ഗ്രേലാഗ് ഗൂസ്
From Wikipedia, the free encyclopedia
ഗ്രേലാഗ് ഗൂസ് (Anser anser), അനറ്റിഡേ കുടുംബത്തിൽപ്പെട്ട ജലപക്ഷിയായ ഗൂസുകളിലെ ഏറ്റവും വലിയ സ്പീഷീസാണ്. അൻസെരിഫോർമിസ് നിരയിൽപ്പെടുന്ന താറാവിന്റെയും അരയന്നങ്ങളുടെയും ബന്ധുക്കളാണ് ഗൂസുകൾ. പേത്ത അഥവാ വാത്ത എന്നും പേരുണ്ട്. ഒരു ടൈപ് സ്പീഷസായ ഇതിന്റെ ജീനസ് നാമം ആൻസെർ ലാറ്റിനിൽ ഗൂസ് എന്നാണ്.[2] വൈൽഡ് ലൈഫ് ആൻഡ് കൺട്രി ആക്ട് പ്രകാരം ഷെഡ്യൂൾ 2 പട്ടികയിലുൾപ്പെടുത്തിയിട്ടുള്ള പക്ഷിയാണിത്. 1360 ബി.സി. കാലഘട്ടത്തിനുമുമ്പ് തന്നെ ഗൂസുകൾ വളർത്തുപക്ഷികളായിരുന്നു. പൂർണ്ണ വളർച്ചയെത്താത്ത തൂവൽ കൊഴിഞ്ഞ ഗൂസുകളുടെ വലിയ കൂട്ടം ബാൾട്ടിക് കടലിലെ ഗോട്ട്ലാൻഡിനടുത്തുള്ള റേനെ ദ്വീപിൽ കാണാറുണ്ട്. [3]
ഗ്രേലാഗ് ഗൂസ് | |
---|---|
ലണ്ടനിലെ സെൻറ് ജയിംസ് പാർക്കിലെ ഗ്രേലാഗ് ഗൂസ് (ഇംഗ്ലണ്ട്) | |
ശാസ്ത്രീയ വർഗ്ഗീകരണം | |
Domain: | Eukaryota |
കിങ്ഡം: | Animalia |
Phylum: | കോർഡേറ്റ |
Class: | Aves |
Order: | Anseriformes |
Family: | Anatidae |
Genus: | Anser |
Species: | A. anser |
Binomial name | |
Anser anser (Linnaeus, 1758) | |
Subspecies | |
| |
Green: breeding, orange: non-breeding, red: introduced | |
Synonyms | |
Anas anser Linnaeus, 1758 |
മധ്യ ഏഷ്യയ്ക്ക് കുറുകെയുള്ള ഭാഗങ്ങൾ ഒഴികെ യൂറോപ്പിലെ കൂടുതൽ പ്രദേശങ്ങളിലും ഇതിനെ കണ്ടുവരുന്നു. ഡെൻമാർക്ക്, ബ്രിട്ടൻ, സ്വീഡൻ എന്നീ പ്രദേശങ്ങളിൽ ഗ്രേലാഗ് ഗൂസ് ധാരാളം കാണുന്നതായി കണ്ടെത്തിയിട്ടുണ്ട്. മഞ്ഞുകാലത്ത് യൂറോപ്പിലും ഏഷ്യയിലും ഉള്ള പക്ഷികൾ ചൂടുള്ള പ്രദേശം തേടി തെക്കുഭാഗത്തേയ്ക്ക് ദേശാടനം നടത്തുന്നു. ചൂടുള്ള കാലാവസ്ഥ അന്വേഷിച്ചെത്തുന്ന ദേശാടനപക്ഷികൾ യൂറോപ്പിന്റെ തെക്കുപടിഞ്ഞാറൻ ഭാഗങ്ങളിലും, ആഫ്രിക്കയുടെ വടക്കുഭാഗങ്ങളിലും, വളരെ കുറച്ച് ഗൂസുകൾ കരിങ്കടലിന്റെയും കാസ്പിയൻ കടലിന്റെ ഭാഗങ്ങളിലുമായി കാണപ്പെടുന്നു. കാലാവസ്ഥ മാറുമ്പോൾ തിരിച്ചുള്ള ദേശാടനകാലം ജനുവരി മുതൽ ഏപ്രിൽ വരെയാണ്.[4]