കുഞ്ഞാലി മരയ്ക്കാർ IV
From Wikipedia, the free encyclopedia
പതിനാറാം നൂറ്റാണ്ടിലെ പ്രബല ഏഷ്യൻ തീര രാജ്യമായിരുന്ന കോഴിക്കോട് രാജ്യത്തിലെ അവസാന നാവിക മേധാവിയാണ് കുഞ്ഞാലി മരക്കാർ നാലാമൻ എന്ന പേരിൽ വിഖ്യാതനായ മുഹമ്മദ് അലി മരക്കാർ. ചീന മുതൽ യൂറോപ്പ് വരെ വീരഗാഥകൾ പ്രചരിപ്പിക്കപ്പെട്ടു പോന്നിരുന്ന ഈ യോദ്ധാവ് ‘എതിർത്ത് തോൽപ്പിക്കാനാവാത്ത വ്യാഘ്രം’ എന്ന വിശേഷ നാമത്താൽ ശത്രുക്കളാൽ പോലും പുകഴ്ത്തപ്പെട്ടവനാണ്.[1]
വസ്തുതകൾ മുഹമ്മദ് അലി മരക്കാർ, Nickname ...
മുഹമ്മദ് അലി മരക്കാർ | |
---|---|
Nickname | കുഞ്ഞാലി മരയ്ക്കാർ നാലാമൻ |
ജനനം | അലകാ കോട്ട, കോഴിക്കോട് രാജ്യം |
മരണം | 1600 പോർച്ചുഗീസ് ഗോവ |
ദേശീയത | കോഴിക്കോട് രാജ്യം |
വിഭാഗം | സാമൂതിരി സൈന്യം |
ജോലിക്കാലം | 1595 – 1600 |
പദവി | സമുദ്രാധിപതി |
യൂനിറ്റ് | മരയ്ക്കാർ സേന |
Commands held | സഹ സൈന്യാധിപൻ, (മരയ്ക്കാർ സേന) (1575/80–95)
|
അടയ്ക്കുക
മുൻഗാമിയാൽ അധികാര ചെങ്കോൽ കൈമാറപ്പെട്ടു, സ്വന്തം രാജാവിനാൽ ചതിക്കപ്പെട്ടു വീരമൃതുവിനിരയായി എന്നിവ മുഹമ്മദ് അലി മരക്കാരെ മറ്റു കുഞ്ഞാലിമാരിൽ നിന്നും വ്യത്യസ്തനാക്കുന്നു. പോർച്ചുഗീസ് തടവറയിലെ കൊടും പീഡനങ്ങളെ അതിജയിച്ചതും, അതിക്രൂരമായ രക്തസാക്ഷിത്വവും കുഞ്ഞാലി നാലാമനെ ചരിത്രത്തിലെ ചെന്താരകമായി കത്തിജ്വലിപ്പിക്കുന്നു. [2]