ഈ സഞ്ചി ഉൾക്കൊള്ളുന്നു. ഈ സഞ്ചിയ്ക്കുള്ളിലാണ് ഹൃദയം സ്ഥിതിചെയ്യുന്നത്. ഇരുശ്വാസകോശങ്ങൾക്കും ഇടയിലുള്ള മീഡിയാസ്റ്റിനം എന്ന സ്ഥാനത്ത് ഹൃദയത്തെ സുരക്ഷിതമായി ഈ സഞ്ചി പിടിച്ചുനിർത്തുന്നു.[1] ആന്തര തൊറാസിക് ധമനികളുടെ ശാഖകളായ പെരികാർഡിയോ-ഫ്രെനിക് ശാഖകളിൽ നിന്നാണ് പെരികാർഡിയത്തിനാവശ്യമായ രക്തം ലഭിക്കുന്നത്.[2]