Црква „Св. Петар и Павле“ - Кичево

Свети Апостоли Петар и Павле е главната градска црква во Кичево.^[1] Според податоците, таа е изградена на почетокот на дваесеттиот век, но на темели од постара црква. Нејзиното целосно обновување е извршено во 1974/75 година, кога го добива денешниот изглед. Обновувањето на иконите го извршил Кузман Фрчкоски од Галичник. Иконостасот е изработен во периодот на градењето на црквата, а иконите на него се од 1925/26 година. Во понов период, поради настанатите потреби, изграден е нов придружен објект, во кој се наоѓаат црковна трпезарија, крстилница и административни простории за свештениците. Црквата е главна парохиска црква на Првата кичевска парохија. По повод 100 години од изградбата на црквата, во 2010 година била издадена монографија со наслов „Црква на светите апостоли Петар и Павле во Кичево“ од страна на Сашо Цветковски. Исто така, тогаш е осветен новиот иконостас, изработен по повод јубилејот на храмот.

Извештај за развојот на црковното прашање во Кичево, во периодот од 1831 година, кога е подигната од Петар Брушки и Илија Бела Цветиќ, до 1911 година. (14 ноември 1911)

Свети Апостоли Петар и Павле
Поглед кон црквата
македонска православна црква
Епархија	Дебарско-кичевска
Архијерејско намесништво	Кичевско
Парохија	Прва кичевска
Местоположба
Место	Кичево
Општина	Кичево
Држава	Македонија
Општи податоци
Покровител	Апостол Петар и Апостол Павле
Изградба	1907
Архитектонски опис

Поврзано

• Црква „Св. Кирил и Методиј“ - другата градска црква. Во изградба;
• Прва кичевска парохија
• Кичево

Наводи

1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.

Надворешни врски

• Црква „Св. Петар и Павле“ - Кичево на Ризницата ^?
• Петте средновековни цркви во Кичево
• ХРАМОТ ЦЕНТРАЛНА ГРАДБА ВО ГРАДОТ^{[мртва врска]}