തിടമ്പ്
From Wikipedia, the free encyclopedia
ക്ഷേത്രങ്ങളിൽ ശ്രീകോവിലിനു പുറത്ത് എഴുന്നള്ളിക്കുന്ന വിഗ്രഹമാണ് തിടമ്പ്. ഉത്സവാദി വിശേഷാവസരങ്ങളിൽ ദേവനെ (ദേവിയെ) പുറത്തുകൊണ്ടുവന്ന് ആഘോഷങ്ങളിൽ പങ്കുകൊള്ളിക്കുക, ഭക്തർക്ക് ദർശനസായൂജ്യം നൽകുക എന്നിവയാകാം ഇതിന്റെ പിന്നിലെ ഉദ്ദേശ്യം. ചില പ്രദേശങ്ങളിൽ തിടമ്പിന് ചട്ടം എന്നും പേരുണ്ട്. തിടമ്പ് ആനപ്പുറത്ത് എഴുന്നള്ളിക്കുമ്പോൾ ആലവട്ടം, വെൺചാമരം, മുത്തുക്കുട എന്നിവയുടെ അകമ്പടിയും ഉണ്ടാകാറുണ്ട്. സാക്ഷാൽ വിഗ്രഹം ശ്രീകോവിലിനു പുറത്ത് കൊണ്ടുവരിക അസാധ്യമായതിനാൽ എല്ലാ ക്ഷേത്രങ്ങളിലും എഴുന്നള്ളിക്കുന്നതിനുള്ള വിഗ്രഹം (തിടമ്പ്) ഉണ്ടായിരിക്കും. ശ്രീബലി വിഗ്രഹം (പ്രധാന വിഗ്രഹത്തിനു സമീപത്തായി ശ്രീകോവിലിൽ വച്ചു പൂജിക്കുന്ന ലോഹ വിഗ്രഹം) തിടമ്പിനുള്ളിൽ വച്ച് പ്രദക്ഷിണവും എഴുന്നള്ളത്തും നടത്തുന്ന രീതിയും ഉണ്ട്.
![Thumb image](http://upload.wikimedia.org/wikipedia/commons/thumb/2/24/Cheriyanad_Temple_Thidambu.jpg/320px-Cheriyanad_Temple_Thidambu.jpg)