![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3e/Pulsar_schematic.svg/langmk-640px-Pulsar_schematic.svg.png&w=640&q=50)
Пулсар
From Wikipedia, the free encyclopedia
Пулсари се високо магнетизирани ротирачки неутронски ѕвезди кои емитуваат снопови од електромагнетно зрачење. Видливите периоди на нивното пулсирање се движат од 1,4 милисекунди до 8,5 секунди.[1] Зрачењето може да се забележи само кога снопот од емисија е насочен кон Земјата. Ова се нарекува ефект на светилник, па оттаму доаѓа и името на пулсарите. Бидејќи неутронските ѕвезди се многу густи објекти, вртежниот период и интервалот меѓу две видливи пулсирања е постојан. За некои пулсари, прецизноста на пулсирањето е исто колку и прецизноста на атомски часовник.[2] За пулсарите се знае дека имаат планети кои кружат околу нив, како што е случајот со PSR B1257+12. Вернер Бекер од Институтот за вонземска физика - Макс Планк, во 2006 година изјавил: „Теоријата за тоа како пулсарите ја емитуваат своето зрачење сè уште е нецелосна, дури и после речиси четириесет години работа.“[3] Постојат повеќе видови на пулсари меѓу кои и пулсари кои емитуваат Х-зраци, пулсати на гама-зраци и многу други, уште неоткриени видови.
![Thumb image](http://upload.wikimedia.org/wikipedia/commons/thumb/3/3e/Pulsar_schematic.svg/640px-Pulsar_schematic.svg.png)