From Wikipedia, the free encyclopedia
ഒരു അമേരിക്കൻ ഗായികയും, ഗാനരചയിതാവും, പിയാനിസ്റ്റുമാണ് നോറ ജോൺസ് (ജനനം: ഗീതാലി നോറ ജോൺസ് ശങ്കർ, മാർച്ച് 30, 1979).[4] നിരവധി പുരസ്കാരങ്ങൾ കരസ്ഥമാക്കിയ അവരുടെ 50 ദശലക്ഷം റെക്കോർഡുകൾ ലോകമെമ്പാടുമായി വിറ്റഴിച്ചിട്ടുണ്ട്[5]. 2000-2009 ദശാബ്ദത്തിലെ ഏറ്റവും മികച്ച ജാസ് ഗായികയായി ബിൽബോർഡ് മാഗസിൻ നോറ ജോൺസിനെ തിരഞ്ഞെടുത്തു. ഒമ്പത് ഗ്രാമി പുരസ്കാരം നേടിയിട്ടുള്ള അവർ ബിൽബോർഡ് മാഗസിൻ തയാറാക്കിയ 2000-2009 ദശാബ്ദത്തിലെ മികച്ച കലാകാരന്മാരുടെ പട്ടികയിൽ അറുപതാം സ്ഥാനം നേടിയിരുന്നു.[6]
നോറ ജോൺസ് | |
---|---|
പശ്ചാത്തല വിവരങ്ങൾ | |
ജന്മനാമം | ഗീതാലി നോറ ജോൺസ് ശങ്കർ |
ജനനം | New York City, U.S. | മാർച്ച് 30, 1979
ഉത്ഭവം | Grapevine, Texas |
വിഭാഗങ്ങൾ | [1][2][3] |
തൊഴിൽ(കൾ) |
|
ഉപകരണ(ങ്ങൾ) |
|
വർഷങ്ങളായി സജീവം | 2001–present |
ലേബലുകൾ | Blue Note |
വെബ്സൈറ്റ് | norahjones |
2002 ൽ 'ജോൺസ് കം എവേ വിത് മീ' എന്ന സംഗീത ആൽബത്തിലൂടെയാണ് അവർ തൻ്റെ സംഗീത കരിയർ ആരംഭിച്ചത്. ജാസ്, കൺട്രി, പോപ്പ് എന്നിവ സംയോജിച്ചു പുറത്തിറക്കിയ ഈ ആൽബം 27 ദശലക്ഷം കോപ്പികൾ വിറ്റു, ഡയമണ്ട് പദവി നേടി.[7] ആൽബം ഓഫ് ദി ഇയർ, റെക്കോർഡ് ഓഫ് ദി ഇയർ, മികച്ച പുതുമുഖം ഉൾപ്പെടെ അഞ്ച് ഗ്രാമി പുരസ്കാരങ്ങൾ ഈ ആൽബം നേടി.[8] ഫീൽസ് ലൈക് ഹോം (2004), നോട്ട് ടൂ ലേറ്റ് (2007) എന്നിങ്ങനെ പിന്നീട് പുറത്തിറക്കിയ രണ്ടു ആൽബങ്ങളും ഒരു ദശലക്ഷം പകർപ്പുകൾ വീതം വിറ്റു, പ്ലാറ്റിനം പദവി നേടി.[9] നിരൂപകരും ഇവയെ പൊതുവെ നല്ലരീതിയിൽ സ്വീകരിച്ചു.[10] ജോൺസിന്റെ അഞ്ചാം സ്റ്റുഡിയോ ആൽബം, ലിറ്റിൽ ബ്രോക്കൺ ഹാർട്ട്സ്, 2012 ഏപ്രിൽ 27 നു പുറത്തിറങ്ങി. അവരുടെ ഏറ്റവും പുതിയ ആൽബം ഡേ ബ്രേക്സ്, ഒക്ടോബർ 7, 2016 ന് പുറത്തിറങ്ങി.[11] 2007 ൽ പുറത്തിറങ്ങിയ മൈ ബ്ലൂബെറി നൈറ്റ്സ്സിൽ എന്ന ചലച്ചിത്രത്തിലൂടെ ജോൺസ് സിനിമയിൽ തൻറെ അരങ്ങേറ്റം കുറിച്ചു.
ഇന്ത്യൻ സിത്താർ വിദഗ്ദ്ധനും സംഗീതജ്ഞനുമായ പണ്ഡിറ്റ് രവിശങ്കറിന്റെ മകളും, സംഗീതജ്ഞയായ അനൂഷ്ക ശങ്കറിന്റെ അർദ്ധ സഹോദരിയുമാണ് നോറ ജോൺസ്.
1979 മാർച്ച് 30 ന് ന്യൂയോർക്കിലെ ബ്രൂക്ലിനിൽ അമേരിക്കൻ സംഗീത മേളകളുടെ അവതാരക സ്യൂ ജോൺസിന്റേയും ഇന്ത്യൻ സംഗീതജ്ഞൻ രവി ശങ്കറിന്റേയും പുത്രിയായി ഗീതാലി നോറാ ജോൺസ് ശങ്കർ എന്ന പേരിൽ ജനിച്ചു.[12][13] അവിവാഹിതരായ മാതാപിതാക്കൾ 1986-ൽ വേർപിരിഞ്ഞപ്പോൾ, നോറ ടെക്സസിലെ ഗ്രേപ്പ്വൈനിൽ മാതാവിനോടൊപ്പം വളർന്നു. ഡാളസിലെ ബുക്കർ ടി. വാഷിംഗ്ടൺ ഹൈസ്കൂൾ ഫോർ ദ പെർഫോമിംഗ് ആന്റ് വിഷ്വൽ ആർട്സിലേയ്ക്കു മാറുന്നതിനു മുമ്പ് കോളിവില്ലെ മിഡിൽ സ്കൂളിലും ഗ്രേപ്പ്വൈൻ ഹൈസ്കൂളിലുമായി വിദ്യാഭ്യാസം ചെയ്തിരുന്നു. ഹൈസ്കൂളിൽ പഠിക്കുന്ന കാലത്ത് സ്കൂൾ ഗായകസംഘത്തിൽ അവർ പാടുകയും ബാൻഡിൽ പങ്കെടുക്കുകയും അൾട്ടോ സാക്സോഫോൺ എന്ന കുഴൽവാദ്യം വായിക്കുകയും ചെയ്തിരുന്നു. പതിനാറാമത്തെ വയസ്സിൽ, മാതാപിതാക്കളുടെ സമ്മതത്തോടെ, അവർ ഔദ്യോഗികമായി നോറാ ജോൺസ് എന്നു പേരുമാറ്റം നടത്തി.[14][15]
വർഷം | പരിപാടി | കഥാപാത്രം | കുറിപ്പുകൾ |
---|---|---|---|
2002, 2004 |
സാറ്റർഡേ നൈറ്റ് ലൈവ് | Herself / Musical Guest | "Robert De Niro/Norah Jones" (Season 28, Episode 7) "Colin Firth/Norah Jones" (Season 29, Episode 14) |
2002 | ടു വീക്സ് നോട്ടീസ് | Herself | Cameo |
2003 | ഡോളി പാർട്ടൺ: പ്ലാറ്റിനം ബ്ലോണ്ടെ | Herself | Cameo / TV documentary |
2003 | 100% NYC: ട്രിബേക്ക ഫിലിം ഫെസ്റ്റിവൽ | Herself | Cameo / TV documentary |
2004 | സെസമി സ്ട്രീറ്റ് | Herself | "Snuffy's Invisible, Part 1" (Season 35, Episode 13) |
2007 | മൈ ബ്ലൂബറി നൈറ്റ്സ് | Elizabeth (Lizzie/Beth) | Film Debut Nominated – Cannes Film Festival for Palme d'Or |
2007 | എൽവിസ്: വിവി ലാസ് വെഗാസ് | Herself | Cameo / TV documentary |
2008 | ലൈഫ്. സപ്പോർട്ട്. മ്യൂസിക് | Herself | Cameo |
2009 | വാഹ് ഡോ ഡെം | Willow | |
2009 | 30 റോക്ക് | Herself | "Kidney Now!" (Season 3, Episode 22) |
2009 | ടോണി ബെന്നെറ്റ്: ഡ്യൂയെറ്റ്സ് II | Herself | Cameo / TV movie |
2012 | ടെഡ് | Herself | |
2012 | VH1 സ്റ്റോറിടെല്ലേർസ് | Herself / Performance | |
2014 | ദേ കെയിം ടുഗദർ | Herself |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.