ഓസ്ട്രേലിയയിലെ സസ്യജാലം
From Wikipedia, the free encyclopedia
ഓസ്ട്രേലിയയിലെ സസ്യജാലങ്ങളിൽ 20,000 -ലധികം വാസ്കുലർ, 14,000 വാസ്കുലർ ഇതര സസ്യങ്ങൾ, 250,000 ഇനം ഫംഗസുകൾ, മൂവായിരത്തിലധികം ലൈക്കണുകൾ എന്നിവയുണ്ടെന്ന് കണക്കാക്കപ്പെടുന്നു. ഓസ്ട്രേലിയയിലെ സസ്യലതാദികൾക്ക് ഗോണ്ഡ്വാന സസ്യങ്ങളുമായി ശക്തമായ ബന്ധമാണ് ഉള്ളത്, കൂടാതെ കുടുംബതലത്തിന് താഴെയായി വളരെയധികം പ്രാദേശികമായ സപുഷ്പിസസ്യജാലങ്ങളുണ്ട്, ക്രിറ്റേഷ്യസ് മുതൽ കോണ്ടിനെന്റൽ ഡ്രിഫ്റ്റിന്റെയും കാലാവസ്ഥാ വ്യതിയാനത്തിന്റെയും ഫലമായി സസ്യവൈവിധ്യം രൂപപ്പെട്ടു. ഓസ്ട്രേലിയൻ സസ്യജാലങ്ങളുടെ പ്രധാന സവിശേഷതകൾ വരണ്ടതും തീയുമായുള്ള പൊരുത്തപ്പെടുത്തലുകളാണ്, അതിൽ സ്ക്ലെറോമോർഫി, സെറോടിനി എന്നിവ ഉൾപ്പെടുന്നു. വലിയതും അറിയപ്പെടുന്നതുമായ കുടുംബങ്ങളായ പ്രോട്ടീസിയ (ബാങ്സിയ), മൈർട്ടേസി (യൂക്കാലിപ്റ്റസ് - ഗം ട്രീ), ഫാബേസി (അക്കേഷ്യ - വാറ്റിൽ) എന്നിവയിൽ നിന്നുള്ള ഇനങ്ങളിൽ ഈ പൊരുത്തപ്പെടുത്തലുകൾ സാധാരണമാണ്.
50,000 വർഷങ്ങൾക്ക് മുമ്പ് മനുഷ്യരുടെ വരവും[2][3] 1788 മുതൽ യൂറോപ്യന്മാരുടെ കടന്നുവരവും സസ്യജാലങ്ങളെ സാരമായി ബാധിച്ചു. ആദിവാസികളുടെ അഗ്നി-സ്റ്റിക്ക് കൃഷിയുടെ ഉപയോഗം കാലക്രമേണ സസ്യജാലങ്ങളുടെ വിതരണത്തിൽ ഗണ്യമായ മാറ്റങ്ങൾക്ക് കാരണമായി, 1788 മുതൽ കാർഷിക മേഖലയ്ക്കും നഗരവികസനത്തിനുമായി സസ്യങ്ങളുടെ വലിയ തോതിലുള്ള പരിഷ്ക്കരണമോ നാശമോ മിക്ക ഭൂപ്രദേശ പരിസ്ഥിതി വ്യവസ്ഥകളുടെയും ഘടനയിൽ മാറ്റം വരുത്തി. 61 സസ്യജാതികളുടെ വംശനാശത്തിനും 1000 ത്തിലധികം വംശനാശഭീഷണികൾക്കും ഇതുകാരണമായി.