അലക്സാണ്ടർ ആറാമൻ മാർപ്പാപ്പ
From Wikipedia, the free encyclopedia
റോഡെറിക് ലാങ്കോൾ ഡി ബോർഹ എന്ന മുൻപേരുണ്ടായിരുന്ന അലക്സാണ്ടർ ആറാമൻ മാർപ്പാപ്പ (ജനനം: 1431 ജനുവരി 1) 1492 മുതൽ 1503 ആഗസ്ത് 18-ലെ മരണം വരെ, റോമൻ കത്തോലിക്കാസഭയുടെ തലവനായ മാർപ്പാപ്പ ആയിരുന്നു. നവോത്ഥാനകാലത്തെ മാർപ്പാപ്പാമാരിൽ ഏറ്റവും വലിയ വിവാദപുരുഷനായിരുന്നു അദ്ദേഹം. അദ്ദേഹത്തിന്റെ 'ബോർജാ' എന്ന കുടുംബനാമം അക്കാലത്ത് മാർപ്പാപ്പ സ്ഥാനത്തിനു സംഭവിച്ച മൂല്യച്യുതിയുടെ പര്യായമായിത്തീർന്നു.
അലക്സാണ്ടർ ആറാമൻ മാർപ്പാപ്പ | |
---|---|
സ്ഥാനാരോഹണം | 11 ആഗസ്റ്റ് 1492 |
ഭരണം അവസാനിച്ചത് | 18 ആഗസ്റ്റ് 1503 (11 വർഷം, 7 ദിവസം) |
മുൻഗാമി | ഇന്നെസന്റ് എട്ടാമൻ |
പിൻഗാമി | പീയൂസ് മൂന്നാമൻ |
വൈദിക പട്ടത്വം | 1468[1] |
മെത്രാഭിഷേകം | 30 ഒക്ടോബർ 1471 |
കർദ്ദിനാൾ സ്ഥാനം | 17 സെപ്തംബർ 1456 |
വ്യക്തി വിവരങ്ങൾ | |
ജനന നാമം | റോഡെറിക് ലാങ്കോൾ ഡെ ബോർജ |
ജനനം | (1431-01-01)1 ജനുവരി 1431 സാറ്റിവ, വാലെൻസിയാ രാജ്യം, അരഗോൺ |
മരണം | 18 ഓഗസ്റ്റ് 1503(1503-08-18) (പ്രായം 72) റോം, പേപ്പൽ ഭരണസീമ |
കബറിടം | സാന്താ മരിയ മോൺസെരാറ്റോ ഡെഗ്ലി സ്പാനോളി, റോം |
ദേശീയത | അരഗോൺ |
മാതാപിതാക്കൾ | ജോഫ്രെ ലാങ്കോൾ എസ്ക്രീവാ ഇസബെൽ ഡി ബോർജ |
കുട്ടികൾ |
|
വിദ്യാകേന്ദ്രം | ബൊളോഞ്ഞാ സർവകലാശാല |
Other Popes named അലക്സാണ്ടർ |
ക്രിസ്റ്റഫർ കൊളംബസിന്റെ സാഹസയാത്രകളുടെ ദശകത്തിൽ മാർപ്പാപ്പ ആയിരുന്ന സ്പെയിൻ സ്വദേശിയായ ഇദ്ദേഹമാണ്, യൂറോപ്പിനു കണ്ടുകിട്ടിയ 'നവലോകം' ആയി പരിഗണിക്കപ്പെട്ട പശ്ചിമാർത്ഥഗോളത്തിലെ ഭൂവിഭാഗങ്ങളുടേയും ജനതകളുടേയും മേലുമുള്ള കൊളോണിയിൽ അധികാരം സ്പെയിനിന് എഴുതിക്കൊടുത്ത "അതിർ-തീർപ്പു തിരുവെഴുത്ത്" (Bull of Demarcation) പുറപ്പെടുവിച്ചത്. മതജീവിതത്തിലും സഭാഭരണത്തിലും നടമാടിയിരുന്ന ലോകവ്യഗ്രതക്കും ഭോഗാസക്തിക്കും എതിരെ കലാപമുയർത്തിയ ഡൊമിനിക്കൻ സന്യാസി സവോനരോളയെ വിചാരണ ചെയ്തു വധിച്ചതും ഇദ്ദേഹത്തിന്റെ ഭരണത്തിൻ കീഴിൽ ആയിരുന്നു.
തന്റെ മകൻ സിസേർ ബോർജിയ, ഉൾപ്പെടെയുള്ള ബന്ധുക്കളെ സാഹായിക്കുന്നതിൽ ശ്രദ്ധവച്ച അതിരറ്റ സ്വജനപക്ഷപാതത്തിന്റെ പേരിൽ ഈ മാർപ്പാപ്പ പ്രത്യേകം അനുസ്മരിക്കപ്പെടുന്നു. 1501-ലെ "ചെസ്നട്ടുകളുടെ സദ്യ" (Banquet of the Chestnusts), മകൾ ലുക്രീഷ്യ ബോർജിയയുമായുണ്ടായിരുന്ന ബന്ധത്തിന്റെ സന്ദിഗ്ധസ്വഭാവം തുടങ്ങിയവയും ഇദ്ദേഹത്തിന്റെ പേരുമായി ബന്ധപ്പെട്ടു രേഖപ്പെടുത്തപ്പെട്ടിട്ടുണ്ടെങ്കിലും, അവയിൽ ചിലതൊക്കെ മതരാഷ്ട്രീയമേഖലകളിലെ ശത്രുക്കൾ പരത്തിയ കഥകളാണെന്നും വാദമുണ്ട്.