Црква „Покров на Пресвета Богородица“ - Цера

Покров на Пресвета Богородица – манастирска црква на манастирот Еленец.^[1]

Покров на Пресвета Богородица
Поглед на црквата
македонска православна црква
Епархија	Брегалничка
Архијерејско намесништво	Кочанско
Парохија	Оризарска
Местоположба
Координати	42°03′50.7″N 22°31′01.4″E
Место	Цера
Општина	Македонска Каменица
Држава	Македонија
Општи податоци
Покровител	Богородица Марија
Завршено	1880
Архитектонски опис

Историја

Црквата била изградена врз темелите на постар објект во 1880 година. манастирот во 20 век. Подоцна била срушена и обновена.^[2]

Архитектура

Градбата на црквата претставува крстокуполен храм со сложена аритектура. Таа има три осумаголни куполи коишто се распоредени во правец исток-запад, а од нив средната е малку поголема и е изградена повисоко. На источната страна, црквата има полукружна апсида, додека на останатите страни има по еден влез, а главниот е сместен на западната страна. Пред главниот влез е дограден трем над којшто се издига камбанаријата. Таа се состои од два дела. Долниот дел е повисок и има квадратна основа, а на секоја страна во висина на ѕвоното има по една монофора. Горниот дел е со помала осумаголна основа, а на секоја страна има по една мала монофора. Над споредните влезови од јужната и северната страна има по две монофори коишто се одвоени со слепа ниша. Црквата во целост е обоена во бела боја и е покриена со скалест кров од ќерамиди. Внатрешноста на црквата не е зографисана, а иконостасот се состои од два реда.

Во непосредна близина на црквата има помошен објект и чешма коишто се изградени од камен.

Галерија

• 
  Куполите однадвор
• 
  Куполите одвнатре
• 
  Камбанаријата со куполите
• 
  Јужната страна
• 
  Главниот влез
• 
  Јужниот влез
• 
  Северниот влез
• 
  Апсидата
• 
  Јужната страна од тремот
• 
  Дрвена табла на тремот
• 
  Камбанаријата
• 
  Внатрешноста на црквата
• 
  Иконостасот
• 
  Чешмата
• 
  Помошниот објект

Поврзано

• Еленец
• Цера
• Оризарска парохија
• Брегалничка епархија
• Кочанско архијерејско намесништво

Наводи

1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 32. ISBN 978-608-65143-2-7.
2. Ш., Љ.. „Еленец ја враќа надежта во подзаборавената Цера Архивирано на 8 февруари 2021 г.“. ММС. 14 август 2018.

Надворешни врски

• Црква „Покров на Пресвета Богородица“ - Цера на Ризницата ^?