Кралска академија на науките (шведски: Kungliga Vetenskapsakademien, KVA) — една од кралските академии во Шведска. Ова е независна и невладина научна организација со задача да ги поттикнува и поддржува науките, пред сè природните науки и математиката.
![]() | |
Гесло | att främja vetenskaperna och stärka deras inflytande i samhället (да се поттикнат науките и да се зајакне нивното влијание во општеството) |
---|---|
Основана | 2 јуни 1739 |
Седиште | Стокхолм, Шведска |
Членство | 1600 академици 175 странски членови |
Претседател | Сванте Линдквист |
Постојан секретар | Стафан Нормарк |
Мреж. место | kva.se |
![Thumb](http://upload.wikimedia.org/wikipedia/commons/thumb/a/aa/Main_building_of_the_Royal_Swedish_Academy_of_Sciences_%28Kungliga_Vetenskapsakademien%29%2C_Frescati%2C_Norra_Djurg%C3%A5rden%2C_Stockholm.jpg/640px-Main_building_of_the_Royal_Swedish_Academy_of_Sciences_%28Kungliga_Vetenskapsakademien%29%2C_Frescati%2C_Norra_Djurg%C3%A5rden%2C_Stockholm.jpg)
Академијата е основана на 2 јуни 1739 г. од славниот природонаучник Карл Линеј, меркантилистот Јонас Алстремер, конструкторот Мортен Тривалд, чиновниците Стен Карл Билке и Карл Вилхелм Кедерхилм и политичарот Андерс Јохан фон Хепкен.[1]
Академијата има за цел да посветува особено внимание на полезните сознанија и да објавува на шведски јазик за да ги распространи најзините наоди што пошироко меѓу населението. Создадена е со поинаква замисла од постарото Кралско научно друштво во Упсала (основано во 1719 г.), кое објавувало на латински јазик. Академијата е намерно сместена во центарот на градот, каде што биле најзастапени стопанските активности. Како пример послужиле Кралското друштво во Лондон и Кралската академија на науките во Париз.
Во рамките на установата постојат комитети за доделување на меѓународни награди:
- Нобелови награди за физика и хемија[2]
- Нобелова награда за економија[3]
- Крафордови награди за астрономија и математика, геонауки, бионауки (со задршка на екологија) и полиартритис[4]
- Ролф Шокови награди за логика и филозофија[5]
- Награда „Грегори Арминоф“ за кристалографија[6]
- Медал „Оскар Клајн“
и државни награди:[7]
- Награда „Јеран Густафсон“ за истражни трудови во природните науки и медицината
- Седербергова награда за економија или правни науки
- Награда „Таге Ерландер“ за физика, хемија, технологија и биологија
- Награди „Ингвар Линдквист“ за наставници од областа на физиката, хемијата, биологијата и математиката.
Пишани изданија
![Thumb](http://upload.wikimedia.org/wikipedia/commons/thumb/a/a8/Vetenskapsakademiens_handlingar_1750_front.jpg/320px-Vetenskapsakademiens_handlingar_1750_front.jpg)
Ова се тековните научни списанија на академијата:
- Ambio (1972-)
- Acta Mathematica (1882-)
- Arkiv för matematik (1949-; од 1903 до 1949 под друг наслов, каде се опфаќале и физиката и астрономијата)
- Acta Zoologica (1920-)
- Levnadsteckningar över Vetenskapsakademiens ledamöter (1869-) - биографии на починати академици
- Physica Scripta (1970-) - заедно со Норвешката академија на науките и книжевноста
- Porträttmatrikel (1971-) - портрети на тековни членови
- Zoologica Scripta (1972-) - заедно со Норвешка академија на науките и книжевноста
- ETAI (1997-)
Поврзано
![Thumb](http://upload.wikimedia.org/wikipedia/commons/thumb/c/c8/Nobel2008Chemistry_news_conference0.jpg/640px-Nobel2008Chemistry_news_conference0.jpg)
Наводи
Надворешни врски
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.