അമേരിക്കൻ ഐക്യനാടുകളിലെ ലോകപൈതൃകകേന്ദ്രങ്ങൾ
From Wikipedia, the free encyclopedia
1972ലെ കൺവെൻഷൻ പ്രകാരം സാമൂഹികമായോ പാരിസ്ഥിതികമായോ ലോക പ്രാധാന്യമുള്ള പ്രദേശങ്ങളാണ് യുനെസ്കോയുടെ ലോക പൈതൃക പട്ടികയിൽ ഉൾപ്പെട്ടിരിക്കുന്നത്.[1] മേസാ വെർഡെ ദേശീയോദ്യാനം, യെല്ലോസ്റ്റോൺ ദേശീയോദ്യാനം എന്നിവയാണ് ലോകപൈതൃകപട്ടികയിൽ സ്ഥാനം നേടിയ യു.എസ്.എ-യിലെ ആദ്യ സ്ഥലങ്ങൾ. 1978 സെപ്റ്റംബർ 5 മുതൽ എട്ടുവരെ വാഷിംഗ്ടണിൽ വെച്ചുനടന്ന ലോക പൈതൃക കമിറ്റിയുടെ രണ്ടാം ഘട്ട സമ്മേളനകാലയളവിലാണ് പട്ടികയിൽ ഇവ ഇടം നേടിയത്.[2] 2015 വരെയുള്ള കണക്ക് പ്രകാരം, ഇന്ന് 23 ലോക പൈതൃക സ്ഥലങ്ങൾ യു.എസ്.എ-യിലുണ്ട്. ഏറ്റവും അടുത്തയിടെ പട്ടികയിൽ സ്ഥാനം നേടിയത് സാൻ ആനിനോ മിഷൻസ് ആണ്. 2015 ലായിരുന്നു ഇത്.
പതിനെട്ട് സംസ്ഥാനങ്ങളിലും രണ്ട് ഭൂവിഭാഗങ്ങളിലുമായാണ് ഈ 23 പൈതൃക കേന്ദ്രങ്ങൾ വിന്യസിക്കപെട്ടിട്ടുള്ളത്. കാലിഫോർണിയ, മൊണ്ടാന, ന്യൂ മെക്സിക്കോ, ഹവായ് തുടങ്ങിയ സംസ്ഥാനങ്ങളിൽ ഒന്നിലധികം പൈതൃക കേന്ദ്രങ്ങളുണ്ട്. അതേസമയം വാട്ടർടൻ ഗ്ലേസിയൻ ഇന്റർനാഷണൽ പീസ് പാർക്, സെന്റ് ഏലിയാസ് ഗ്ലേസിയർ ബേ എന്നി രണ്ടുകേന്ദ്രങ്ങൾ കാനഡയിലും ഉൾപ്പെടുന്നു.