ട്രാൻസ്മിഷൻ (മെഡിസിൻ)
From Wikipedia, the free encyclopedia
സംക്രമണം എന്ന പദത്തിന് വൈദ്യശാസ്ത്രം, പൊതുജനാരോഗ്യം, ജീവശാസ്ത്രം എന്നിവയിൽ, രോഗം ബാധിച്ച വ്യക്തിയിൽ നിന്നോ സമൂഹത്തിൽ നിന്നോ മുമ്പ് രോഗം ബാധിക്കാത്ത വ്യക്തിയിലേക്കോ സമൂഹത്തിലേക്കോ സാംക്രമിക രോഗത്തിന് കാരണമാകുന്ന ഒരു രോഗകാരിയെ കൈമാറ്റം ചെയ്യപ്പെടുക അല്ലെങ്കിൽ പ്രചരിപ്പിക്കുക, ചുരുക്കത്തിൽ രോഗപകർച്ച എന്നാണ് വിവക്ഷ.[1]
ഇനിപ്പറയുന്ന ഒന്നോ അതിലധികമോ മാർഗങ്ങളിലൂടെ രോഗകാരികളായ സൂക്ഷ്മജീവികൾ ഒരു വ്യക്തിയിൽ നിന്ന് മറ്റൊരാളിലേക്ക് നേരിട്ട് പകരുന്നതിനെയാണ് ഈ പദം കർശനമായി സൂചിപ്പിക്കുന്നത്:
- വായുവിലൂടെ - ചുമ, തുമ്മൽ, ശ്വസനം.
- വായുവിലൂടെ - രോഗി പോയതിനുശേഷവും വായുവിൽ രോഗാണുക്കളടങ്ങിയ വളരെ ചെറിയ വരണ്ടതും നനഞ്ഞതുമായ കണികകൾ നിലനിൽക്കാം. കണങ്ങളുടെ വലുപ്പം <5 μm .
- തുള്ളികളിലൂടെ - ചെറുതും സാധാരണയായി ഈർപമുള്ളതുമായ, രോഗാണുക്കൾ ഉള്ള കണികകൾ വായുവിൽ ഹ്രസ്വ സമയത്തേക്ക് തുടരും. സാധാരണയായി രോഗിയുടെ സാന്നിധ്യത്തിലാണ് പകർച്ച സംഭവിക്കുന്നത്. കണങ്ങളുടെ വലുപ്പം> 5 μm.
- നേരിട്ടുള്ള ശാരീരിക സമ്പർക്കം - ലൈംഗിക സമ്പർക്കം ഉൾപ്പെടെ രോഗബാധിതനായ ഒരു വ്യക്തിയുമായുള്ള സ്പർശം
- പരോക്ഷ ശാരീരിക സമ്പർക്കം - മണ്ണ് ( ഫോമൈറ്റ് ) ഉൾപ്പെടെയുള്ള മലിനമായ ഉപരിതലത്തിൽ സ്പർശിക്കുന്നതിലൂടെ.
- വിസർജ്യങ്ങളിൽനിന്ന്, വായ വഴി - തികച്ചും വൃത്തിഹീനമായ ചുറ്റുപാട്, ഭക്ഷണസമയത്ത് വൃത്തിയായായി കഴുകാത്ത കരങ്ങൾ, ശുചിത്വക്കുറവു കാരണം മലിനമായ ഭക്ഷണം, മലിനമായ ജലസ്രോതസ്സുകൾ മുതലായവ. പ്രധാനമായും കുട്ടികളിലാണ് ഇത്തരത്തിലുള്ള രോഗപകർച്ച കാണുന്നത്.
രോഗപകർച്ച പരോക്ഷമാകാം, ഉദാഹരണത്തിന് കൊതുക് അല്ലെങ്കിൽ ഈച്ചയിലൂടെ മനുഷ്യനിലേക്ക് പകരാം. അതല്ലെങ്കിൽ മറ്റൊരു മധ്യവർത്തിയിലൂടെയുമാകാം. ഉദാഹരണത്തിന് പന്നികളിലെ നാടവിര മനുഷ്യരിലേക്ക് പകരുന്നതിന് ഒരു കാരണം വേണ്ടപോലെ വേവിക്കാത്ത പന്നിയിറച്ചി കഴിക്കുന്നതു കൊണ്ടാണ് .
പരോക്ഷ രോഗപകർച്ച എന്നതിൽ സൂനോസിസും ഉൾപെടും. (മൃഗങ്ങളിൽ നിന്ന് മനുഷ്യരിലേക്കു സംക്രമിക്കുന്ന പകർച്ചവ്യാധികളെയാണ് സുനോസിസ് എന്ന പദം സൂചിപ്പിക്കുന്നത്). അതല്ലെങ്കിൽ സങ്കീർണ്ണമായ ജീവിത ചക്രങ്ങളുള്ള മാക്രോപാരസൈറ്റുകൾ വഴിയുമാവാം. രോഗപകർച്ച സംഭവിക്കുന്നത് ഒരേ സ്ഥലത്തു വസിക്കുന്ന രണ്ട് വ്യക്തികൾക്കിടയിലാവാം(Autochthonous) അല്ലെങ്കിൽ യാത്രക്കിടയിലാവാം.