From Wikipedia, the free encyclopedia
പ്രധാനമായും ഫിലിപ്പീൻസിൽ സംസാരിക്കപ്പെടുന്ന ഒരു ഭാഷയാണ് ടാഗലോഗ് . ഏകദേശം 22 ദശലക്ഷം ആളുകൾ ഈ ഭാഷ സംസാരിക്കുന്നുണ്ട്.[2]. ഫിലിപ്പീൻസിലെ ജനങ്ങളിൽ 30 ശതമാനത്തിന് ഇതു മാതൃഭാഷയും ബഹുഭൂരിപക്ഷവും ഈ ഭാഷ മനസ്സിലാകുന്നവരുമാണ്. [3] [4] ഫിലിപ്പീൻസിലെ നാലാം പ്രവിശ്യയിലേയും തലസ്ഥാനമായ മനിലാ നഗരപ്രദേശത്തേയും ഒന്നാം ഭാഷയായ ടാഗലോഗ് അതിന്റെ ഫിലിപ്പിനോ എന്നറിയപ്പെടുന്ന മാനകരൂപത്തിൽ ഫിലിപ്പീൻസിന്റെ ദേശീയഭാഷയും ഔദ്യോഗികഭാഷകളിൽ ഒന്നുമാണ്.
| Tagalog | |
|---|---|
| Native to |  Philippinesand a small number of the populations of  Australia Bahrain Brunei Canada Guam Hong Kong Japan Kuwait Malaysia Northern Mariana Islands Palau Qatar Saudi Arabia  Switzerland United Arab Emirates United Kingdom United States |
| Region | Central and South Luzon |
Native speakers | First language (in the Philippines): 22 million[1]
|
Austronesian
| |
| Latin (Tagalog or Filipino variant); Historically written in Baybayin | |
| Official status | |
Official language in | Philippines (in the form of Filipino) Recognized minority language Canada Hong Kong Malaysia United Kingdom United States |
| Regulated by | Commission on the Filipino Language |
| Language codes | |
| ISO 639-1 | tl |
| ISO 639-2 | tgl |
| ISO 639-3 | tgl |
 The locations where Tagalog is spoken. Red represents countries where it is an official language (as Filipino), maroon represents where it is recognized as a minority language, pink represents other places where it is spoken significantly. | |
മലയ, ജാവൻ, ഹവായിയൻ ഭാഷകൾ സംസാരിക്കുന്നവർക്ക് ടാഗലോഗ് എളുപ്പത്തിൽ ഗ്രഹിക്കാനാവുകയില്ലെങ്കിലും ആസ്ട്രോനേഷ്യൻ ഭാഷാഗോത്രത്തിലെ ഈ സഹോദരഭാഷകളുമായി അതിന് ഏറെ സാമാനതകളുണ്ട്.
താമസക്കാരൻ എന്നർത്ഥമുള്ള 'ടാഗ', നദി എന്നർത്ഥമുള്ള 'ഇലോഗ്' എന്നീ വാക്കുകൾ ചേർന്നാണ് ടാഗലോഗ് എന്ന പേരുണ്ടായത്. അതിനാൽ ഈ പേരിന് നദീവാസി എന്നാണർത്ഥം. ടാഗലോഗിന്റെ ചരിത്രത്തെക്കുറിച്ച് വളരെക്കുറച്ചു വിവരങ്ങൾ മാത്രമേ ലഭ്യമായുള്ളൂ. മദ്ധ്യഫിലിപ്പീൻസിലെ ഇതരഭാഷാ ജനവിഭാഗങ്ങളെപ്പോലെ ടാഗലോഗുകളും, ഫിലിപ്പീൻസിന്റെ തെക്കേയറ്റത്തെ ദ്വീപായ മിന്ദനാവോയുടെ വടക്കുകിഴക്കൻ ഭാഗത്തോ, മദ്ധ്യഫിലിപ്പീൻസിലെ കിഴക്കൻ വിസായ ദ്വീപുകളിലോ ഉത്ഭവിച്ചിരിക്കാമെന്ന് ഭാഷാശാസ്ത്രജ്ഞന്മാരായ ഡേവിഡ് സോർക്ക്, റോബെർറ്റ് ബ്ലസ്റ്റ് എന്നിവർ കരുതുന്നു.[5][6]
ടാഗലോഗ് ഭാഷ പ്രത്യക്ഷപ്പെടുന്ന ആദ്യത്തെ ലിഖിതരേഖ പൊതുവർഷം 900-ആണ്ടിലെ ലഗൂണാ ചെപ്പേട് ആണ്. ഇന്തോനേഷ്യയിലെ പഴയ കാവിലിപിയിൽ എഴുതപ്പെട്ട ചെപ്പേട്, ഫിലിപ്പീൻ ചരിത്രത്തിലെ ഒരു നിർണ്ണായകരേഖയാണ്. അതിൽ സംസ്കൃത, മലയൻ, ജാവൻ ഭാഷാപദങ്ങൾക്കൊപ്പം ടാഗലോഗ് ശകലങ്ങളും പ്രത്യക്ഷപ്പെടുന്നു.
ടാഗലോഗ് ഭാഷയിൽ എഴുതപ്പെട്ട ആദ്യത്തെ പുസ്തകം, 1593-ൽ പ്രസിദ്ധീകരിച്ച ക്രിസ്തീയവേദപാഠ സംഹിതയായ "ഡോക്ട്രിനാ ക്രിസ്റ്റിയാന" ആണ്. സ്പാനിഷ് ഭാഷയിൽ എഴുതപ്പെട്ട ആ കൃതിയുടെ ലത്തീൻ, ബേബായിൻ ലിപികളിലുള്ള രണ്ടു ഭാഷ്യങ്ങളാണ് പ്രസിദ്ധീകരിക്കപ്പെട്ടത്. സ്പാനിഷ് കോളണിവാഴ്ചയുടെ തുടക്കം വരെ ടാഗലോഗ് എഴുതാൻ ഉപയോഗിച്ചിരുന്ന 'ബയ്ബായിൻ' ലിപിയുടെ സ്ഥാനം കാലക്രമേണ റോമൻ ലിപി കൈയ്യടക്കി. പത്തൊൻപതാം നൂറ്റാണ്ടു വരെ, ടാഗലോഗ് എഴുതാൻ ബേബായിൻ ഉപയോഗിച്ചിരുന്നെങ്കിലും ഇന്ന് ആ ഭാഷയുടെ എഴുത്ത് മിക്കവാറും റോമൻ ലിപിയിൽ മാത്രമാണ്.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
