![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/73/Common_Crow_DSC_2542.jpg/640px-Common_Crow_DSC_2542.jpg&w=640&q=50)
അരളി ശലഭം
ദക്ഷിണേഷ്യയിൽ സർവ്വസാധാരണമായി കാണപ്പെടുന്ന ചിത്രശലഭം / From Wikipedia, the free encyclopedia
ദക്ഷിണേഷ്യയിൽ സർവ്വസാധാരണമായി കാണപ്പെടുന്ന ചിത്രശലഭമാണ് അരളി ശലഭം.[1][2][3][4][5] ഇംഗ്ലീഷിൽ Common Crow, Common Indian Crow, Australian Crow എന്നീ പേരുകളിൽ അറിയപ്പെടുന്നു. മലയാളത്തിൽ കാക്കപ്പൂമ്പാറ്റ എന്നും വിളിക്കാറുണ്ട്. കേരളത്തിൽ എല്ലാക്കാലത്തും കാണപ്പെടുന്ന ഈ ശലഭങ്ങളുടെ ചിറകുകൾക്ക് ഇരുണ്ട തവിട്ടു നിറമാണ്. ചിറകുകളുടെ പിൻഭാഗത്ത് ഇരുനിരകളായും ചിറകൊഴികെയുള്ള ശരീരഭാഗങ്ങളിലപ്പാടും വെളുത്തപൊട്ടുകൾ കാണാം.
വസ്തുതകൾ അരളിശലഭം, ശാസ്ത്രീയ വർഗ്ഗീകരണം ...
അരളിശലഭം | |
---|---|
![]() | |
അരളി ശലഭം. | |
ശാസ്ത്രീയ വർഗ്ഗീകരണം | |
കിങ്ഡം: | |
Phylum: | |
Class: | |
Order: | |
Family: | |
Subfamily: | Danainae |
Genus: | Euploea |
Species: | E. core |
Binomial name | |
Euploea core (Cramer, 1780) | |
അടയ്ക്കുക
ആൽവർഗ്ഗ സസ്യങ്ങൾ, നന്നാറി, ചെറിയ പാൽവള്ളി, വള്ളിപ്പാല, ഇലഞ്ഞി, പൊന്നരളി, അരളി, പാറകം, ചെറി എന്നീ സസ്യങ്ങളിലാണ് അരളി ശലഭങ്ങളുടെ ലാർവകളെ കണ്ടുവരുന്നത്. കൊങ്ങിണിപ്പൂ, ചെട്ടിപ്പൂ, കമ്യൂണിസ്റ്റ് പച്ച, നായ്ത്തുമ്പ തുടങ്ങിയ പൂക്കളിൽനിന്നും തേൻനുകരുന്ന ഈ ശലഭങ്ങൾ ചില ചെടികളുടെ നീരും കുടിക്കാറുണ്ട്.