പാൽ ചുരത്തൽ
From Wikipedia, the free encyclopedia
മുല ചുരത്തൽ അല്ലെങ്കിൽ പാൽ ചുരത്തൽ എന്നത് സസ്തനഗ്രന്ഥികളിൽ നിന്ന് പാൽ സ്രവിക്കുന്നതിനെയും അമ്മ തന്റെ കുഞ്ഞുങ്ങളെ പോറ്റാൻ മുലയൂട്ടുന്ന സമയത്തെയും വിവരിക്കുന്നു. ഈ പ്രക്രിയ സ്വാഭാവികമായും ലൈംഗിക പക്വതയുള്ള എല്ലാ പെൺ സസ്തനികളിലും സംഭവിക്കുന്നു. [1] എല്ലാ മൃഗങ്ങളിലും (മനുഷ്യർ ഉൾപ്പെടെ) പാൽ നൽകുന്ന പ്രക്രിയയെ നഴ്സിംഗ് എന്നും മനുഷ്യരിൽ മുലയൂട്ടൽ എന്നും വിളിക്കുന്നു. നവജാത ശിശുക്കൾ പലപ്പോഴും സ്വന്തം സ്തനകലകളിൽ നിന്ന് കുറച്ച് പാൽ ഉത്പാദിപ്പിക്കുന്നു, ഇത് മന്ത്രവാദിനിയുടെ പാൽ എന്നർഥം വരുന്ന വിച്ച്സ് മിൽക്ക് എന്നറിയപ്പെടുന്നു.
മിക്ക സ്പീഷിസുകളിലും, പാൽ ചുരത്തൽ ഒരു സ്ത്രീ അവളുടെ ജീവിതത്തിലെ ഏതെങ്കിലും ഘട്ടത്തിൽ ഗർഭം ധരിച്ചിരുന്നു എന്നതിന്റെ അടയാളമാണ്, എന്നിരുന്നാലും ഗർഭം കൂടാതെ ഇത് സംഭവിക്കാം. [2] മോണോട്രീമുകൾ ഒഴികെ (മുട്ടയിടുന്ന സസ്തനികൾ ആയ അവ മുലക്കണ്ണുകൾക്ക് പകരം വയറിലെ നാളങ്ങളിലൂടെ പാൽ പുറത്തുവിടുന്നു) മിക്കവാറും എല്ലാ സസ്തനികൾക്കും മുലക്കണ്ണുകൾ ഉണ്ട്. തെക്കുകിഴക്കൻ ഏഷ്യയിൽ നിന്നുള്ള ദയക് ഫ്രൂട്ട് ബാറ്റ് എന്ന ഒരേയൊരു ഇനം സസ്തനികളിൽ, പാൽ ഉൽപാദനം ഒരു സാധാരണ പുരുഷ പ്രവർത്തനമാണ്.
പാലുത്പാദനത്തിന്റെ പരിപാലനമാണ് ഗാലക്ടോപോയിസിസ്. ഈ ഘട്ടത്തിൽ പ്രോലക്റ്റിൻ ആവശ്യമാണ്. മുലകുടിക്കുന്നതിനോടുള്ള പ്രതികരണമായി മിൽക്ക് ലെറ്റ്-ഡൗൺ റിഫ്ലെക്സിന് ഓക്സിടോസിൻ നിർണായകമാണ്. നഴ്സിങ്ങുമായി ബന്ധമില്ലാത്ത പാൽ ഉൽപാദനമാണ് ഗാലക്റ്റോറിയ. ഹൈപ്പർപ്രോളാക്റ്റിനേമിയ പോലുള്ള ഹോർമോൺ അസന്തുലിതാവസ്ഥയുടെ ഫലമായി പല സസ്തനികളിലെയും പുരുഷന്മാരിലും സ്ത്രീകളിലും ഇത് സംഭവിക്കാം.