സാമൂതിരി പട
From Wikipedia, the free encyclopedia
ദക്ഷിണേഷ്യയിലെ മലബാർ തീരം കേന്ദ്രീകരിച്ചു പതിനൊന്നാം നൂറ്റാണ്ട് മുതൽ പതിനെട്ടാം നൂറ്റാണ്ടിന്റെ പകുതി വരെ നില നിന്നിരുന്ന പ്രബല രാജ്യമായ നെടിയിരുപ്പ് സ്വരൂപം അഥവാ കോയിൽ കുത്ത് (കോഴിക്കോട്) രാജ്യത്തിന്റെ സൈനിക വിഭാഗത്തെയാണ് സാമൂതിരി പട എന്ന് ചരിത്രത്തിൽ വിശേഷിപ്പിക്കപ്പെടുന്നത്. രാജാവിന്റെ അധികാര നാമം സാമൂതിരി എന്നതിനാലാണ് രാജ്യ സൈനിക വിഭാഗം സാമൂതിരി പട എന്നറിയപ്പെടുവാൻ കാരണം. സുവർണ്ണ കാലത്ത് കാലാൾ പട ,തുറ പട, നാവിക പട , പീരങ്കി പട എന്നിങ്ങനെ വ്യത്യസ്ത തലത്തിലുള്ള സൈനിക വിഭാഗങ്ങൾ ഇവർക്കുണ്ടായിരുന്നു. [1]