Тестенина

Тестенини – смеса од брашно и вода на која понекогаш ѝ се додаваат јајца. Тестенините се обликуваат без процес на ферментација и може да се користат свежи или сушени. Доколку се сушат, истото се врши сè до постигнување на потребната содржина на влага. Основни суровини за производство на тестенини се брашно и вода, а додатни суровини се јајца, млеко, концентрати, разни зеленчуци и зачини.

Тестенини

Разни тестенини
Вид	Главна состојка за многу јадења
Место на потекло	Италија
Главни состојки	пченично брашно, вода
Варијанти	оризови тестенини

Тестенини, варени, незбогатени, несолени

Хранлива вредност на 100 г
Енергија	660 kJ (160 kcal)
Јаглехидрати	30,9 g
Скроб	26,0 g
Шеќери	0,6 g
Влакна	1,8 g
Масти	0.9 g
Белковини	5,8 g
Витамини
Тиамин (Б1)	(2 %) 0,02 мг
Рибофлавин (Б2)	(2 %) 0,02 мг
Ниацин (Б3)	(3 %) 0,4 мг
Пантот. кис. (Б5)	(2 %) 0,11 мг
Витамин Б6	(4 %) 0,05 мг
Фолна кис. (Б9)	(2 %) 7 μг
Витамин Ц	(0 %) 0 мг
Витамин Е	(0 %) 0,06 мг
Минерали
Калциум	(1 %) 7 мг
Железо	(4 %) 0,5 мг
Магнезиум	(5 %) 18 мг
Манган	(15 %) 0,32 мг
Фосфор	(8 %) 58 мг
Калиум	(1 %) 44 мг
Натриум	(0 %) 1 мг
Цинк	(5 %) 0,5 мг
Други состојки
Вода	62 g
Link to USDA Database entry
Единици μг = микрограми • мг = милиграми МЕ = меѓународни единици
Постотоците се приближно пресметани според препораките за возрасни лица во САД. Извор: База за хранливост — USDA

Кога се сушени, тестенините може долго да се чуваат без промена на нивниот квалитет и особини. Нивната трајност е 1,5 година и повеќе.

Особини

Основни особини на тестенините се:

• мала хигроскопичност која придонесува да се чуваат долго без промена на вкусот, мирисот и употребната вредност,
• брзо и лесно се приготвуваат за јадење,
• лесна и голема сварливост.

Поделба[1]

Според начинот на производство тестенините се делат на:

• пресувани – се добиваат со пресување на тестото низ отвор на преса, и во зависност од обликот на отворот се добиваат облиците на тестенините
• сечени – се добиваат со валање или пресување на тестото при што се добиваат прави ленти, нивно истенчување до саканата дебелина и на крајот сечење во различни облици.

Во зависност од обликот тестенините се делат на:

• шпагети, кои ако се многу тенки се нарекуваат фиде,
• макарони
• резанки

Според должината тестенините се делат на:

• кратки – до 5 см
• долги – до 80 см
• мотани – долги тестенини кои при производството се виткаат во вид на гнездо.

• 
  Долги тестенини
• 
  Кратки тестенини
• 
  Тестенини за супи
• 
  Свежи тестенини

Галерија

• 
  Пченкарни тестенини со сирење во Индија
• 
  Азиски стил на „италијански“ тестенини
• 
  Азиски спирални тестениниa
• 
  Шпагети а ла карбонара
• 
  Макарони и сирење
• 
  Лазањи со месо
• 
  Пастицио
• 
  Тестенини во Јапонија

Наводи

1. д-р Рафајловска, Весна; Муратовска, Весела & Гудоманова, Јасминка (2010). Прехранбена технологија. е-учебници. Скопје. ISBN 978-608-226-033-4.

Надворешни врски

„Тестенина“ на Ризницата ?