ഗ്നൂ ലഘു സാർവ്വജനിക അനുവാദപത്രം
From Wikipedia, the free encyclopedia
ഗ്നു ലഘു സാർവ്വജനിക അനുമതിപത്രം (മുമ്പ് ഗ്നു ലൈബ്രറി സാർവ്വജനിക അനുമതിപത്രം) അല്ലെങ്കിൽ ഗ്നു എൽജിപിഎൽ (വെറും എൽജിപിഎൽ എന്നും പറയാറുണ്ട്.)എന്നത് ഒരു സ്വതന്ത്ര സോഫ്റ്റ്വെയർ അനുമതിപത്രമാണ്. സ്വതന്ത്ര സോഫ്റ്റ്വെയർ സമിതിയാണ് ഇതു പുറത്തിറക്കിയിരിക്കുന്നത്. കർശന പകർപ്പ് ഉപേക്ഷാ അനുവാദപത്രമായ ഗ്നൂ സാർവ്വജനിക അനുവാദപത്രത്തിൽ നിന്നും താരതമ്യേന കർശനമല്ലാത്ത ബിഎസ്ഡി അനുവാദപത്രം, എംഐടി അനുവാദപത്രം എന്നിവയോടുള്ള വിട്ടുവീഴ്ചയെന്ന നിലക്കാണ് ഗ്നൂ ലഘു സാർവ്വജനിക അനുവാദപത്രം പുറത്തിറക്കിയത്.
രചയിതാവ് | സ്വതന്ത്ര സോഫ്റ്റ്വെയർ സമിതി |
---|---|
പതിപ്പ് | 3 |
പ്രസാധകർ | സ്വതന്ത്ര സോഫ്റ്റ്വെയർ സമിതി |
പ്രസിദ്ധീകരിച്ചത് | ജൂൺ 29, 2007 |
ഡിഎഫ്എസ്ജി അനുകൂലം | Yes |
സ്വതന്ത്ര സോഫ്റ്റ്വെയർ | Yes |
ഓഎസ്ഐ അംഗീകൃതം | Yes |
ജിപിഎൽ അനുകൂലം | Yes |
പകർപ്പ് ഉപേക്ഷ | Yes |
മറ്റൊരു വ്യത്യസ്ത അനുമതിപത്രവുമായി കണ്ണി | Yes |
എൽജിപിഎല്ലിൽ പുറത്തിറക്കിയിരിക്കുന്ന പ്രോഗ്രാമിന് മാത്രമേ എൽജിപിഎൽ ബാധകമാവൂ. ആ പ്രോഗ്രാമുമായി ബന്ധപ്പെട്ട മറ്റു ലൈബ്രറികൾക്കോ പ്രോഗ്രാമ്മുകൾക്കോ എൽജിപിഎൽ ബാധകമല്ല. സാധാരണയായി സോഫ്റ്റ്വെയർ ലൈബ്രറികളാണ് എൽജിപിഎൽ ഉപയോഗിക്കാറ്. മോസില്ല ഫയർഫോക്സ്, ഓപ്പൺഓഫീസ്.ഓർഗ് എന്നിവ ഉദാഹരണങ്ങളാണ്.