തിരുത്തൽ ലെൻസ്
From Wikipedia, the free encyclopedia
കാഴ്ച മെച്ചപ്പെടുത്തുന്നതിനായി സാധാരണയായി കണ്ണിന് മുന്നിൽ (കണ്ണടയിൽ ഉൾപ്പെടുത്തിയോ കോണ്ടാക്റ്റ് ലെൻസ് ആയൊ) ധരിക്കുന്ന ലെൻസാണ് തിരുത്തൽ ലെൻസ് എന്ന് അറിയപ്പെടുന്നത്. മയോപിയ, ഹൈപ്പർമെട്രോപിയ, ആസ്റ്റിഗ്മാറ്റിസം, പ്രെസ്ബയോപ്പിയ എന്നിവ പോലെയുള്ള റിഫ്രാക്റ്റീവ് പിശകുകൾ ചികിത്സിക്കുക എന്നതാണ് ഏറ്റവും സാധാരണമായ ഉപയോഗം. കണ്ണിനു മുന്നിൽ അൽപം അകലെയായി കണ്ണട ധരിക്കുന്നു. കോൺടാക്റ്റ് ലെൻസുകൾ കണ്ണിന്റെ ഉപരിതലത്തിൽ നേരിട്ട് വെക്കുന്നു. തിമിരം നീക്കം ചെയ്തതിനുശേഷം സാധാരണയായി കണ്ണിനുള്ളിൽ വെക്കുന്ന ഇൻട്രാഒക്യുലർ ലെൻസുകളുടെ മറ്റൊരു രൂപം, തിമിരം ഇല്ലാത്തവരിൽ കാഴ്ച വൈകല്യങ്ങൾ പരിഹരിക്കുന്നതിന് ഉപയോഗിക്കാറുണ്ട്.
ലെൻസ് എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ ലെൻസ് (വിവക്ഷകൾ) എന്ന താൾ കാണുക. |