ഗാൾ
From Wikipedia, the free encyclopedia
ചെടികളുടെയോ മൃഗങ്ങളുടെയോ കൂണുകളുടെയോ പുറം കലകളിലെ മുഴകളുടെ രൂപത്തിലുള്ള വളർച്ചകളാണ് ഗാൾ ( ലാറ്റിൻ galla, “oak-apple”) അല്ലെങ്കിൽ സെസിഡിയ (ഗ്രീക്ക് kēkidion). മൃഗങ്ങളിലെ അപകടകരമല്ലാത്ത മുഴകൾ പോലെ സസ്യങ്ങളിലെ കലകളുടെ അസ്വാഭാവികമായ വളർച്ചയാണ് ഗാളുകൾ. [1] പരാദങ്ങൾ, വൈറസുകൾ, കുമിൾബാധ, ബാക്റ്റീരിയ, മറ്റ് സസ്യങ്ങൾ, കീടങ്ങൾ, പുഴുക്കൾ എന്നിവയൊക്കെ സസ്യങ്ങളിലെ ഗാളുകൾക്ക് കാരണമാകാം. സസ്യങ്ങളിലെ ഗാളുകൾ വ്യക്തമായ രൂപസവിശേഷതകളുള്ളവയായതുകൊണ്ട് കാരണമായ ജീവിയെ തിരിച്ചറിഞ്ഞില്ലെങ്കിലും കാരണം കണ്ടെത്താൻ പ്രയാസമില്ല. സസ്യഗാളുകളെക്കുറിച്ചുള്ള പഠനത്തിന് സെസിഡോളജി എന്ന് പറയുന്നു.
മനുഷ്യരുടെ രോഗനിദാനശാസ്ത്രത്തിൽ ഉരസൽ കാരണമായി തൊലിപ്പുറമേ ഉയർന്നുനിൽക്കുന്ന ചെറിയ മുഴകളാണ് ഗാളുകൾ.[2]