Тромеѓа (село)

Тромеѓа — село во Општина Куманово на растојание од 4 км од градот Куманово.

Тромеѓа
Тромеѓа Местоположба на Тромеѓа во Македонија Тромеѓа на карта
Координати 42°8′3″N 21°45′54″E
Општина	Куманово
Население	1.187 жит. (поп. 2021)[1]
Шифра на КО	17102
Тромеѓа на општинската карта Атарот на Тромеѓа во рамките на општината

Историја

Стопанство

Население

Население во минатото

Година Нас. ±% 1948 739 —     1953 856 +15.8% 1961 1.022 +19.4% 1971 1.054 +3.1% 1981 1.165 +10.5%	Година Нас. ±% 1991 1.297 +11.3% 1994 1.291 −0.5% 2002 1.298 +0.5% 2021 1.187 −8.6%

Според германска карта издадена во 1941 година, а заснована на пописот на Кралство Југославија во 1931 година, селото имало 450 Македонци.^[2]

Во 2002 година во селото живееле 1.298 жители, од кои 692 Македонци, 604 Срби и 2 останати.^[3]

Според последниот попис од 2021 година, во селото живееле 1.187 жители, од кои 757 Македонци, 1 Влав, 389 Срби, 6 останати и 34 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	—	—	739	856	1.022	1.054	1.165	1.297	1.291	1.298	1.187

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Родови

Тромеѓа е мешано село

Според истражувањата од 1966 година, родови во селото се:

Српски

• Стрике (4 к.) доселени се од селото Плашко во Лика (Хрватска). Свилари (2 к.) и Ханиќи (1 к.) доселени се од селото Пеќана во Лика. Крајиновиќи (2 к.) доселени се од селото Читлук во Лика. Мандиќи (1 к.) доселени се од селото Јошани во Лика. Ралиќи (1 к.) доселени се од селото Мочила во Лика. Сите се познати под името Личани.
• Дојчиновиќи (3 к.), Манчиќи (1 к.) и Костиќи (1 к.) доселени се од селото Завој кај Пирот. Симоновиќи (3 к.) доселени се од селото Вучје кај Пирот. Сите се познати и под името Пироќани.
• Ѓорѓевиќи (3 к.) доселени се од Големо Села кај Врање. Симиќи (2 к.) доселени се од селото Лукарце кај Врање. Познати се и под името Врањанци.
• Стајиќи (5 к.), Павловиќи (3 к.), Пауновиќи (2 к.), Милковиќи (2 к.) и Козједољани (12 к.) доселени се од Козји Дол во Горна Пчиња. Станојковиќи (3 к.) доселени се од селото Јабланце во Горна Пчиња. До овде наведените српски родови се доселени помеѓу 1920/23 г.
• Козједолчани (80 к.) доселени се од Горни и Долни Козји Дол во Горна Пчиња во текот на Втората светска војна и подоцна.

Македонски

• Таневски (6 к.) доселени се од селото Суви Дол близу Страцин кај Кочани. Јовановски (4 к.) доселени се од селото Герман кај Крива Паланка. Тасиќи (7 к.), Величковиќи (4 к.), Младеновски (3 к.) и Димитријевски (1 к.) доселени се од селото Дејловце. Козјачани (13 к.) доселени се од селата на планината Козјак. Паланчани (13 к.) доселени се од разни села во Кривопаланечко.^[9]

Општествени установи

Спорт

Во селото игра фудбалскиот клуб „Победа“, основан во 1977 г. Има играно во Третата лига — Север. Моментално учествува во Општинската фудбалска лига Куманово.

Редовни настани

Личности

Иселеништво

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. „200K Volkstumskarte Jugoslawien“.
3. Попис на населението, домаќинствата и становите во Република Македонија, 2002 - Книга X
4. „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
5. К’нчов, Васил. „Македонија. Етнографија и статистика“. Софија, 1900
6. Brancoff, D.M. „La Macédoine et sa Population Chrétienne“. Paris, 1905.
7. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
8. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
9. Трифуноски, Јован (1974). Кумановска област. Скопје.

Надворешни врски