![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9f/Snellen_chart.svg/langml-640px-Snellen_chart.svg.png&w=640&q=50)
കാഴ്ച പരിശോധന ചാർട്ട്
From Wikipedia, the free encyclopedia
കാഴ്ച ശക്തി അളക്കാൻ നേത്രരോഗവിദഗ്ദ്ധർ, ഒപ്റ്റോമെട്രിസ്റ്റുകൾ, ഫിസിഷ്യൻമാർ അല്ലെങ്കിൽ നഴ്സുമാർ പോലുള്ള ആരോഗ്യ പരിപാലന വിദഗ്ധർ ഉപയോഗിക്കുന്ന ചാർട്ടുകളാണ് കാഴ്ച പരിശോധന ചാർട്ടുകൾ.
![]() കാഴ്ച ശക്തി അളക്കാൻ ഉപയോഗിക്കുന്ന സ്നെല്ലെൻ ചാർട്ട്. | |
Uses | കാഴ്ച പരിശോധന |
---|---|
Related items |
കാഴ്ച പരിശോധന ചാർട്ടിൽ നിന്ന് ഒരു നിശ്ചിത അകലത്തിലാണ് വ്യക്തി ഇരിക്കേണ്ടത്. ഇരുന്നതിന് ശേഷം വലിയതിൽ ആരംഭിച്ച് ക്രമേണ ചെറിയതിലേക്ക് എന്ന രീതിയിൽ ചാർട്ടിലെ അക്ഷരങ്ങൾ അല്ലെങ്കിൽ ചിഹ്നങ്ങൾ തിരിച്ചറിയാൻ വ്യക്തിയോട് പറയുന്നു. വിശ്വസനീയമായി തിരിച്ചറിയാൻ കഴിയുന്ന ഏറ്റവും ചെറിയ ചിഹ്നങ്ങൾ വ്യക്തിയുടെ കാഴ്ച ശക്തിയുടെ അളവ് ആയി കണക്കാക്കപ്പെടുന്നു.
സ്നെല്ലെൻ ചാർട്ട് ആണ് ഏറ്റവും വ്യാപകമായി ഉപയോഗിക്കപ്പെടുന്ന കാഴ്ച പരിശോധന ചാർട്ട്. കാഴ്ചശക്തിയുടെ കൂടുതൽ വ്യക്തമായ അളക്കലിന് സഹായിക്കുന്ന ലോഗ്മാർ ചാർട്ട്, അക്ഷര ജ്ഞാനം ഇല്ലാത്തവർക്കു കൂടി ഉപയോഗിക്കാൻ പറ്റുന്ന ലാൻഡോൾട്ട് സി ചാർട്ട്, ഇ ചാർട്ട്, കുട്ടികളുടെ കാഴ്ച ശക്തി അളക്കാൻ ഉപയോഗിക്കുന്ന ലിയ ടെസ്റ്റ്, ഗൊലോവിൻ-സിവ്സെവ് പട്ടിക, റോസെൻബാം ചാർട്ട്, ജെയ്ഗർ ചാർട്ട് എന്നിങ്ങനെ ഒരുപാട് തരത്തിലുള്ള കാഴ്ച പരിശോധന ചാർട്ടുകൾ ഉണ്ട്.