Североисточен гренландски национален парк

Североисточниот гренландски национален парк (гренландски: Kalaallit Nunaanni nuna eqqissisimatitaq) е најголемиот национален парк во Гренланд и светот, како и најсеверен национален парк. Националниот парк е најголема заштитена област во светот.^[1] Паркот е основан во 1974 година, а својата сегашна територија е од 1988 година, и покрива 972,001 km² (375,000 ми).^[2] Паркот се наоѓа во средишниот и североисточниот дел на Гренланд и е поголем од 29 држави во светот. Тој е единствен парк во Гренланд.

Североисточен гренландски национален парк
МСЗП — Категорија II (национален парк)
Место	Гренланд
Координати	76°N 30°W
Површина	972,000 km2 (375,000 ми)
Воспоставен(а)	21 мај 1974

Географија

Националниот парк на југ се граничи со општината Сермерсок, а на запад со општината Касуитсуп. Средишниот дел на националниот парк е всушност Гренландската ледена покривка, а покрај брегот има поголеми делови без мраз. Регионот е погоден од загуба на мраз од поголеми размери одошто очекуваното.^[3]

Население

Станица Закенберг

Националниот парк нема постојано население. Во 1986 година бројот на постојани жители на паркот бил 40, кои живееле во Местерсвиг. Покрај тоа имало уште 400 локации каде имало население за време на летниот период. Овие 40 жители биле екипаж кои биле задолжени за чистење и одржување при операционите рударски ископи но набрзо го напуштиле местото. Од тогаш до денес целиот регион нема население. Во скоро време забележани се само 31 човек и 110 кучиња за време на зимата (и летото) во североисточен Гренланд, распоредени низ станиците:^[4][5]

• Данеборг (12), седиште на Сириус Петрол (раководен орган на паркот)
• Данмарксхавен (8), вработени во метеоролошка станица
• Станица Норд (5), воена база
• Местерсвиг (2)
• Закенберг (0) летна станица
• Самит Кемп (4) станица за истражување на Гренландската снежна покривка

Преку лето на овој персонал се придружуваат и научници.

Поврзано

• Гренланд
• Општини во Гренланд

Наводи

1. „The National Park“. Greenland.com. Архивирано од изворникот на 2013-12-15. Посетено на 2013-06-18.
2. Statistics Greenland, Greenland in Figures, 2009 Архивирано на 19 јули 2011 г.
3. Ramskov, Jens. "Climate models underestimate the melting of the ice cap " In English Ingeniøren, 26 December 2014. Accessed: 26 December 2014.
4. „The Sirius Sledge Patrol“. Destination EastGreenland. Архивирано од изворникот на 2011-04-21. Посетено на 2008-10-03.
5. NOAA Research

Надворешни врски

„Североисточен гренландски национален парк“ на Ризницата ?

• Мрежно место на паркот Архивирано на 22 април 2006 г.
• Галерија со слики од паркот
• Страница за паркот на ООН Архивирано на 11 март 2007 г.
• Еколошки истражувачки операции Закенберг
• Историја на истражувањата во Североисточен Гренланд Архивирано на 14 февруари 2012 г.