Шведска академија

Шведска академија (шведски: Svenska Akademien) — една од кралските академии во Шведска, одговорна за јазикот и книжевноста. Сместена е во зградата позната како „Стокхолмска берза“.

Шведска академија
Svenska Akademien

Зградата на Шведската академија во Стокхолм
Гесло	Snille och Smak („Дарба и вкус“)
Основана	1786
Седиште	Стокхолм, Шведска
Членство	18
Постојан секретар	Петер Енглунд
Мреж. место	svenskaakademien.se

Историја

Академијата е основана во 1786 г. со повелба на кралот Густав III. Заснована е на Француската академија и брои 18 члена. Нејзиното гесло гласи „Дарба и вкус“ (Snille och Smak). Главна задача на академијата е да ја зачува „чистотата, силата и возвишеноста на шведскиот јазик“ ^[1]. За таа цел академијата издава два речника.^[2]

Првиот е еднотомен речник наречен „Поимик на Шведската академија“ (Svenska Akademiens ordlista, SAOL). Вториот е повеќетомен речник, чие уредување се врши во духот на Оксфордскиот речник, и го носи насловот „Речник на Шведската академија“ (Svenska Akademiens ordbok, SAOB). „Поимникот“ е веќе во XIII издание, а „Речникот“ постојано се издава од 1898 г. наваму.

Почнувајќи од 1901 г. академијата ја доделува Нобеловата награда за литература, во спомен на нејзиниот покровител Алфред Нобел. Покрај ова, установата ја доделува и Доблоуговата награда за шведска и норвешка белетристика.^[3][4]

Тековни членови

Моментален постојан секретар на академијата е Петер Енглунд. Членовите се наведени по број на место (седиште):

Место	Член	Род.	Избр.	Белешки
1.	Лота Лотас	1964	2009
2.	Бу Ралф	1945	1999
3.	Стуре Ален	1928	1980	постојан секретар од 1986 до 1999
4.	Андерс Олсон	1949	2008
5.	Јеран Малмквист	1924	1985
6.	Томас Ријад	1959	2011	активен од 20 декември 2011
7.	Кнут Анлунд	1923	1983	неактивен
8.	Јеспер Свенбро	1944	2006
9.	Торгни Линдгрен	1938	1991
10.	Петер Енглунд	1957	2002	тековен постојан секретар 2009-
11.	Улф Линде	1929	1977
12.	Пер Вестберг	1933	1997
13.	Гунел Валквист	1918	1982
14.	Кристина Лугн	1948	2006
15.	Керстин Екман	1933	1978	неактивна
16.	Шел Еспмарк	1930	1981
17.	Хурасе Енгдал	1948	1997	постојан секретар од 1999 до 2009
18.	Катарина Фростенсон	1953	1992

Поврзано

• Нобелова награда за литература
• Доблоугова награда
• Кралски академии во Шведска
• Членови на Шведската академија (сегашни и минати)

Наводи

1. "Svenska Språkets renhet, styrka och höghet" (Walshe, 1965)
2. Шведска академија - Голем норвешки лексикон (норвешки)
3. Доблоугова награда Архивирано на 16 октомври 2008 г. - Шведска академија (шведски)
4. Доблоугова награда - Голем норвешки лексикон (норвешки)

Литература

• Walshe, Maurice O'Connell (1965). "Introduction to the Scandinavian Languages", Andre Deutsch Ltd., I изд, стр. 57

Надворешни врски

• Шведска академија (шведски) (англиски)

59°19′31″N 18°4′14″E